1 Ñuca juyashca churi, ñuca cutin quilcani canguna yachachun ñuca causajunirami; ashtahuangari ñuca quilcani imachari llaquirina can.

2 Riqui, ñuca charircani ninan manllanayai macanajuita Lamanitacunahuan, imapi ñucanchi na misharcanchi; Arqueanto espadahuan urmarca, Luram, Emrónpash; ari, ñucanchi chingachishcanchipash taucapacha ñucanchipaj ajllashca runacunata.

3 Cunan riqui, ñuca churi, ñuca manllani Lamanitacuna tucuchinga cai llactapuracunata; imashpa paicuna na arrepentirin, Satanás tangachishca catilla fiñachun caishuhuan chaishuhuan.

4 Riqui, ñuca paicunahuan catilla trabajajuni; imaura ñuca parlajpi yapata riman laya Diospaj shimita, paicuna chujchun, fiñahuan; ñuca na yapata rimajpi paicunapaj shungucunata shinlliyachin; chaimanda, ñuca manllani Apunchijpaj Espíritu paicunahuan macanajuita saquirishca.

5 Shina ninan paicunapaj fiñai ñuca yaipi paicuna huañuita na manllan; paicunapaj juyaita chingachishca, caishuhuan chaishuhuan; paicuna yacunayachishca yahuarta, venganzatapash catilla.

6 Cunan, ñuca juyashca churi, masqui paicuna shinlliyajpipash, ñucanchi utsia trabajashunchi; ñucanchi trabajaita saquishpaca, ñucanchi apaitucushun ricushpa chasquichinaman; ñucanchi charinchi shuj trabajo ruranata alpahuan rurashca tabernáculopi cashpallata, mishangapa tucui ali ruraipaj napacha ricunayachijta, ñucanchi almacuna samachun Diospaj reinopi.

7 Cunan ñuca quilcani ima cai llactapurapaj llaquirinacunamanda. Yachajuimanda imata ñuca chasquishca cani Amorónmanda, riqui, Lamanitacuna tauca prezucunata charin, paicunata japirca Sherrizapaj torremanda; chaipi tiarca runacuna, huarmicuna, huahuacunapash.

8 Cusacunata, taitacunata huañuchishca chai huarmicunapaj, huahuacunapapash; paicuna micuchirca huarmicunaman paicunapaj cusacunapaj aichata, huahuacunamanbash paicunapaj taitacunapaj aichacunata; paicuna na cararca ashtahuangari ashalla yacuta.

9 Masqui Lamanitacunapaj cai jatun millanayai, na yalinllu Moriántumpi ñucanchi llactapuracunapata. Riqui, tauca Lamanitacunapaj ushicuna prezucuna japishca; paicunata huaglichishpa ima can ashtahuan juyailla tucuita yali cuzasta, ima can castidad, virtudpash—

10 Caita rurashca jipa, paicunata huañuchirca ninan manllanayai layapi, ninanda macashpa paicunapaj cuerpocunata huañungacaman; caita rurashca jipa, paicunapaj aichacunata micurca sacha animalcunashna, paicunapaj shinlli shungucunamanda; caita rurarca paicunapaj millai señal cachun.

11 Oh ñuca juyashca churi, imashna caita ushan cai llactapuracuna, civilización illa—

12 (Asha huatacunalla yalishca can, paicuna carca shuj civil, shuj juyailla llactapuracuna)

13 Ashtahuangari Oh ñuca churi, imashna caita ushan cai llactapuracuna, maijan cushijun shina ashtaca millanayaipi—

14 Imashnata ñucanchi shuyai ushanchi Dios paipaj maquita jarcachun ricushpa chasquichinapi ñucanchipaj contra?

15 Riqui, ñuca shungu huacan: Ay cai llactapuracuna. Shamui ricushpa chasquichinapi, Oh Dios, pacai paicunapaj juchacunata, na ali ruraicunata, millanayaicunata quiquinba ñavimanda!

16 Cutin, ñuca churi, tian tauca cusa huañushca huarmicuna, paicunapaj ushicunapash picuna saquirirca Sherrizapi; asha micunacunata imata Lamanitacuna na aparca, riqui, Zenefipaj macanajuj runacuna aparca, paicunata saquirca caiman chaiman purichun micunata mascashpa; tauca paya mamagucuna juizu chingachin ñanbi, huañunbash.

17 Macanajuj runacuna picuna ñucahuan can irqui can; Lamanitacunapaj macanajuj runacuna Sherrizahuan shicanyachihuan; mashna Aarónpaj macanajuj runacunapaman yalishcacuna huañushpa urman paicunapaj manllanayai brutalidadpi.

18 Oh ñuca llactapurapaj huagli! Paicuna can orden illa, shungunamanda llaqui illa. Riqui, ñuca cani shuj runa, ñuca charini shuj runapaj shinllicaitalla, ñuca ñana mandai ushani.

19 Paicuna shinlliman tigrashca paicunapi huaglicaipi; shina brutalcuna can, na huacaichinllu rucutapash, viñajcunatapash; tucui cuzaspi cushijun ima ali cajpica na; ñucanchi huarmicunapaj llaquiricuna, ñucanchi huahuacunapaj tucui cai alpa jahuallapi tucui cuzasta yali can; ari, jallu na nita ushan, caita quilcaitapash na ushan.

20 Cunan, ñuca churi, ñuca na ashtahuan catini cai manllanayai ricuihuan. Riqui, quiquin yachangui cai llactapuracunapaj na ali ruraicunata; quiquin yachangui paicuna can yachajui illacuna, tucui sentinacunatapash chingachishca; paicunapaj na ali ruraicuna Lamanitacunapata yali can.

21 Riqui, ñuca churi, ñuca paicunata Diosman mingaita na ushani pai ñucata castiganamanda.

22 Ashtahuangari riqui, ñuca churi, ñuca quiquinda Diosman mingani, ñuca Cristopi crini quishpirishca cangui; ñuca achil mañani Diosta quiquinba causaita quishpichichun, testigo cangui paipaman tigrarijta cai llactapuracuna, nacashpa paicunapaj tucuilla tucurita; imashpa ñuca yachani paicuna tucuringa imashpapash paicuna arrepentirishpa paipaman tigrajllapi na.

23 Paicuna tucurishpaca cai canga Jareditacunashna, paicunapaj shungucunapaj shinlliyaimanda, mascashpa yahuarta, venganzatapash.

24 Cai shina cajpica paicuna tucurijpica, ñucanchi yachanchi tauca ñucanchi huauquicuna Lamanitacunahuan tandanajushca, ashtahuan taucacunapash paicunapaman tandanajun; chaimanda, quilcai ima huaquin cuzascunata, can huacaichishca cashpa ñuca tucurishca na ricushpa quiquinda; ashtahuangari ñuca crini quiquinda ñalla ricusha; imashpa ñuca charini achil tandachishpa quilcashcacunata imami ñuca quiquinman cungapa munani.

25 Ñuca churi, Cristopi fiel cai; cuzascunata imata ñuca quilcashcani ama llaquichichun, huañuiman ama llaquichichun; ashtahuangari Cristo quiquinda vichai alsanga, paipaj llaquiricuna huañuipash, paipaj cuerpota ricuchishcata ñucanchi taitacunaman, paipaj shungumanda llaqui, longanimidad, shuyai paipaj punchapamba caipi, mana tucurina causai, cangunapaj yuyaipi samachun mana tucurinacaman.

26 Dios Taitapaj ninan juyaimanda, pimi jahua pachacunapi tiarinapi can, ñucanchi Apunchij Jesucristopash, pimi tiarin paipaj ushaipaj ali ladoman, tucui cuzascuna paipaj mandopi cangacaman, cumbachun, cachunbash canhuan mana tucurinacaman. Shinacapashcachun.