1 An pamaagi kun tipaunan-o nga an mga disipolo, nga tinatawag nga mga ansiano han simbahan, in nag-ordina han mga saserdote ngan mga magturutdo —

2 Kahuman nga hira in mag-ampo ha Amay ha ngaran ni Cristo, ira iginbutang an ira mga kamot ha ira mga ulo, nga nagsisiring:

3 Ha ngaran ni Jesucristo gin-oordinahan ko ikaw nga magin usa nga saserdote (o, kun hiya in magigin magturutdo) gin-oordinahan ko ikaw nga magin magturutdo, agud magtutdo han pagbasul ngan kapasayloan han mga sala pinaagi kan Jesucristo, pinaagi han kamabaskug han pagtuo ha iya ngaran tubtub ha katapusan. Amen.

4 Ngan ha sugad hine nga pamaagi ira gin-ordinahan an mga saserdote ngan mga magturutdo, subay han mga gasa ngan mga panawag han Diyos ngadto ha tawo; ngan ira gin-ordinahan hira pinaagi han gahum han Espiritu Santo, nga nakada ha ira.