Libro Ni Moroni

1 Ngan yana ako, hi Moroni, kahuman ko mahimo an pagpahalipot hine nga mga pangasoy han mga tawo ni Jared, kasiring ko nga dire na ako makakagsurat pa, kundi ako in dire pa namamatay; ngan ako dire nagpapakita han mga Lamanite kay bangin nira ako patayon.

2 Kay makabirido, an ira kagubot in duro kamakusog ha ira hugpo la ngahaw; ngan tungod han ira pagkaurit ira ginpapatay an kada Nephite nga dire nagdidiwara kan Cristo.

3 Ngan ako, hi Moroni, in dire magdidiwara kan Cristo; tungod hine, ako in naglilinakat ha bisan diin nga akus ko para han kalibrehan han akon kalugaringon nga kinabuhi.

4 Sanglit, ako in magsusurat hin dire na damo nga mga pulong, nga natipa han akon pagbana-bana; kay unta dire na ako magsusurat pa; kundi ako in magsusurat hin dire na damo nga mga pulong, nga bangin dako it kapulsanan ngadto hit akon mga kabugtoan, an mga Lamanite, ha mga tiarabot nga panahon, subay hadton kaburut-on han Ginoo.