Ti Libro ni Moroni

1 Ita siak, ni ^aMoroni, kalpasan ti panangyababak iti pakaammuan dagiti tao ni Jared, impapanko a saanakon nga agsurat pay, ngem saanak pay a napapatay, ket saanko nga inyam-ammo ti bagik kadagiti Lamanite amangan ta patayendak.

2 Ta adtoy, narungsot unay ti ^apanagrarangetda; ket gapu iti gurada ^bpatayenda ti tunggal Nephite a saan a mangtallikud ken ni Cristo.

3 Ket siak, ni Moroni, saanko a ^atallikudan ni Cristo; gapuna, agsursursorak iti sadino man a mabalinko a papanan a pakasalakniban ti biagko.

4 Gapuna, mangisuratak pay iti sangkabassit a banag, a maisupadi iti panangipagarupko; agsipud ta impagarupko a saanak nga agsuraten; ngem isuratko ti sumagmamano pay a banag, amangan no napategdanto kadagiti kabsatko, dagiti Lamanite, iti masakbayan nga aldaw, a maibatay iti pagayatan ti Apo.