Ri Vuj richin ri Moroni

1 Vacami cʼa, yin Moroni xinqʼuis ruchʼutinirisaxic ri tzijonic quichin ri runinakul ri Jared. Vaveʼ cʼa, xinnojij chi man xtintzʼibaj ta jubaʼ chic. Man riqʼuin vi cʼariʼ, manjani quicom. Vacami man nincʼut ta cʼa viʼ chiquivech ri Lamaniʼ richin man yinquicamisaj yan ta.

2 Can kitzij vi cʼa chi yalan e cʼayef ri camisanel tak oyoval chiquicojol rijeʼ. Xa roma cʼa ri quetzelal rijeʼ, can yequicamisaj vi checonojel ri Nefiʼiʼ ri man niquixutuj ta ri Cristo.

3 Yin Moroni can man xtinxutuj ta vi ri Cristo. Roma cʼariʼ, yibiyajalan cʼa xabacuchi yitiquir vi richin ninchajij ri nucʼaslen.

4 Roma cʼariʼ, nintzʼibaj can jubaʼ chic, stapeʼ cʼa man que ta riʼ xinkʼijuj. Roma can xinkʼijuj vi yan chi man xtintzʼibaj ta chic. Man riqʼuin vi riʼ, nintzʼibaj jubaʼ chic. Riqʼuin cʼa jubaʼ re xtintzʼibaj vaveʼ xticʼojeʼ rejkalen chique ri vachʼalal ri Lamaniʼ pa jun chic kʼij apon, achiʼel cʼa xtukʼijuj apon ri Ajaf.