Tsir 7
Mormon to nsa frɛɛ Lamanfo a wɔwɔ nda a odzi ekyir no mu no dɛ wɔngye Christ ndzi, wɔngye N’asɛmpa no nto mu na wɔngye hɔn nkwa—Hɔn a wɔgye Bible dzi nyina bɛgye Mormon Nwoma no so edzi. Christ N’Awoo ekyir bɛyɛ mfe 385.
1 Na afei, hwɛ, mebɛkã biribi akyerɛ nkorɔfo ankaa yi a woefi owu nsa no, sɛ ɔba dɛ Nyankopɔn bɛma wɔatse me nsɛm a, ama woeehu ndzɛmba a ɔfa hɔn egyanom ho; nyew, mekasa kyerɛ hom, hom a hom yɛ Israel fifo nkaa; na iyinom nye nsɛm a merekã:
2 Hom nhu dɛ hom yɛ aIsrael fifo.
3 Hom nhu dɛ ɔsɛ dɛ hom nu homho, annyɛ dɛm a wɔrenngye hom nkwa.
4 Hom nhu dɛ ɔsɛ dɛ hom dze ɔkõ ho akodze gu famu, na hom enyi nngye dɛ hombɛkã bɔgya egu bio, na hom nnsan mmfa akodze bio, gyedɛ Nyankopɔn noara hyɛ hom ana.
5 Hom nhu dɛ ɔsɛ dɛ hom nya hom egyanom ho anyimdzee, na hom nu homho wɔ hom bɔn nye hom emumuyɛ nyina ho, na hom bgye Jesus Christ dzi, dɛ ɔno nye Nyankopɔn ne Ba no, no na Jewfo na wokum no, na ɔnam Egya no tum do ɔasoɛr bio, dɛm ntsi oedzi cnkonyim wɔ owumaa do; na no mu so na owu no bɔr ammen.
6 Na ɔdze aowusoɛr abɔbɔ adze, dɛm ntsi wobenyan nyimpa ma oekegyina bn’atsɛmbu egua no enyim.
7 Na ɔama aɔpon aba wiadze, dɛm ntsi obiara a bafɔdze biara nnyi noho wɔ n’enyim wɔ atsɛmbu da no mu no wɔbɛma no kwan dɛ cɔnkɛtsena Nyankopɔn nkyɛn wɔ n’ahenman mu, na ɔnye sor dadwontokuw no atow ayɛyi ndwom a ɔmmbɔadze da dze ama Egya no, nye Ɔba no, nye Sunsum Krɔnkrɔn no a wɔbɔmu yɛ eNyame kor, wɔ tsebew fahomka mu a onnyi ewiei mu.
8 Dɛm ntsi hom nnu homho, na wonnuma hom wɔ Jesus ne dzin mu, na hom nsuo Christ an’asɛmpa no mu yie, dza wɔdze robɔto hom enyim, nnyɛ dza ɔwɔ kyerɛwsɛm yi mu nko na mbom bkyerɛwsɛm so a cobefi Jewfo hɔ aba Amanamamfo hɔ no, dɛm kyerɛwsɛm no a obefi Amanamamfo so hɔ daba hom hɔ no.
9 Na hwɛ, awɔakyerɛw iyi ama hom baagye ɔno so edzi; na sɛ hom gye ɔno dzi a hom bɛgye iyi so edzi; na sɛ hom gye iyi dzi a hom bohu dza ɔfa hom egyanom ho, nye anwanwadze pii a wɔnam Nyankopɔn no tum do yɛɛ wɔ hɔn mu.
10 Na hom bohu so dɛ hom yɛ Jacob n’asefo nkaa; dɛm ntsi wɔakan hom afora edzikamfo a wɔyɛ ahyɛmu mba no; na sɛ ɔba dɛ hom gye Christ dzi, na wonuma hom, wodzi kan dze nsu, na nkyii wɔdze ogya nye Sunsum Krɔnkrɔn, dɛ mbrɛ Agyenkwa no yɛɛ dze yɛ afasusu no, dɛ mbrɛ ɔahyɛ hɛn no a, obesi hom yie wɔ atsɛmbu da no mu. Amen.