1 Na ɔbaa dɛ mokɔr Nephifo no mu, na munuu moho wɔ ^ansew a midzii dɛ morommboa hɔn bio no ho; na wɔdze hɔn nsordaafo no hyɛɛ me nsa bio, osiandɛ wɔdze hɔn enyi too mo do dɛ emi na mubotum agye hɔn efi hɔn amandzehu mu.

2 Mbom hwɛ, nna ^aminnyi enyidado biara, osiandɛ minyim Ewuradze n’atsɛmbu a ɔbɛba hɔn do, osiandɛ woennu hɔnho wɔ hɔn bɔn ho, mbom wɔperee maa hɔn nkwa na woennsu ammfrɛ Nyia Ɔbɔɔ hɔn no.

3 Na ɔbaa dɛ Lamanfo no baa hɛn do ber a yeguanee kɔr Jordan kurow mu no; mbom hwɛ wɔpaam hɔn na woenntum ammfa kurow no dɛm aber no.

4 Na ɔbaa dɛ wɔbaa hɛn do bio, na yɛbɔɔ kurow no ho ban. Na nkuropɔn binom so wɔ hɔ a Nephifo no bɔɔ ho ban, na kwan a wɔfaa do bɔɔ ho ban no ntsi woenntum ammba kurow a ɔda hɛn enyim no mu ammbɛsɛɛ nkorɔfo a wɔwɔ hɛn asaase no do no.

5 Mbom ɔbaa dɛ asaase a yɛfaa do a no mu nyimpa no mmboaa hɔn ano no, Lamanfo no sɛɛ hɔn, nye hɔn nkurow nye hɔn nkuraase, na wɔdze gya hyeew hɔn nkuropɔn nyina, na dɛm na mfe ahaebiasa eduosuon-akron twaa mu kɔree.

6 Na ɔbaa dɛ afe a ɔtɔ do ahaebiasa eduowɔtwe mu no Lamanfo no baa bio dɛ wɔnye hɛn robɔkõ, na yɛdze akokodur gyinaa hɔn enyim; na mbom ne nyina yɛɛ gyan osiandɛ wɔdɔɔ sõ araa ma wotwuwii faa Nephifo no do tsiatsiaa hɔn do.

7 Na ɔbaa dɛ yeguaan bio fii Lamanfo no hɔn enyim, na hɔn a hɔnho yɛɛ har no fii nsa, na hɔn a hɔnho annyɛ har no wɔsɛɛ hɔn.

8 Na afei hwɛ, emi Mormon memmpɛ dɛ mekã awerɛhosɛm kɛse na ewurkadze a medze m’enyiwa hunii kyerɛ dze how nyimpa hɔn werɛ; mbom emi minyim dɛ ndzɛmba yinom wɔ dɛ ɔda edzi, na dɛ ndzɛmba a ɔwɔ nsumaamu nyina ^awɔbɛ da no edzi wɔ adan-etsifi—

9 Na dɛ dɛm ndzɛmba yinom ho nyimdzee so wɔ dɛ ^aɔba dɛm nkorɔfo nkaa yinom hɔ, nye Amanamamfo so hɔ, hɔn a Ewuradze akã dɛ ^bwɔbɔbɔ nkorɔfo yi apetse, na dɛm nkorɔfo yi worummbu hɔn bi wɔ hɔn mu—dɛm ntsi merekyerɛw biribi ^coetwa no tsia, memmpɛ dɛ mekyerɛw ndzɛmba nyinara a muhunii no, osian mbrasɛm a me nsa akã ntsi, amma hom enndzi awerɛhow kɛse so osian dɛm nkorɔfo yi hɔn emumuyɛdze ntsi.

10 Na afei hwɛ, iyi mekã kyerɛ hɔn asefo, nye Amanamamfo so a wɔbɔhwɛ Israel fifo do, na wosusu na wohu bea a hɔn nhyira fi ba no.

11 Na minyim dɛ nkorɔfo a wɔbɛtse dɛm no bedzi awerɛhow wɔ Israel fifo hɔn haw ho; nyew, wobedzi awerɛhow wɔ dɛm nkorɔfo yi hɔn nsɛɛ ho; wobedzi awerɛhow dɛ nkorɔfo yi ennu hɔnho na wɔammfa hɔnho annto Jesus n’abaw mu.

12 Afei wɔakyerɛw ^andzɛmba yinom dze ama Jacob fifo ^bnkaa; na wɔakyerɛw no wɔ dɛm kwan yi do, osiandɛ Nyame nyim dɛ emumuyɛdze runntum mmfa iyinom mmbrɛ hɔn; na wɔdze ^cbesie ama Ewuradze akɛpem dɛ ɔbɛda no edzi wɔ nankasa ne mber do.

13 Na iyi nye mbrasɛm a me nsa akã, na hwɛ, wobeyi epue dɛ mbrɛ Ewuradze ne mbrasɛm kyerɛ, ber a obohu dɛ oye, wɔ ne nyansaa mu.

14 Na hwɛ, wɔbɔkɔ ^aJewfo a wɔnngye nndzi no hɔ; na iyi ntsi na wɔbɔkɔ ama wɔama ^bwoehu dɛ Jesus nye Christ no, Nyame tseasefo ne Ba no; ama Egya no eedua no Dɔba kɛse no do ama ne onnyiewiei nhyehyɛɛ kɛse no aaba mu, ama woeekenyan Jewfo no, anaadɛ Israel fifo nyina, dze hɔn aba hɔn egyapadze asaase no do, dza hɔn Ewuradze Nyankopɔn dze ama hɔn no, dze ahyɛ ^cn’ahyɛmu no mã;

15 Na ama ^ankorɔfo yi hɔn asefo aagye n’asɛmpa no edzi yie, dza obefi Amanamamfo hɔ ^bakɔ hɔn hɔ no; na dɛm nkorɔfo yi ^cwɔbɔbɔ hɔn apetse, na ^dwɔbebir, wɔayɛ efĩfĩfo na nkorɔfo a wɔmmpɛ hɔn asɛm koraa, nkorɔfo a hɔn saso mmpuee hɛn mu pɛn, nyew, nnyɛ Lamanfo no mu mpo, osian hɔn ekyingye na abosonsom ntsi.

16 Na hwɛ, Ewuradze no Sunsum egyaa dɛ ɔnye hɔn egyanom ^adzi aper dada; na wonnyi Christ na Nyankopɔn wɔ wiadze yi mu; na wɔabɔ hɔn apetse dɛ ^bntsɛw wɔ mframa enyim.

17 Nkyɛ wɔyɛ nkorɔfo a hɔnho yɛ enyigye, nna Christ nye hɔn ^aguanhwɛfo; nyew, nna Egya Nyankopɔn nye hɔn kandzifo.

18 Mbom afei, hwɛ, seseiara Satan na ^aodzi hɔn kan, tse dɛ ma wɔbɔ ntsɛw wɔ mframa enyim, anaa tse dɛ mbrɛ asorɛkye bɔ wusihɛn a onnyi abradaa anaa sekyɛ anaa biribiara a ɔdze bɛdandan noho no; na dɛ mbrɛ ɔtse no, dɛmara na wɔtse.

19 Na hwɛ, Ewuradze atwe hɔn nhyira a ɔwɔ dɛ hɔn nsa kã wɔ asaase no do no asensɛn, dze ama ^aAmanamamfo a wɔbɛfa asaase no.

20 Mbom hwɛ, ɔbɛba dɛ Amanamamfo no bɛpam hɔn na wɔabɔ hɔn apetse; na Amanamamfo no apam hɔn na wɔabɔ hɔn apetse ekyir no, hwɛ, nna Ewuradze ^abɛkaa ^bahyɛmu a ɔnye Abraham nye Israel fifo dzii no.

21 Na Ewuradze so bɛkaa atseneneefo hɔn ^ampaabɔ a wɔdze ato n’enyim ama hɔn.

22 Na afei, O Amanamamfo, hom besi dɛn egyina Nyame no tum ano, gyedɛ hom nu homho na hom dan fi hom ndzebɔn kwan do?

23 Ana hom nnyim dɛ hom wɔ Nyame ne nsamu? Ana hom nnyim dɛ tum nyina yɛ nedze, na sɛ ^aɔhɛn mu kɛse a asaase ^bbɔbobɔw dɛ nwoma?

24 Dɛm ntsi, hom nnu homho, na hom mbrɛ homho adze wɔ n’enyim, amma ɔammfa pɛrpɛrdzi enntsia hom—amma Jacob n’asenyi nkaase bi ammba hom mu dɛ ^aawendadze, na ɔammbɛtsetsew hom mu esinesin; na obiara nnyi hɔ a ɔbɛgye hom.