1 Yalishca jipa Lamanitacuna cutin ñana shamurca chunga huata yalishca cangacaman. Riqui, ñuca llactapura Nefitacunata trabajachircani, paicunapaj alpacunata tarpunallata rurachishpa, paicunapaj macanajunacunatapash rurachishpa macanajui punllacaman.

2 Yalishca jipa Apunchij ñucata nihuarca: Cai llactapuracunata yachachi—Arrepentirichi, ñucapaman shamuichi, bautizarichi, ñuca iglesiata cutin huasichi, shina huacaichishcapash canguichi.

3 Cai llactapuracunaman yachachircani, ashtahuangari cai yanga carca; paicuna na entendirca Apunchij paicunata huacaichishcata, paicunaman cushpa shuj oportunidadta arrepentirichunbash. Riqui shinlliyachirca paicunapaj shungucunata Apunchijpaj paicunapaj Diospaj contra.

4 Yalishca jipa cai chunga huata yalishca jipa, tucuillapi, quimsa patsaj sujta chunga huatacuna Cristo shamushcamanda, Lamanitacunapaj jatun mandaj ñucaman cachamuhuarca shuj cartata, maipi yachaj chayachihuarca paicuna ñucanchihuan cutin macanajungapa prepararinajujta.

5 Yalishca jipa ñuca llactapuracunata tandachichircani Imapash Illaj pambapi, shuj llactapi imami carca manñacunapi, quichiji yalinapi maijan pushan urai alpaman.

6 Ñucanchi macanajuj runacunata saquircanchi, jarcachun Lamanitacunapaj macanajuj runacunata, paicuna ama japichun nimaijan ñucanchipaj alpacunata; chaimanda ñucanchi shinlliyachircanchi paicunapaj contra tucui ñucanchi macanajuj runacunahuan.

7 Yalishca jipa quimsa patsaj sujta chunga shuj huatapi Lamanitacuna urai shamurca Imapash Illaj llactaman ñucanchihuan macanajungapa; yalishca jipa chai huatapi paicunata misharcanchi, shinashpa paicunapaj propio alpacunaman cutin tigrarca.

8 Quimsa patsaj sujta chunga ishcai huatapi cutin urai shamurca macanajungapa. Cutin paicunata misharcanchi, paicunapamanda taucacunata huañuchircanchi, paicunapaj huañushcacuna jatun mama cochaman shitai tucurcapash.

9 Cunan, cai jatun cuzasmanda imata ñuca llactapura, Nefitacuna, rurashca carca, paicuna ninanda jariyai callarirca paicunapaj propio shinllicaipi, jurai callarirca jahua pachacunapaj ñaupapi, randipash shinallata rurangapa munarca paicunapaj huauquicunapaj yahuarmanda, picuna huañuchishca carca paicunapaj napacha ricunayachijcunahuan.

10 Paicuna jurarca jahua pachacunamanda, Diospaj jatun tiairinamandapash, macanajungapa rigrijta paicunata napacha ricunayachijcunahuan, cai alpa jahuallamanda shitagringapapash.

11 Yalishca jipa ñuca, Mormón chai punllamanda napacha nircani paicunapaj mandaj cangapa shuj pushaj cai llactapuracunapaj, paicunapaj na ali ruraicunamanda, millanayaicunamandapash.

12 Riqui, ñuca paicunata pushashcani, masqui paicuna na alita rurajpipash, pushashcani tauca viaje macanajungapa, paicunata juyashcanipash, Diospaj juyaimanda imami ñucapi carca, tucui ñuca shunguhuan; ñuca alma jicharirca ñuca Diosta achil mañaipi tucui punlla paicunamanda; shina cajpipash, cai carca fe illa, paicunapaj shinlli shungucunamanda.

13 Quimsa viaje paicunata cacharichishcani paicunata napacha ricunayachijcunamanda, shina paicuna na arrepentirshcachu paicunapaj juchacunamanda.

14 Imaura paicuna jurashca carca tucuimanda imata ñucanchi Apunchij, Jatun Quishpichij Jesucristo na saquishca carca, paicuna rigringapa paicunata napacha ricunayachijcunapaman macanajungapa, randipash shinallata rurangapa paicunapaj huauquicunapaj yahuarmanda, riqui Apunchijpaj shimi ñucapaman shamurca, nishpa:

15 Venganza ñucapaj can, ñuca pagasha; cai llactapuracuna paicunata cacharichishca jipa paicuna na arrepentirishcamanda, riqui, alpa jahuamanda huañuchishca canga.

16 Yalishca jipa ñuca napacha risha nircani ñucata napacha ricunayachijcunapaman; ñuca rurarcani imashna Apunchij mandahuashcata; ñuca shayarircani testigo laya ricuchingapa cai pachaman cuzascunata imata ricurcani, uyarcanipash, Espíritu ricuchishcamanda imata testificashca shamuna cuzascunamanda.

17 Chaimanda ñuca cangunaman quilcani, Gentilcuna, cangunamanbash, Israelpaj huasi, imaura rurai callarijpi, canguna canguichita ña prepararinalla tigrangapa cangunapaj chasquina alpaman;

18 Ari, riqui, ñuca quilcani tucui alpa tucurinacaman; ari, cangunaman, chunga ishcai Israelpaj tribucuna, picuna ricushpa chasquichishca canguichi cangunapaj ruraicunamanda chunga ishcaicunahuan picuna Jesús ajllarca paipaj discípulocuna cachun Jerusalénpaj alpapi.

19 Quilcanipashmi cai llactapurapaj puchucunaman, maijanguna ricushpa chasquichitucungapash chunga ishcaicunahuan picunata Jesús ajllarca cai alpapi; paicunapash ricushpa chasquichishca canga cutishuj chunga ishcaicunahuan picunata Jesús ajllarca Jerusalénpaj alpapi.

20 Cai cuzascunata ricuchihuan Espíritu; chaimanda ñuca tucuicunaman quilcani. Caimanda ñuca quilcani, yachachun tucui shayarigrijta Cristopaj jatun tiarina ñaupapi, ari, tucui alma maijan Adánpaj alpapaj aillu can; shayaringuichipacha cangunapaj ruraicunamanda ricushpa chasquichi tucungapa, caicuna ali cajpi na ali cajpipash;

21 Canguna crichunbash Jesucristopaj quishpiringapa villaicunata, cangunahuan imata charinguichi; Judíocunapash, Apunchijpaj convenio llactapura, cutishuj testigotapash charichun paicuna ricushca uyashcamanda cutishuj, Jesúsmanda testificachun, pita paicuna huañuchirca, ciertopacha Cristo cashcata, ciertopacha Dios.

22 Ñuca munani yarichi ushangapa tucui alpa tucurinacaman arrepentirichun prepararichunbash shayaringapa Cristopaj jatun tiarina ñaupapi.