1 Na afei, hwɛ, mo nuanom, dɛ mbrɛ mekãa kyerɛɛ hom dɛ mebɛhyɛ nkɔm no, hwɛ, iyi nye mo nkɔnhyɛ—dɛ ndzɛmba no a dɛm nkɔnhyɛnyi ^aZenos kãe, a ɔfa Israelfifo ho, dza ɔdze too ngo dua pa ho no, wɔ dɛ ɔba mu ampa.

2 Na da no a ɔbɛtsen ne nsa mu bio wɔ ne mpɛn a otsĩa ebien dze ^aatwetwe no dɔm no, nye da no, nyew, mber a odzi ekyir no, Ewuradze no ^bnkowaa no bɔkɔ wɔ no ^ctum mu ^dekogugu no ^ewenyin ture mu ndua ase fa na woeyiyi ho; na ɔno ekyir, ɔnnkɛkyɛr na ^fewiei no aba.

3 Na mbrɛ hɔn a wɔdze ahoɔdzen ayɛ edwuma wɔ no wenyin ture no mu nhyira si bɔdɔɔ sõ a; na mbrɛ hɔn a wɔbɔtow hɔn egu hɔnankasa hɔn bea do no mpaa si bɔdɔɔ sõ a! Na wɔdze ogya ^abɛhyew wiadze.

4 Na mbrɛ hɛn Nyankopɔn si wɔ ehumbɔbɔr ma hɛn a, osiandɛ ɔkaa ^aIsrael fifo, nyew ne ndwow na n’abaw nyinara; na ɔtsen ne ^bnsa ma hɔn da no nyina mu; na wɔyɛ ^cakɔnkyefo na ekyingyefo; na mbom dodowara a wonnkepirim hɔn akoma no wobɛgye hɔn nkwa wɔ Nyame n’ahenman no mu.

5 Dɛm ntsi, mo nuanom adɔfo, mototɔ serɛ hom wɔ ahobrɛadze mu dɛ hom nnu homho, na hom mfa akoma pa ^antakyer Nyame dɛ mbrɛ ɔtakyer hom no. Na dɛ mbrɛ ɔtsen ^bn’ehumbɔbɔr abasa wɔ hom do wɔ adzekyee nyinara no, mma hom mmpirim hom akoma.

6 Nyew, ndɛ da yi, sɛ hom tsie ne ndze a, mma hom mmpirim hom akoma; ebɛn ntsi na hom ^abowu?

7 Na hwɛ, ana wɔdze Nyankopɔn n’asɛmpa no amee hom da no mu nyinara ekyir no, hom bɔsow eduaba bɔn ma ^awoeetwa hom akyen ogya no mu?

8 Hwɛ, ana hom bɔpow nsɛm yi? Ana hom bɔpow nkɔnhyɛfo no nsɛm; na hom bɔpow nsɛm a wɔakã a ɔfa Christ ho wɔ aber a nkɔnhyɛfo pii akã noho nsɛm na hom apow Christ ne nsɛmpa, na Nyankopɔn no tum, na Sunsum Krɔnkrɔn ^an’akyɛdze, na woedum Sunsum Krɔnkrɔn no, na woesi ɔpon nhyehyɛɛ no a wɔayɛ ato hɔ ama hom no atwetwe?

9 Hom nnyim dɛ sɛ hom yɛ dɛm ndzɛmba yi a, ɔpon tum no na wusoɛr a ɔwɔ Christ mu no dze hom bɛba enyimguase nye ^aafɔdzi kɛse mu wɔ ^bNyankopɔn n’asɛndzipon enyim?

10 Na dɛ mbrɛ ^apɛrpɛr no tum tse no, worummbu enyi nngu pɛrpɛrdzi do, na otwar dɛ hom kɔ ^bogya baka na brimstone no a ne gyaframee nndum da no mu, na no wusiw fow kɔ sor afebɔɔ kesi afebɔɔ no, dɛm ogya baka na brimstone no yɛ ^cahohyehye a ^donnyi ewiei.

11 O, dɛm ntsi, mo nuanom adɔfo, hom nnu homho, na hom nhɛn ^aabow a ɔtsen no mu, na hom nkɔdo nnantsew wɔ kwan tseatseaba no mu, nkodu dɛ hom benya onnyiewiei nkwa no.

12 O hom nhu ^anyansa; ebɛn asɛm bio na menka?

13 Mewie, makra hom, kesi dɛ mibehyia hom wɔ Nyankopɔn n’enyigye asɛndzipon no enyim, asɛndzipon a ɔdze ^ahu kɛse na suro twitwa emumuyɛfo no. Amen.