Kyerɛwsɛm
Jacob 1
Download horow
Buukuu Nyina (PDF)
Ase Nsɛnsin

Hide Footnotes

Asɛntsir

Jacob Nwoma No
Nephi no Nua

Nsɛm a ɔbɔɔ no dawur kyerɛɛ no nuanom. Ɔnye ɔbarimba bi a ɔhwehwɛɛ dɛ obu Christ ne nkyerɛkyerɛ tootooba dzi esi. Nsɛm kakra bi a ɔfa Nephi no nkorɔfo hɔn abakɔsɛm ho.

Tsir 1

Jacob na Joseph per dɛ wɔbɛma nkorɔfo enya gyedzi wɔ Christ mu na woedzi Ne mbrasɛm do—Nephi wu—Emumuyɛdze soɛr wɔ Nephifo mu. Bɛyɛ mfe 544–421 Ansaana wɔbɔwo Christ.

1 Na hwɛ, ɔbaa dɛ nna mfe eduonum enum ebotwa mu kɔ fitsi mber a Lehi fii Jerusalem no; dɛm ntsi, Nephi hyɛɛ emi, aJacob, bmbra a ɔfa cmprɛtse nkakraba no a woekrukye dɛm ndzɛmba yi wɔ do no ho.

2 Na ɔhyɛɛ emi, Jacob, mbra dɛ menkyerɛw ndzɛmba kakra a mususu dɛ ohia no wɔ dɛm mprɛtse yi do; dɛ mma munnsuo mu, gyedɛ abakɔsɛm kakra bi a ɔfa no dɔm a wɔfrɛ hɔn Nephi no nkorɔfo ho no.

3 Na ɔkãa dɛ no nkorɔfo ho abakɔsɛm no wonkrukye no wɔ ne mprɛtse nkaa no do, na dɛ monkora dɛm mprɛtse yi do yie na memfa mma m’asefo, fitsi ebusuasantsen dze kɛpem ebusuasantsen.

4 Na sɛ nsɛmpa bi wɔ hɔ a ɔyɛ krɔnkrɔn, anaa nyikyerɛ bi a ɔsõ, anaa nkɔnhyɛ bi a, ɔno munkrukye an’etsir no wɔ mprɛtse yi do, na Christ ntsi, na hɛn nkorɔfo so ntsi memfa dza mohwɛ a oye nka ho.

5 Na osian gyedzi na awerɛhyɛmu ntsi, nokwar, wɔada dza ɔfa hɔn nkorɔfo ho na ndzɛmba a aɔbɛba hɔn do no edzi akyerɛ hɛn.

6 Na hɛn so yenyaa nyikyerɛ pii, na nkɔnhyɛ sunsum so ara yie; dɛm ntsi, nna yenyim aChrist na n’ahenman no a ɔbɛba no.

7 Dɛm ntsi, yɛyɛɛ edwuma ɔdzen do wɔ hɛn nkorɔfo mu, ama yɛaatwe hɔn aaaba Christ nkyɛn na wɔatse Nyame ne papayɛ no nkã, ama woeetum ahɛn bn’ahomgye no mu, amma ammba no dɛ ɔbɛkã ntam wɔ n’ebufuw mu dɛ mma cwɔnnhɛn mu, dɛ mbrɛ Israelmba hɔn nda no mu ber a wɔwɔ dsar no do no wɔgyegyee no hyɛɛ no eebufuw no.

8 Dɛm ntsi, yɛbehia Nyame no mboa, dɛ yɛbɔtwe adasa nyinara adwen amma awɔanntsew Nyankopɔn do etua bannhyɛ no ebufuw, na mbom dɛ adasa nyinara bɛgye Christ edzi, na wɔahwɛ no wu no, na wɔafa ne cmbeamudua no na wɔasoa wiadze enyimguase; dɛm ntsi, emi Jacob, megye to mo do dɛ mibedzi mo nua Nephi ne mbrasɛm do.

9 Na afei Nephi hyɛɛ ase dɛ ɔreyɛ akɔdaa, na ohun dɛ ɔrennkyɛr na aoewu; dɛm ntsi, bɔseraa ɔbarimba bi ngo hyɛɛ no ɔhen dɛ ɔnhwɛ nkorɔfo no do, dɛ mbrɛ cahemfo no ahendzi tse.

10 Na nkorɔfo no dɔɔ Nephi dodow, osiandɛ otwitwae gyee hɔn mbordo, na ɔdze Laban ne ankrantsee no kõe dze twitwae gyee hɔn, na odzii dwuma pii no nkwa nda nyinara wɔ hɔn yieyɛ ntsi.

11 Dɛm ntsi, nkorɔfo no pɛɛ dɛ ne dzin da hɔ ama wɔaakaa no aber nyinara. Na obiara a obedzi adze wɔ n’ananmu no wɔbɛfrɛ no Nephi a otsĩa ebien, Nephi a otsĩa ebiasa, na wɔyɛɛ no dɛmara dze kɔree dɛ mbrɛ ahemfo no ahendzi no tse; na dɛm na nkorɔfo no dze frɛɛ hɔn, kansa sɛ obiara wɔ ne dzin mpo a.

12 Na ɔbaa dɛ Nephi wui.

13 Na afei nkorɔfo a nna wɔnnyɛ aLamanfo no nna wɔyɛ bNephifo; anaaso wɔfrɛ hɔn Nephifo, Jacobfo, Josephfo, cZoramfo, Lamanfo, Lemuelfo, na Ishmaelfo.

14 Mbom emi, Jacob, dze, meremmfa hɔn edzin nkyekyɛmu yi mmfrɛ hɔn, mbom amebɛfrɛ hɔn Lamanfo a nkyɛ wɔhwehwɛɛ Nephi no nkorɔfo asɛɛ hɔn, na hɔn a wɔyɛɛ Nephi n’anyɛnkofo no, mebɛfrɛ hɔn bNephifo, anaadɛ Nephi no cnkorɔfo, dɛ mbrɛ ahemfo no hɔn ahendzi tse.

15 Na afei ɔbaa dɛ Nephi no nkorɔfo, wɔ ɔhen a otsĩa ebien n’ahendzi ber do no, wɔhyɛɛ ase dɛ woripirim hɔn akoma, na wɔhyɛɛ hɔnho akɔndɔ bɔn, tse dɛ mbrɛ tsetse berdo no David yɛe a ɔpɛɛ dɛ onya ayernom na nwewefo pii no, na ne babanyin Solomon so yɛe no.

16 Nyew, na hɔn so hyɛɛ ase peer dɛ wɔhwehwɛ sika na dwetɛ, na wɔhyɛɛ ase memaa hɔnho do wɔ ahantanyɛ mu.

17 Dɛm ntsi, emi Jacob, medze dɛm nsɛm yi maa hɔn ber a merekyerɛkyerɛ hɔn wɔ atemple no mu no, aber a nna meedzi kan eenya mo bsoma efi Ewuradze hɔ no.

18 Na aber no nna Nephi aahyɛ emi, Jacob, na mo nua Joseph, asɔfo na akyerɛkyerɛfo wɔ nkorɔfo no do.

19 Na yɛkrɔɔn hɛn adzibew dze hyɛɛ Ewuradze enyimnyam, yɛfaa basodzi too hɛn do, dɛ sɛ yɛannkyerɛkyerɛ nkorɔfo no yie ma woennhu Nyame n’asɛm yie a, hɔn bɔn ne nyiano bɛda hɛn do; dɛm ntsi, yɛdze hɛn ahoɔdzen yɛɛ edwuma a ɔbɛma hɔn cbɔgyaa rennkã hɛn ntar mu; annyɛ dɛm a hɔn bɔgyaa bɛkã hɛn ntar mu, na worunnhu dɛ hɛn ho nnyi nkekaa wɔ da a odzi ewiei no mu.