Jekope 3
    Footnotes

    Wase 3

    Era sa ciqoma na vosa talei ni Kalou ko ira sa savasava na lomadra—Sa sivita na nodra ivalavala dodonu na Nifaiti na nodra na Leimanaiti—Sa veivakasalataki ko Jekope me baleta na veidauci, na yalo dau garogaro, kei na ivalavala ca kecega. Rauta na 544–421 B.K.

    1 Ia raica, koi au, ko Jekope, au na vosa vei kemuni sa savasava na lomamuni. Mo ni rai vua na Kalou ena vakasama dei, ka masu vua ena nomuni vakabauta levu sara, ka na vakacegui kemuni ko koya ena nomuni rarawa, ka na vakamamasu ena vukumuni, ka vakatauca na lewa dodonu e deladra o ira era sa segata na nomudou vakarusai.

    2 Oi kemuni kece sa savasava na lomamuni, ni laveta cake na ulumuni ka ciqoma na vosa talei ni Kalou, ka tugana ki yalomuni na nona loloma; ni ko ni na rawata, kevaka sa adei na nomuni vakasama, me sega ni mudu.

    3 Ia, ena ca, ena ca, vei kemuni sa sega ni savasava na lomamuni, ka sa adukadukali tu ena siga oqo ena mata ni Kalou; ni kevaka ko ni na sega ni veivutuni ena cudruvi na vanua ena vukumuni; ia ko ira na Leimanaiti, ka ra sega ni dukadukali me vakataki kemuni, ia era sa bcudruvi ga ena dua na cudru ca sara, era na vakanakuitataki kemuni me yacova ni ko ni sa vakarusai.

    4 Ka sa lako kusarawa mai na gauna, ni kevaka ko ni na sega ni veivutuni era na taukena na vanua sa nomudou ivotavota vakawa, ka na akauti ira tani na ivalavala dodonu mai na kemuni maliwa na Turaga na Kalou.

    5 Raica, ko ira na Leimanaiti na wekamuni, ko ira ko ni sa cata ena vuku ni nodra dukadukali kei na cudru ka a tau ki na kuli ni yagodra, era sa ivalavala dodonu cake vei kemuni; ni ra sa sega ni aguilecava na ivakaro ni Turaga, ka a soli vua na tamada—me ra na yadua ga na watidra, ka me kakua sara na watidra lalai, ka me kakua sara na veibutakoci e vakayacori ena kedra maliwa.

    6 Ia oqo, era sa raica me ra muria na ivakaro oqo; o koya gona, ena vuku ni nodra talairawarawa, ni ra vakamuria tiko mai na ivakaro oqo, ena sega kina ni vakarusai ira na Turaga na Kalou, ia ena ayalololoma ga vei ira; ka na yaco ena dua na siga me ra na tamata kalougata.

    7 Raica, era sa alomani ira na watidra ko ira na tagane, ka ra lomani ira na watidra ko ira na yalewa; ka ra sa lomani ira na luvedra ko ira na veiwatini; kei na nodra tawavakabauta kei na nodra cati kemuni sa vu mai na nodra caka cala na nodra qase; o koya, dou sa vinaka cake vakaevei mai vei ira, ena matai koya na nomuni Dauniveibuli cecere?

    8 Isa oi kemuni na wekaqu, au ririkotaka ni kevaka ko ni na sega ni veivutunitaka na nomuni ivalavala ca ena qai vulavula cake na kuli ni yagodra mai na kuli ni yagomuni, ena gauna ko ni na kau vata kina kei ira ki na itikotiko vakatui ni Kalou.

    9 O koya, au sa solia kina e dua na ivakaro vei kemuni, sai koya na vosa ni Kalou, mo ni kakua tale ni vosa vakacacataki ira ena vuku ni loaloa ni kuli ni yagodra; se mo ni vosacataka na nodra dukadukali; ia mo ni nanuma ga na nomuni dukadukali; ka mo ni nanuma ni nodra dukadukali sa vu mai vei ira na nodra qase.

    10 Ia, mo ni nanumi ira na aluvemuni, ni ko ni sa vakararawataka na yalodra ena vuku ni ivakaraitaki ko ni sa biuta e matadra; ka mo ni nanuma talega ni sa rawa, mo ni vakavuna na nodra vakarusai na luvemuni ena vuku ni nomuni dukadukali, ka na bini e ulumuni na nodra ivalavala ca ena siga mai muri.

    11 Io oi kemuni na wekaqu, mo ni vakarorogo ki na noqu vosa; mo ni vakayadrata na veitiki ni yalomuni; mo ni kuretaki kemuni mo ni ayadra mai na moce ni mate; ka sereki kemuni vakai kemuni mai na rarawa kei beli me kakua kina ni yaco mo ni cagilosi ni tevoro, mo ni biu kina ki na drano ni bukawaqa ko ya kei na sulifure sai koya na ikarua ni dmate.

    12 Ia oqo, koi au, ko Jekope, au a vosataka e vuqa tale na ka vei ira na tamata i Nifai, ka vakasalataki ira me ra kakua ni ia na aveidauci kei na bdau garogaro, kei na veimataqali ivalavala ca kecega, ka’u tukuna vei ira na icavacava vakarerevaki ni veika oqo.

    13 Ka sa sega mada ga ni volai rawa ena apeleti oqo na ikaduanadrau ni tiki ni veika baleti ira na tamata oqo, ka sa tekivu me ra lewe vuqa sara mai; ia sa vuqa sara na veika e baleti ira era sa volai tu ena peleti lelevu, kei na nodra ivalu, kei na nodra veileti, kei na gauna ni nodra lewa na nodra tui.

    14 Era sa vakatokai na peleti oqo me peleti i Jekope, ka a buli ira ko Nifai. Ka’u sa tinia na noqu vosa.