iVolanikalou
    Jekope 2
    iVakamacala e botona e ra
    Ulutaga

    Wase 2

    Sa tukuna o Jekope na ca ni lomana na iyau, na dokadoka kei na tawasavasava—Sa rawa ni vakasaqara na iyau na tamata me vukei ira kina na wekana—Sa vakarota na Turaga me kakua ni dua na tagane vei ira na Nifai me sivia na dua na watina—Sa rekitaka na Turaga na nodra bula savasava na marama. Rauta na 544–421 B.K.

    1 Na vosa ka vosataka ko Jekope na taci Nifai, vei ira na tamata i Nifai ni sa mate oti ko Nifai:

    2 Ia oqo, oi kemudou na wekaqu lomani, koi au, ko Jekope, me vaka na itavi sa lesia vei au na Kalou, me’u vakalevulevuya na noqu itavi ena ivalavala vakavuku, ka me’u na vakagalalataka kina na noqu isulu mai na nomudou ivalavala ca, au sa lako cake mai ki na valetabu edaidai me’u tukuna vei kemudou na vosa ni Kalou.

    3 Ia dou sa kila koi kemudou ni’u sa dau gugumatua tiko mai ena itutu au sa lesi kina; ia au sa bikai vakalevu ena siga oqo ena gagadre kei na nuiqawaqawa levu cake me baleta na tiko vinaka ni yalomudou, mai na noqu a dau kauwaitaka tu ena vei gauna sa oti.

    4 Ia raica, me yacova mai oqo, dou sa talairawarawa tiko ki na vosa ni Turaga, ka’u a solia vei kemudou.

    5 Ia raica, dou vakarorogo vei au, ka mo dou kila ni ena veivuke i Koya na Dauniveibuli sa kaukauwa sara ni lomalagi kei vuravura, sa rawa kina me’u tukuna vei kemudou me baleta na nomudou avakanananu, ka ni dou sa tekivu cakava tiko kina na ivalavala ca, ia na ivalavala ca oqo sa rui vakasisila e mataqu, io, ka sa vakasisila talega ena mata ni Kalou.

    6 Io, sa vakararawataka na yaloqu ka vakavuna me’u kino ena madua ena matai Koya ka buli au, ni sa dodonu me’u vakadinadinataka vei kemudou na ca ni lomamudou.

    7 Sa vakararawataki au talega ni sa dodonu me’u na vosa sara avakadoudou ena vukumudou, e matadra na watimudou kei ira na luvemudou, ni vuqa vei ira era sa yalolokumi sara ka byalosavasava ka malumalumu ena mata ni Kalou, ka sa taleitaki vua na Kalou;

    8 Ia au kila ni ra sa lako cake mai ki ke me ra mai rogoca na avosa talei ni Kalou, io, na vosa sa vakamamacataka na yalo sa mavoa.

    9 O koya sa bikai kina na yaloqu ni’u sa vakauqeti vakaukauwa sara, me vaka na ivakaro matata ka’u sa ciqoma mai vua na Kalou, me’u vunauci kemudou me vaka na nomudou caka cala, me’u vakalevutaka na nodra mavoa o ira era sa mavoa tu, ka sega ni vakacegui ira se vakamamacataka na nodra mavoa; kei ira era se bera ni mavoa, era na sega ni kana magiti ena vosa talei ni Kalou ia ena biu tu na iselevai me laubasikata na yalodra ka vakamavoataka na nodra vakanananu malumalumu.

    10 Ia, e dina ga ni sa itavi levu ka bibi sara, au na vakayacora ga me vaka na aivakaro matata ni Kalou, ka tukuna vei kemudou me baleta na nomudou caka ca kei na itovo vakasisila, e matadra sa savasava na lomadra, kei ira sa yalo raramusumusu, kei na rai ni bmata sa dau raibasika ni Kalou Qaqa.

    11 O koya sa dodonu kina me’u tukuna vei kemudou na ka dina me vaka na amatata ni vosa ni Kalou. Ia raica, me vaka au a taroga vua na Turaga, sa vakaoqo na kena votu mai vei au na vosa, ka vaka: Jekope, mo lako cake ki na valetabu ena mataka, ka tukuna na vosa ka’u na solia vei iko vei ira na tamata oqo.

    12 Ia raica oqo, oi kemudou na wekaqu, oqo na vosa au sa tukuna vei kemudou, ni vuqa vei kemudou dou sa tekivu me vakasaqara na koula, kei na siliva, kei na veimataqali aoa talei kecega, sa sinai ka levu sara tu ena vanua oqo, na bvanua sa yalataki vei kemudou kei ira na nomudou kawa.

    13 Ia sa dredre vakayalovinaka vei kemudou na ligai koya sa dausolisoli, o koya dou sa rawata kina na iyau e vuqa; ia me vaka ni sa rawata vakalevu cake e so vei kemudou mai vei ira tale na wekamudou, dou sa alaveti cake kina ena dokadoka ni lomamudou, ka dou sa domodomoqa ka viavialevu ena vuku ni nomudou isulu voli dredre, ka dou sa vakacacani ira na wekamudou ni dou sa nanuma dou sa vinaka cake vei ira.

    14 Ia oqo, oi kemudou na wekaqu, dou nanuma li ni sa vakadonui kemudou na Kalou ena ka oqo? Raica, au sa kaya vei kemudou, E segai. Ia sa cudruvi kemudou, ka kevaka dou sa kitaka tiko ga na veika oqo, ena tau kusarawa vei kemudou na nona lewa.

    15 Io me vakaraitaka mada ga vei kemudou ko koya ni sa rawa me curubasikati kemudou, ia ena dua ga na kivi ni matana sa rawa ni yaviti kemudou mo dou kuvu ni soso!

    16 Io me vakagalalataki kemudou mada mai na caka cala kei na itovo vakasisila oqo. Ka mo dou vakarorogo mada ki na vosa ni nona ivakaro, ka kakua ni vakalaiva na aviavialevu ni lomamudou oqo me vakarusa na yalomudou!

    17 Dou nanumi ira na wekamudou me vaka dou sa nanumi kemudou, ka mo dou veimaliwai vinaka kei ira na tamata kecega ka wasea na nomudou aiyau, bme ra na vutuniyau talega me vakataki kemudou.

    18 Ia ni bera ni dou vakasaqara na aiyau, dou vakasaqara mada na bmatanitu ni Kalou.

    19 Ia ni dou sa rawata oti na inuinui vei Karisito dou na qai rawata na iyau, kevaka dou sa vakasaqara; ia dou na vakasaqara ena inaki mo dou acaka vinaka kina—mo dou vakasulumi ira sa luvawale, ka vakani ira sa viakana, ka sereki ira sa vesu tu, ka solia na veivakacegui vei ira sa tauvimate kei ira sa vakararawataki.

    20 Ia oqo, oi kemudou na wekaqu, au a vosa vei kemudou me baleta na viavialevu; ia ko ira vei kemudou sa vakararawataka na wekana, ka vakacacani koya, baleta ni dou a viavialevu e lomamudou, ena vuku ni veika sa solia vei kemudou na Kalou, a cava dou na kaya kina?

    21 Dou sa sega li ni kila ni sa ka vakasisila na veika oqo vei Koya sa bulia na yago kecega? Ka sa talei vakatautauvata e matana na tamata kecega. Ka sa mai na kuvu ni soso na yago kecega; ka sa dua ga na inaki sa buli ira kina ko koya, me ra muria na nona aivakaro ka vakalagilagi koya me sega ni mudu.

    22 Ia oqo au sa tinia na noqu vosa tiko vei kemudou me baleta na viavialevu. Ka kevaka me a sega ni dodonu me’u vosa vei kemudou me baleta e dua na cala bibi cake, sa na reki vakalevu sara kina na yaloqu ena vukumudou.

    23 Ia sa bikai au na vosa ni Kalou ena vuku ni nomudou cala bibi cake sara. Ia raica, sa kaya vakaoqo na Turaga: Era sa tekivu kaukauwa cake ena caka cala ko ira na tamata oqo; era sa sega ni kila na ivolanikalou, ni ra sa segata me ra vakadonui ira vakaira ena nodra veibutakoci, ena vuku ni veika sa volai tu me baleti Tevita, kei Solomoni na luvena.

    24 Raica, sa vuqa vakaidina na awatidrau kei na watidrau lalai ko Tevita kei bSolomoni, na ka sa vakasisila e mataqu, sa kaya na Turaga.

    25 O koya, sa kaya vakaoqo na Turaga, au a tuberi ira tani yani na tamata oqo mai na vanua ko Jerusalemi, ena kaukauwa ni ligaqu, me’u vakatubura kina vei au e dua na tabana aivalavala dodonu mai na vua ni toloi Josefa.

    26 O koya au na sega kina ni laiva, koi au na Turaga na Kalou, me ra vakayacora na tamata oqo me vakataki ira ena gauna makawa.

    27 O koya gona, oi kemudou na wekaqu, dou rogoci au, ka vakarorogo ki na vosa ni Turaga: Ni na sega ni dua na tagane ena kemudou maliwa me sivia na adua na watina; ka me kakua sara na watina lalai;

    28 Ni’u sa dau rekitaka koi au na Turaga na Kalou, na nodra asavasava na yalewa. Ka sa ka vakasisila e mataqu na yalewa dautagane; sa kaya vakaoqo na Turaga ni Lewevuqa.

    29 O koya, me ra na muria kina na noqu ivakaro ko ira na tamata oqo, sa kaya na Turaga ni Lewevuqa, kevaka e sega, ena acudruvi na vanua ena vukudra.

    30 Ni kevaka sa lomaqu, sa kaya na Turaga ni Lewevuqa, me’u vakatubu akawa vei au, au na vakaroti ira vakakina na noqu tamata; kevaka e sega, me ra na vakamuria ga na ivakaro oqo.

    31 Ia raica, koi au, na Turaga, au sa raica na nodra rarawa, ka rogoca na nodra vutugu na luvedra yalewa na noqu tamata ena vanua ko Jerusalemi, io, ena nodra veivanua kece na noqu tamata, ena vuku ni nodra caka ca kei na nodra itovo vakasisila na watidra.

    32 Ka’u na sega ni laiva, sa kaya na Turaga ni Lewevuqa, me lako cake mai vei au, na nodra tagi na luvedra yalewa totoka na tamata oqo, ka’u a tuberi ira tani mai na vanua ko Jerusalemi, ka beitaki ira na tagane ni noqu tamata, sa kaya na Turaga ni Lewevuqa.

    33 Ni ra na sega ni kauti ira tani vakavesu na luvedra yalewa na noqu tamata ena vuku ni nodra sa rui malumalumu, kevaka sa vakakina au na sikovi ira ena dua na cudru ca sara, ka ra na vakarusai sara kina; me ra kakua ni ia na aveibutakoci, me vakataki ira ena gauna makawa, sa kaya na Turaga ni Lewevuqa.

    34 Ia oqo raica, oi kemudou na wekaqu, dou sa kila ni ra a soli na ivakaro oqo vua na tamadatou ko Liai; o koya dou sa kilai ira oti tu mai kina; ka dou sa cudruvi vakalevu kina ni dou sa kitaka na veika oqo ka a sega ni dodonu mo dou vakayacora.

    35 Raica, dou sa cakava na acaka cala levu cake mai vei ira na wekada na Leimanaiti. Dou sa voroka na lomadra na watimudou sa yalomalumalumu, ka vakacacana na nodra nuitaki kemudou ko ira na luvemudou, ena vuku ni nomudou ivakaraitaki ca e matadra; ka sa cabe cake vua na Kalou na tagi ni lomadra me beitaki kemudou. Ia ena vuku ni sa matata sara na vosa ni Kalou, ka sa tau oqo vei kemudou, sa mate kina e vuqa na yalo ni ra sa laubasikati ena mavoa e titobu.