He Korero Whakaatu Mo Te Perehitanga Tuarua.

No te paunga o nga pukapuka i perehitia i te tau 1889 ka mea te Tumuakitanga Tuatahi o te Hahi i Hiona kia perehitia houtia ano. Na, ka whakaritea ma te Tumuaki o te Mihana. ara ma Erata Hemi Nitama Ramapata e whiriwhiri i tetahi komiti, kia toru nga tangata, hei whakatikatika i nga wahi he o te whakamaoritanga me te perehitanga tuatahi; a ko ia ano he Tumuaki mo te Komiti. Na, whiriwhiria ana e ia a Erata Matiu Kauri, a Wiremu Takana me Tuati Meha. I awhinatia ano hoki ratou e tetahi komiti o nga Kaumatua i Hiona, ara, ko Erata Peniamine Katata. ko Erata Etera F. Rihara. ko Erata Ruihi Hokarana, ko Erata Ruwhara Haari. ko Erata Hipa Aretu, me etahi atu. Ko Erata Hoani Tirahi Rorihana i karangatia kia awhina i a Erata Matiu Kauri i roto i te mahi whakatikatika i te perehitanga hou.

Ko tenei mahi katoa o te whakatikatika me te whakamaori he mahi aroha no nga tangata katoa i whai wahi i roto.

Na, e tumanako ana matou, ma tenei mahi e kukume mai ai i nga tangata maha ki te Karaiti; kia mohio ano hoki tenei iwi Maori ki te wahi i haere mai ai ratou. Ma te Ariki hoki e manaaki i nga tangata katoa e korero ana i enei wharangi, kia riro i a ratou te matauranga, koia ano he pono; kia tutuki ano hoki nga kupu whakaari e mau ana kei roto. Heoi ano.