Jeje Ko Rekwojarjar
Naan in Kam̧ool eo an Rikam̧ool ro Ruwalitōk


Naan in Kam̧ool eo an Rikam̧ool ro Ruwalitōk

Aolep laļ ko, bwij ko, lo ko, im armej, ro jerbal in naaj ilo̧k, ren jeļā: Bwe Josep Smith, Jun., riukok eo an bok in, eaar kwaļo̧k n̄an kōm pileij kein kar kōnono kaki, ko jāllier āinwōt gold; im jon̄an wōt alen ko Smith eaar ba ke eaar ukōti ej jon̄an eo kōm ar jibwi kōn pā ko peim; im kōm ar barāinwōt loi m̧wijm̧wij ko ioer, aolepāer kōjāllier wōt jeje in etto, im eļtan pā ko mejādik. Im ennaan in kōmij kwaļo̧k kam̧ool kake kōn naan in jeļāļo̧kjeņ, bwe ļein ba kake Smith eaar kwaļo̧k n̄an kōm, bwe kōm ar lo im kotaki, im jeļā ilo ejjeļo̧k pere ke Smith in kōnono kake eaar būktok pileij kein kōm ar kōnono kaki. Im kōmij leļo̧k etam̧ n̄an laļ in, n̄an kam̧ool n̄an laļ bwe men eo kōm ar loe. Im kōmij jab riab, Anij ej kam̧ool men in.

Christian Whitmer

Jekab Whitmer

Piter Whitmer, Jun.

Jon Whitmer

Hiram Page

Josep Smith, Sen.

Hyrum Smith

Samuel H. Smith