Bok in Mormon

Kōn menin, e ej juon kōkadudu in ļo̧o̧k ko an armej in Nipai, im barāinwōt kōn riLeman ro—Kar je n̄an riLeman ro, ro rej juon m̧ōttan m̧weo im̧ōn Israel; im barāinwōt n̄an riJu im riAelōn̄ ko—Kar je jān iaļan naan in jiron̄, im barāinwōt jān jitōbōn kanaan im mōdānļo̧k—Kar je im sili, im ņooje n̄an Irooj, bwe ren jamin kar jorrāān—N̄an aer waļo̧ktok kōn mennin letok an im kajoor an Anij n̄an ukok eo an—Kar sili jān pein Moronai, im kar ņooje n̄an Irooj, n̄an an waļo̧ktok ilo iien eo ekkar ilo iaļan riAelōn̄ ko—Ukok eo an ej jān mennin letok an Anij.

Juon kōkadudu kar bōk jān Bok in Ether barāinwōt, eo ej juon ļo̧o̧k in armej ro an Jered, ro raar ejjeplōklōk ilo iien eo Irooj Eaar pukwōj kajin an armej ro, ke raar kalōk juon im̧ōn bar n̄an lan̄—Eo ej n̄an kwaļo̧k n̄an ro m̧ōttan m̧weo im̧ōn Israel ta ko reļļap Irooj Eaar kōm̧m̧ani n̄an ro jemāer; im bwe ren maron̄ jeļā bujen ko an Irooj, bwe ren jab jako indeeo—Im n̄an karreel riJu im riAelōn̄ ko bwe Jisōs ej RiKraist, Anij Indeeo, Ej kwaļo̧k E n̄an laļ ko otemjeļo̧k—Im kiiō, eļan̄n̄e ewōr ņotaan rej bōd ko an armej; kōn menin, jab liaakeļo̧k men ko an Anij, bwe kwōn maron̄ jab libbijinjin im̧aan jea in ekajet an Kraist.