Scriptures
Alma 12


Capítulo 12

Nxiʼ tkʼon Alma ax toc tiʼj tyol Amulek. Aj doctrina tiʼj tzeʼ te ankʼbil. Nxiʼ kʼamet aj plan te colbil.

1. Bix toctzan queʼyin que otak maket ttziʼ Zeezrom tuʼn tyol Amulek, oc tqueʼyin que otak ilwaj tslaʼj tuʼn Amulek tuʼn tkʼuchat, bix que aj Zeezrom, el tnicyʼ tiʼj que ax tpajx, o keʼ tuʼn tluʼlan, njaket ttziʼ Alma nxiʼ yolan tucʼal bix nxiʼ tmaʼn ax toc tyol Amulek, bix nxiʼ ttxʼolbaʼn mástl twitz aj otak bant tuʼn Amulek cyiʼj Tuʼjal.

2. Bix ajke yol xiʼ tmaʼn Alma te Zeezrom o binta cyuʼn xjal cyakil, tuʼnj nimtak xjal teʼtak cyiʼj; bix atzan tuʼmal jluʼ o yolan:

3. Zeezrom, maʼtzan tila que maʼ caneta cyiʼj tslaʼja, pwes miyaʼ oʼcx maʼ slaʼjana cyiʼj xjal, sino que tucʼax twitz Dios; tuʼnj lutzan luʼ, loʼn tuʼnkʼa cyakilkaj t-ximbitza, bix maʼtzan tila que nok tuʼn t-Xewkʼa ma tzaj tyecʼan ke;

4. Bix nqueʼyina que loʼn kuʼna nach tplana, según aj tnachal dyablo, atzanj tuʼn cycub slaʼjat bix xbet tnam, tuʼntzan cyjaw kʼojl kiʼja, tuʼntzan koca nach bix tuʼn kex lajoʼna tiʼjxa.

5. Bix atzan tplan tajkʼojajo aj maʼ bant tiʼja tuʼn tipamal. Bix wajbila tuʼn t-xiʼ tcʼujlaʼna que aj nxiʼ nmaʼna teya, nxiʼ nmaʼna cye cyakil.

6. Bix lutzan luʼ, cxel nmaʼna cyeya que aj ajo nok jun trampjo maʼ bant tuʼn ajkʼoj tuʼntzan t-xiʼ aj tnam luʼ tuj tramp, tuʼntzan cytena tuj tcwent bix tuʼn cytzyeta cyuʼn tcaden, bix tuʼntzan cycʼaleta cyuʼn tcaden tuj jun kʼuchbil te junmajx, según aj tipamal tpresbil.

7. Bix cwandatzan tbaj tyoʼlan Alma kej yol ajo, nkeʼ tuʼn tluʼlan nim Zeezrom. Tuʼnj más bix más nneʼlaxa tnicyʼ tiʼj tipamal Dios; bix ax el tnicyʼ tiʼj que loʼntak tuʼn Alma bix Amulek tiʼjkʼa, tuʼnj otak cub tcʼuʼj que tzkiʼntak t-ximbitz bix tnabil max tuj tanma; tuʼnj tzaj kʼoʼn cyipamal tuʼn tel cynicyʼ cyiʼjkej cosas según aj xewbaj aj kʼamalte jun tyempca.

8. Bix nkeʼtzan tuʼn t-xiʼ tkaʼnan Zeezrom cye tuʼn cyakil tcʼuʼj tuʼntzan telxax tnicyʼ tiʼj aj reyno te Dios. Bix nxiʼ tmaʼn te Alma: ¿Ti t-xiʼlen aj maʼ txiʼ tmaʼn Amulek, tiʼj aj tuʼn cyjaw itzʼj cyimna, que cyakilka tuʼn cyjaw weʼ tiʼj camacy tzanxke tbanal bixke miyaʼ tbanal, bixque chi xel kʼit twitz Dios tuʼntzan cyoc tuj xtis según aj cybinchben?

9. Bix nkeʼ tuʼn t-xiʼ ttxʼolbaʼn Alma ajke cosas ajo, cyjaʼw: Cye nim kʼoʼn tuʼn tel cynicyʼ tiʼj akʼuntl te Dios; simbargo, nxiʼ kʼot jun mandamyent cyiw cye tuʼn mi t-xi kʼot aj ka miyaʼ ax t-xiʼlen tyol ntzaj tkʼoʼn cye cycʼwaʼl xjal, bix ka de acuerdo tucʼ aj xobil ntzaj cykʼoʼn.

10. Cyjaʼtzan jluʼ, alcyej ncub tcyiwsan tanma ntikʼ niʼxa tyol Dios; bix alcyej ntiʼ ncub tcyiwsan tanma, tuj nim t-xiʼlen, asta oc tel tnicyʼ tiʼj aj akʼuntl te Dios tuj tuʼmal tuʼnxax tel tnicyʼ tiʼj cyakilxa.

11. Bix alcyekej ma cub cycyiwsan cyanma niʼxa yol nxiʼ kʼot cye, asta que ntiʼ chʼin loʼn cyuʼn tiʼj takʼan Dios; tons ncheʼxtzan kʼiʼn pres tuʼn dyablo bix ncheʼxtzan kʼiʼn según aj tbancʼuʼj asta oc cykʼuchat. Atzan t-xiʼlen aj takʼal infierno.

12. Bix claro maʼ yolan Amulek tiʼj camacy bix tuʼn cyjaw tiʼj camacy tuj jun tuʼmal miyaʼ te cyimleʼn, tuʼntzan cy-xiʼ kʼiʼn twitz tribunal te Dios tuʼntzan cyoc tuj xtis según cybinchben.

13. Bix ka maʼ cyiwaxke kanma, maʼ, ka maʼ cyiwax kanma tiʼj tyol Dios tuj tuʼmal tuʼn mi ten kucʼal, tons aj kuʼmal junmajx nachla, tuʼnj oc kobel tuj sentens.

14. Tuʼnj oc cbel sentensan kyola, oc, bix cyakil kbinchben; milay koten sak wena bix aj kximbitz ax oc kocal tuj sentens cyuʼn. Bix tujtzan kuʼmal j-ajo mintiʼ kajbil tuʼn toc kqueʼyiʼn kDios, sinoque tzalajibil ctzajal kiʼj oc t-xiʼ ksamaʼn ajke xak bixke montanya tuʼntzan cytzaj tzʼak kibaj, tuʼntzan kxiʼ cyeʼwan tiʼj Dios.

15. Mas micyʼ j-ajo; ilx tiʼj tuʼn kpon yecʼal kib twitzkʼa tuj ttzalajibil, tipamal, bix treyno, bix tuʼn tel tnicyʼ tiʼj aj kchʼixaw te junmajx, que cyakilkaj t-xtis jikankajo; que jikankajo tuj cyakil tbinchben bix txtalbil cyiʼj cycʼwaʼl xjal, bix at tipamal tuʼn tcolet cyakilkaj ma tzʼocx cyocslaʼn tiʼj tbi bix ma takʼ twitz tbanal tuʼn tajtz tiʼj cyanma tiʼj tnachal.

16. Bix lutzan luʼ, cxel nmaʼna cyeye que tzul jun camacy, jun tcaban camacy, que ajo aj xewbaj; tons maxatzanjo alcyej ma cyim tuj twitz il, tuj camacy te xumlalbaj, oc cymeltl tuj jun camacy te xewbaj, oc, cymel tiʼj ajke cosas te xtis.

17. Tons maxatzan que aj tsentens lonxa icytzan jun sterya te kʼakʼ bix azufre, que ajke tkan nchi jaw julan te junmajx; tons maxatzan chocal tiʼj jun kʼuchbil te junmajx, según aj tipamal bix tpresbil Satanás, pwes otak chi tzyet tuʼn tuj tcwent según aj tajbil.

18. Cxel nmaʼna que ntons oc chi tel lonxa icytzan ntiʼ otak tzul colbil; tuʼnj milay chi colet según aj xtis te Dios; bix milay chi cyim, tuʼnj ntiʼ mas tuʼn tcyim xjal.

19. Bix banttzan que cwando otak cheʼx tkʼamaʼn Alma ajke yol ajo, nkeʼ tuʼn cytzaj xob más xjaltl.

20. Per nnoc lakʼe jun xjal Antiona tbi, jun nim t-xiʼlen tuj tnam, bix nxiʼ tmaʼn: ¿Ti tkal aj maʼ txiʼ tmaʼna que cjawal itzʼj xjal tiʼj camacy bixque cbajal meltzʼut tuj tuʼmal xumlalbaj te cyimleʼn tuʼn tcanan tuj jun tuʼmal miyaʼ te cyimleʼn, bixque mi jtoj tuʼn tcyim anma?

21. ¿Ti t-xiʼlen ajke Tuʼjal que chitzan que Dios i cub ttxolbaʼn querubines bix jun spada ncʼant tuj tjawatz kʼij tej jardin te Edén, tuʼntzan mi cyocx ajke tnejal kman lol tiʼj twitz tzeʼ te ankʼbil bix tuʼntzan cyankʼin te jun majx? Nnoc queʼyin, pwes, que mitiʼ jun tuʼmal tuʼn cyankʼin te junmajx.

22. Tons nxiʼtzan tmaʼn Alma: Atzanjo aj attak t-xiʼ ntxʼolbaʼna. Loʼn kuʼn que cub tzʼak Adán tuʼnj xiʼ tnebeʼn aj loʼj xjan, según aj tyol Dios, bix cyjaʼtzan nkil que tuʼntzanj aj tcublen tzʼak, cyakilke xjal icyaj tuj jun tuʼmal tuj najbil bix tzʼaknaj.

23. Bix lutzan luʼ, cxel nmaʼna que nokat o neben Adán tiʼj twitz tzeʼ te ankʼbil tuj ocasyon ajo, miwtla ntiʼ cyimlen, bix nok ganawla yol, bix owla oc slaʼj Dios, tuʼnj otak tkʼamantakʼa: Nok ka ma txiʼ tnebeʼna aj jun, ax toclen cymela.

24. Bix nnoc kqueʼyiʼn que aj camacy ntzaj cyibaj xjal cyakil; icytzanjo, aj camacy ma yolan Amulek tiʼj que a aj camacy te xumlalbaj; bix otzan xiʼ kʼot jun tyemp cye xjal tuʼn tajtz tiʼj cyanma tiʼj tnachal; cyjaʼtzan jluʼ que aj ankʼbil o pon te jun tuʼmal te preba; jun tyemp tuʼn tbant kten tuʼn kpon twitz Dios; jun tyemp tuʼn tbant kten tuj jun tuʼmal miʼn baj aj al-iʼj maʼ koyolan, que tzul despwés tiʼj aj itzʼbil te acʼaj cye cyimna.

25. Que nokatwatzan miyaʼ tuʼn aj plan te colbil, que o bant atxax aj tbant twitz mundo, miwla tiʼ tuʼn cyjaw itzʼj cyimna; más otzan bant jun plan te colbil que oc ctakʼal aj tuʼn cyjaw itzʼj juntl el cyimna que tiʼjtzanjo maʼ yolat.

26. Bix lutzan luʼ, nokatwatzan o i neben ajke tnejal kman tiʼj aj tzeʼ te ankʼbil, owla icyaj meba te junmajx, tuʼn mi tbant cyten tuj jun tuʼmal tbanal; bix tujtzan tuʼmal j-ajo, nokwala maʼ tzʼoc tzacj aj plan te colbil, bix aj tyol Dios mawla kʼuchj bix mintiʼ txilen.

27. Bix micyʼ ma teʼn ajo; tnejal o kʼunj tuʼn cycyim xjal; bix cycyimlenxatzan oc chi pol twitz Kman tuʼn cyoc tuj xtis, icytzanjo, tiʼj aj ax tuʼmal maʼko yolan, atzan twipanjo.

28. Bix atzan te Dios, otak bant tiʼj tuʼn que icy tuʼn cyteʼna xjaljo, lutzan luʼ, otzan el tnicyʼ tiʼj que il tiʼj tuʼn tel cynicyʼ tiʼj aj otak txiʼ tmaʼn;

29. Cyjaʼzan jluʼ, tzaj tsamaʼn ángeles te yolal cyucʼal, que xi cyyecʼan aj ttzalajibil Dios.

30. Bix atxaxtzan aj tyemp, tkeʼ cyuʼn xjal tuʼn ttxaquet tiʼj tbi; cyjaʼtzan jluʼ, o yolan Dios cyucʼal bix tzaj tyecʼan aj plan te colbil cye, aj otak bant ten atxax aj tcub itzʼj twitz mundo; bix tzaj tyecʼan según cyocslabil, bix tuʼn tajtz tiʼj cyanma tiʼj tnachal bix cybinchben tbanalxax.

31. Cyjaʼtzan jluʼ, itzaj tkʼoʼn mandamyent cye xjal, despwes que otak cub cyiʼn cymijke tnejal mandamyent tiʼj aj cosas te twitz mundo, bix i octzan lonxa icytzan Dioska, bix el cynicyʼ tiʼj baʼn bix nach, eteʼc bixmo cyqueʼyin cyib jatuma tuʼn cyten tuj jun tuʼmal tuʼn tbant cybinchben según cybancʼuʼj bix cyajbil: banwtla tuʼn tbant tnachal, banwtla tuʼn tbant tbanal;

32. Cyjaʼtzan jluʼ, despwes que otak txiʼ yecʼat aj plan te colbil cye, ntzaj tkʼoʼn Dios mandamyent tuʼn mi tbant tnachal cyuʼn, tock jun cybis tiʼj tcaban camacy; que a jun camacy te junmajx cyiʼj cosas tuj tbanal bixmo tjikanil; tuʼnj mitiʼ tuʼn toc tipamal aj plante colbil cyiʼj, según aj tbancʼuʼj Dios matij, aj binchben te xtisbil milay tuʼn tkʼuchj.

33. Pero o tzaj ttxacoʼn Dios ajke xjal; tuj tbi tCʼwaʼl, (pwes atzan aj plan te colbiljo aj bant tuʼn) xiʼ tmaʼn cyjaʼw: Ka ma tzʼajtz tiʼj cyanmiya tiʼj tnachal bix ka mi ma cub cycyiwsan cyanmiya, tons at nxtalbila cyiʼja tuʼnj te nCʼwaʼla tJunalx;

34. Cyjaʼtzan jluʼ, alcyej ma tzʼajtz tiʼj tanma tiʼj tnachal bix mi ma cub tcyiwsan tanma, at derech te tiʼj xtalbil, tuʼn tej nCʼwaʼla tJunalx, te najsbil twitz cyil; bix akajo chocax ujlal wucʼala.

35. Bix alcyej ma cub tcyiwsan tanma, bix ma bantke tnachal tuʼn, lutzan luʼ, ax toc cxel nmaʼna que miʼn tzʼocx ujlal wucʼala.

36. Bix jaʼlatzan, akiya wermaniya, lutzan luʼ, cxel nmaʼna que ka ma cub cycyiwsan cyanmiya, miʼn chocxa tuj ujlabil te Kajaw; cyjaʼtzan jluʼ, tuʼnj ke tnachal nbant tuʼntzanjo ntzaj tkʼoj cyiʼja lonxa icytzan aj tnejal el aj tzaj tkʼoj, icytzanjo, según ajke tyol tuj aj twiʼpan tkʼoj tzaj bix tzanx tuj tnejal, te kʼuchbil junmajx te cye cyanmiya; cyjaʼtzan jluʼ, según tyol, aj twiʼpan camacy lonxa icytzanj tnejal.

37. Cyjaʼtzan jluʼ, akiya wermaniya, ya que lonke cosas ajo kuʼn, bix ax toc cyiʼj, tzʼajtz tiʼj kanma cyiʼj tnachal bix miʼn cub kcyiwsan kanma, tuʼn mi t-xiʼ kkʼoʼn tuʼmal te Kajaw aj kDios tuʼn ttzaj tkʼoʼn tkʼoj kibaj cyuj ajke tcaban mandamyent aj oʼ tzaj tkʼoʼn ke; mas kocx tuj ujlabil te Dios, que banan ten según aj tyol.