1 Nephi

Mormon Nwoma

Dza Ɔwɔ Mu
Mbueienyi na Adasefo
1 Nephi
2 Nephi
Jacob
Enos
Jarom
Omni
Mormon ne Nsɛm
Mosiah
Alma
Helaman
3 Nephi
4 Nephi
Mormon
Ether
Moroni

1 Nephi

Tsir 1
Nephi hyɛ ase kã no nkorɔfo ho nsɛm—Lehi hu ogyafadum wɔ enyido-adzehu mu na ɔkenkan fi nkɔnhyɛ nwoma mu—Oyi Nyame ayɛw, ɔkã Messiah ne mbaa ho asɛm, na ɔhyɛ nkɔm dɛ wɔbɛsɛɛ Jerusalem—Jewfo no tseetsee no. Bɛyɛ mfe 600 Ansaana wɔbɔwo Christ.
Tsir 2
Lehi nye n’ebusua si mu kɔ sar no a ɔda Po Memen ne nkyɛn no do—Wogya hɔn egyapadze wɔ hɔ—Lehi bɔ afɔr ma Ewuradze na ɔkyerɛkyerɛ ne mbabanyin dɛ wondzi mbrasɛm no do—Laman na Lemuel hwinhwin hɔn egya—Nephi yɛ setsie na ɔbɔ mpaa wɔ gyedzi mu; Ewuradze kasa kyerɛ no, na wɔfa no dɛ ɔnhwɛ no nuanom no do. Bɛyɛ mfe 600 Ansaana wɔbɔwo Christ.
Tsir 3
Lehi ne mbabanyin no san hɔn ekyir kɔ Jerusalem dɛ wɔrekɛfa ayewa mprɛtse no—Laban ammpɛ dɛ ɔdze mprɛtse no ma—Nephi kasa kyerɛ no nuanom no na ɔhyɛ hɔn nkuran—Laban wia hɔn egyapadze na ɔpɛ dɛ nkyɛ oku hɔn—Laman na Lemuel bobɔ Nephi na Sam na ɔbɔfo kã hɔn enyim. Bɛyɛ mfe 600–592 Ansaana wɔbɔwo Christ.
Tsir 4
Nephi ku Laban dɛ mbrɛ Ewuradze hyɛ no no na ɔfa kwan bi do ma ne nsa kã ayewa mprɛtse no—Zoram pen dɛ ɔbɛkã Lehi n’ebusuafo no ho wɔ sar no do. Bɛyɛ mfe 600–592 Ansaana wɔbɔwo Christ.
Tsir 5
Sariah kasa tsia Lehi—Hɔn nyina dzi ehurusi wɔ hɔn mbabanyin no sanee no ho—Wɔbɔ afɔr—Moses na nkɔnhyɛfo no hɔn kyerɛwsɛm no wɔ ayewa mprɛtse no do—Mprɛtse no kyerɛ dɛ Lehi yɛ Joseph n’asenyi—Lehi hyɛ nkɔm wɔ n’asefo na mbrɛ wobesi akora mprɛtse no yie ho. Bɛyɛ mfe 600–592 Ansaana wɔbɔwo Christ.
Tsir 6
Nephi kyerɛw ndzɛmba a ɔfa Nyankopɔn ho—Nephi no botae nye dɛ ɔbɛdan nkorɔfo ma wɔaba Abraham ne Nyankopɔn hɔ ma ɔagye hɔn nkwa. Bɛyɛ mfe 600–592 Ansaana wɔbɔwo Christ.
Tsir 7
Lehi ne mbabanyin no san kɔ Jerusalem na wɔkɛfa Ishmael na ne fifo ma wɔbɛkã hɔnho wɔ hɔn akwantu mu—Laman na binom tsew etua—Nephi kasa kyerɛ no nuanom no dɛ wonya gyedzi wɔ Ewuradze mu—Wɔdze ntampehoma kyekyer no na wɔfa apam dɛ wɔbɛsɛɛ no—Gyedzi no tum yi no fi mu—No nuanom no serɛ bɔnfakyɛ—Lehi na no nkorɔfo bɔ afɔr nye ɔhyew afɔr. Bɛyɛ mfe 600–592 Ansaana wɔbɔwo Christ.
Tsir 8
Lehi hu enyido-adzehu a ɔfa nkwadua no ho—Odzi n’eduaba no bi na ɔhwehwɛ dɛ n’ebusuafo so bɛyɛ dɛmara—Ohu dadze poma, ɔkwan a ɔyɛ nkekãnkekã na ɔyɛ tseaba, nye sum kebii etwa nyimpa ho ehyia—Sariah, Nephi na Sam dzi eduaba no bi, mbom Laman na Lemuel powee. Bɛyɛ mfe 600–592 Ansaana wɔbɔwo Christ.
Tsir 9
Nephi yɛ mprɛtse ahorow ebien—Kor biara dzin dze Nephi ne mprɛtse—Hɔn wiadzedze ho abakɔsɛm na ɔwɔ mprɛtse akɛse no do; na nyamesom ho nkyekyeree so wɔ nkakraba no do. Bɛyɛ mfe 600–592 Ansaana wɔbɔwo Christ.
Tsir 10
Lehi hyɛ nkɔm dɛ Babylonfo bɛfa Jewfo ndɔmmum—Ɔkã Messiah, Agyenkwa, Ɔpomfo no a obefi Jewfo mu epue no ho asɛm—Lehi kã nyia otwar dɛ onuma Nyame Eguambaa no so ne mbaa ho asɛm—Lehi kã Messiah no no wu na no wusoɛr ho asɛm—Ɔdze Israelmba a wɔbɔbɔ hɔn apetse na wɔbɛkã hɔn aboa ano no to ngodua ho—Nephi kã Nyankopɔn ne Ba, Sunsum Krɔnkrɔn n’akyɛdze, na mbrɛ tseneneeyɛ ho si hia ho asɛm. Bɛyɛ mfe 600–592 Ansaana wɔbɔwo Christ.
Tsir 11
Nephi hu Ewuradze no Sunsum na onya nkwadua no ho enyido-adzehu—Ohu Nyankopɔn ne Ba no ne nã nye mbrɛ Nyankopɔn si kotow—Ohu Nyame Eguambaa no n’enuma, ne somdwumadzi na ne mbeamudua mu bɔ—Ohu Eguambaa no n’Asomafo Duebien no hɔn frɛ na hɔn som dwuma. Bɛyɛ mfe 600–592 Ansaana wɔbɔwo Christ.
Tsir 12
Nephi hu enyido-adzehu wɔ anohoba asaase ho; ndzeyɛtsenenee, emumuyɛ, na no mu mba hɔn asehwe; Nyame Eguambaa no ne mbaa wɔ hɔn mu; kwan a Esuafo Duebien no nye Asomafo Duebien no bɛfa do ebu Israel atsɛn; mbrɛ hɔn a wɔbɔwodow wɔ gyedzi mu no hɔn efi fi dze gyinabew bɛyɛ. Bɛyɛ mfe 600–592 Ansaana wɔbɔwo Christ.
Tsir 13
Nephi hu enyido-adzehu dɛ wɔakyekyer abɔnsam n’asɔr wɔ Amanamamfo no mu, America no mpuedo, Bible ne mbea bi a ɔyɛ pefee na ɔsom bo pii yew, amanamamfo no yew gyedzi, asɛmpa ne nkenyanee, da a odzi ekyir kyerɛwsɛm ne mbaa nye Zion ne nkyekyeree. Bɛyɛ mfe 600–592 Ansaana wɔbɔwo Christ.
Tsir 14
Ɔbɔfo kã Amanamamfo no hɔn nhyira na hɔn ndom ho asɛm kyerɛ Nephi—Nsɔr ebien pɛr na ɔwɔ hɔ; Nyame Eguambaa no n’Asɔr na abɔnsam n’asɔr—Mbusu asɔr kɛse no tseetsee Nyankopɔn n’Ahotseweefo a wɔwɔ amanaman mu nyina. Ɔsomafo John bɛkyerɛw ndzɛmba bi a ɔfa wiadze n’ewiei ho. Bɛyɛ mfe 600–592 Ansaana wɔbɔwo Christ.
Tsir 15
Lehi n’asefo nsa bɛkã asɛmpa no efi Amanamamfo no hɔ wɔ nda a aka ekyir no mu—Wɔdze Israel a wɔbɔboaboa hɔn ano no to ngodua no a wɔdze nankasa n’abaw no bɛsan abata noho bio no ho—Nephi kyerɛ enyido-adzehu a ɔfa nkwadua ho no ase na ɔkã Nyankopɔn ne pɛrpɛr a odzi dɛ ɔtsew emumuyɛfo fi atseneneefo ho no ho asɛm. Bɛyɛ mfe 600–592 Ansaana wɔbɔwo Christ.
Tsir 16
Emumuyɛfo no fa nokwar no dɛ ɔyɛ dzen—Lehi ne mbabanyin no warwar Ishmael ne mbabaa—Liahona kyerɛ hɔn kwan wɔ sar no do—Wɔkyerɛw nsɛm a ofi Ewuradze hɔ wɔ Liahona no do ofi ber to ber—Ishmael wu, osian amandzehu ntsi n’ebusuafo hwinhwini. Bɛyɛ mfe 600–592 Ansaana wɔbɔwo Christ.
Tsir 17
Wɔhyɛ Nephi dɛ ɔmpam hɛn—No nuanom tsia no—Ɔkã abakɔsɛm a ɔfa mbrɛ Nyankopɔn si nye Israel nantsew kyerɛ hɔn dze tu hɔn fo—Nyankopɔn no tum hyɛ Nephi mã—Wɔbɔ no nuanom no kɔkɔ dɛ mma wɔmmfa hɔn nsa nnkã no, annyɛ dɛm a wɔbɛkyenkyen dɛ ahaban wui. Bɛyɛ mfe 592–591 Ansaana wɔbɔwo Christ.
Tsir 18
Wowie hɛn no pam—Wɔkã Jacob na Joseph hɔn awo ho nsɛm—Dɔm no si mu dɛ wɔrokɔ anohoba asaase no do—Ishmael ne mbabanyin nye hɔn yernom no kã ho ma wodzi ehurusi na wɔtsew etua—Wɔkyekyer Nephi, na ehum kɛse bi tu na ɔbɔ hɛn no san ekyir—Wosian Nephi, na ɔnam ne mpaabɔ do ma ehum no gyaa tu—Nkorɔfo no du anohoba asaase no do. Bɛyɛ mfe 591–589 Ansaana wɔbɔwo Christ.
Tsir 19
Nephi dze ɔbotan bi yɛ mprɛtse na ɔkyerɛw no nkorɔfo hɔnho abakɔsɛm wɔ do—Israel Nyankopɔn bɛba mfe ahaesia fitsi aber a Lehi fii Jerusalem no—Nephi kã n’amandzehu na ne mbeamudua mu bɔ ho asɛm—Wɔbɔpow Jewfo na wɔabɔ hɔn apetse ekodu nda a aka ekyir no, aber no na wɔbɛsan aba Ewuradze nkyɛn. Bɛyɛ mfe 588–570 Ansaana wɔbɔwo Christ.
Tsir 20
Ewuradze da No nsusui edzi kyerɛ Israel—Woeyi Israel efi ahohiahia fononoo mu na wobefi Babylon efi—Fa to Isaiah 48 ho. Bɛyɛ mfe 588–570 Ansaana wɔbɔwo Christ.
Tsir 21
Messiah bɛyɛ kan ama Amanamamfo na obeyi hɔn a wogugu efiadze—Wɔdze tum bɛkã Israel aboa ano wɔ nda a odzi ekyir no mu—Ahemfo bɛyɛ egyanom a wɔgyegye mba—Fa to Isaiah 49 ho. Bɛyɛ mfe 588–570 Ansaana wɔbɔwo Christ.
Tsir 22
Wɔbɔbɔ Israel apetse wɔ asaase nyinara enyi—Amanamamfo no dze asɛmpa no bɛnyɛn Israel wɔ nda a odzi ekyir no mu—Wɔbɛkã Israel aboa ano na wɔagye hɔn, na emumuyɛfo bɛhyew dɛ nwura—Wɔbɛsɛɛ abɔnsam n’ahenman, na wɔakyekyer Satan. Bɛyɛ mfe 588–570 Ansaana wɔbɔwo Christ.