2. Nodra Lako Yani na Isireli mai Ijipita ka Curu Yani ki Kenani

Ramisese Sa vakasavi tani mai Ijipita ko Isireli (L.Y 12; Tiko. 33:5).

Sukoci Ni ra sa biuta oti na keba oqo na Iperiu, sa sala vata kei ira na Turaga ena o ena siga kei na duru bukawaqa ena bogi (L.Y 13:20–22).

Pi-eiroci A lako sivita kina na Wasa Damudamu ko ira na Isireli (L.Y 14; Tiko. 33:8).

Mara Sa vakavinakataka na igunugunu ni wai mai Mara na Turaga (L.Y 15:23–26).

Elimi Era sa keba ena yasa ni 12 na ivurevure ni wai na Isireli (L.Y 15:27).

Lekutu e Sini Sa solia mai na Turaga na mana kei na toa me ra kana kina na Isireli (L.Y 16).

Rifitimi Sa veivala ko Isireli vata kei Amaleki (L.Y 17:8–16).

Ulunivanua ko Saineai (Ulunivanua ko Orepi se Jepeli Musa) Sa vakatakila na Turaga na iVunau e Tini (L.Y 19–20).

Lekutu e Saineai Era sa tara na Isireli na valecavu (L.Y 25–30).

Keba ena Lekutu Era kacivi e Vitusagavulu na italatala qase me ra vukei Mosese ena nodra liutaki na tamata (Tiko. 11:16–17).

Esioni-keperi Era kosova na vanua ko Iso kei Amoni ena sautu na Isireli (iVaka. 2).

Ketesa-bania A talai ira yani eso na yamata vuni ki na vanua yalataki ko Mosese; a vakaduiduile ko Isireli ka sega kina ni rawa ni curuma yani na vanua ko ya; A nodra keba nuitaki na Isireli ko Ketesa me vica vata na yabaki (Tiko. 13:1–3, 17–33; 14; 32:8; iVaka. 2:14).

Lekutu ena Tokalau Sa levea ko Isireli na veivala vata kei Itomi kei Moapi (Tiko. 20:14–21; 22–24).

Uciwai ko Arinoni Sa vakarusai ira na Amoraiti ko ira na Isireli, ni sa veivala vata kei ira (iVaka. 2:24–37).

Ulunivanua ko Nipo Sa raica ko Mosese na vanua yalataki (iVaka. 34:1–4). Sa cavuta kina ko Mosese na iotioti ni tolu na nona ivunau (iVaka. 1–32).

Bucabuca ko Moapi Sa tukuna na Turaga vei Isireli me wasea na qele ka taura tani mai vei ira na lewena (Tiko. 33:50–56).

Uciwai na Joritani Sa kosova ko Isireli na Uciwai na Joritani ena vanua mamaca volekati Kilikali, era a bini vata na vatu mai na boto ni Uciwai na Joritani me ivakananumi ni kena a tawasei na wai ni Joritani (Josu. 3:1–5:1).

Jeriko Era a taura ka vakarusa na koro na kawa i Isireli (Josu. 6).