Te Kororaoi

N na aki kaki au raoiroi mai irou ni karokoa mateu (Iobi 27:5).

N na karekea te nano ae itiaki ni karaoi au mwakuri aika boraoi ma au atatai ibukin te eti ao te bure.

Taneiai Aika Kakawaki Aika Uaana

Katiai tenua taneiai aika kakawaki man kainnanoaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Te etieti bon te nano ni koaua ao te kantaninga ibukin mauakinan ara koaua ao ara kainibaire. Wareka Moronai 10:30–33 ao iangoa nanon te taeka “kakeai mai iroumi bwaai ni kabane aika tiaki aron Atua.” Wareka te boki ae uarereke Ibukin Rikirake I Bon Iroum. Kaotia bwa e kanga ana kainibaire te Uea ni kaokoro ma te kainibaire ibukin te aonaaba. Koroia n am tienero kainibaire aika riai ibukin te katei, te kunnikai, ao te maroro, n aron naba te koroboki, tamnei, terewition, katangitang, tareboon, ao bwai n tamnei riki tabeua. Korea naba am babaire bwa ko teimatoa n itiaki ao ni kororaoi n rin n te tembora. Imwiin kawakinan am kainibaire inanon teuana te namwakaina, koroi am namakin n am tienero ao teimatoa ni kawakin am taeka.
Karaoa oin am kakae ibukin oin etietim. Titirakiniko n titiraki aikai: I a tia n aki karaoi winanti, manikangare aika aki riai, taetae buaka ao taeka aika aki raoiroi, n aki akaka ao karaoan ao taekinakin bwaai aika aki riai? I bwabwaina te kokoaua, te itiaki n rabwata, kokoaua, onimakinaki, ao n onimakinaki n au bwai n reirei ao waaki ni kakukurei riki tabeua? Tataro n tainako ibukin te korakora ao ana kairi te Tamnei ae Raoiroi bwa e na buokiko ni maiuakina te etieti. Koroia n am tienero bwaai aika ko kona ni karaoi ni kanakoraoa riki oin am etieti ao teuana riki te katei ae ko tangiria ni katamaroa.
Te Tia Kamaiu bon te katoto ae kororaoi ibukin te etieti; E karaoa te bwai ae E a tia ni berita ibukina nakon te Tama bwa E na karaoia. Wareka 3 Nibwaai 11:10–11. Kamatebwaia maiuia tabeman n koroboki aika a tabu ake a maiu ma te etieti. Wareka Karikani Bwaai 39; ana boki Etita; Iobi 2:3; 27:3–6; Taniera 3 ao 6; Mwakuri 26; Doctrine ao Covenants 124:15; ao Joseph Smith—History 1:21–25. Koroia n am tienero kawai ake a tataekina iai te etieti. Iangoa te tai ngke iai iroum te ungannano ni kaota te etieti, riki ngkana e aki kangaanga ke ni kinaaki. Tibwaua am atatai ao am namakin ibukina n tain te kaoti koaua ke te reirei ke ma te karo ke te mataniwi.

Taneiai Aika Kakawaki Riki Tabeua

Katiai tenua taneiai aika kakawaki riki tabeua. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariai moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Tara te taeka etieti n te rikitionare. Maroro ma tinam, tibum te unnaine, ke temanna riki te aine ae ko onimakinna ibukin otana ao aron kamanenaan te taeka. Koroi kawai aika ko kona iai ni kanakoraoa am mwakuri ma am atatai ni bwainakin te eti ao te kairua, ao koroia n am tienero bwa tera nanon te taeka ae etieti nakoim.
Reiakiniko bwa ko na tei bwa te tia kakoaua ngkoe. Wareka Motiaea 18:9. Imwiina ao koroia n am tienero bwa ko na kanga ngkoe “n tei bwa ana [tia kakoaua] te Atua n taainako ni bwai ni kabane, ao n taabo ni kabane.” Rinea kateim ae ko tangiria ni kanakoraoia n te aro bwa ko na riki bwa te katooto ae nakoraoi riki. Karikirakea te etieti ni maium n am tai ni waakina maium ae boou inanon tenua te wiiki. Kore mwiin am waaki n am tienero.
Maiuakainan tuan te aki mamatam bon te tai ibukin karaoan te eiteti. N tain te Tabati n aki mamatam, ao tai amwarake ao ni mooi ibukin uoua te tai n amwarake ao kabwaka am angabwai nakon aia angabwai n aki mamatam kaain am utu. Katikua n am iango bukin te bwai are ko aki mamatam iai. Ko kona ni karaoa am aki mamatam ibukin raoraom ae aoraki, n tokanikai iaon te katei ae buakaka, ni karekea te kakabwaia ae onoti ibukim ke temanna riki, ke n anga te kakaitau. Moana ao kaina am aki mamatam ma te tataro.
Koroi bwaai, ao kangaanga ake e kamamaara te utu. Wareka te rongorongo man te Moan Beretitentii n te iteraniba 1 n te boki aei, “Te Utu: Te Katanoata nakon te Aonaaba” (tara te iteraniba 101), ao te mwakoro n te utu inanon Ibukin Rikirakem I Bon Iroum. Imwiina kakae n te maekatiin n te Ekaretia te kauntira ibukiia naake a kamatoaaki bwa burabeti, mamata ao taan karekea te kaotioti. Koroia n am tienero am babaire ibukin karikirakean am utu ae ngkai ao te anua ao te katei ae ko tangiria ni karaoia nakon am utu nakon taai aika ana roko.

Kanikinaai Taneiai Aika Kakawaki

Mwakuri aika a Kakawaki

Ngkana koa tia ni karaoi onoua atatai aika raraoi ibukin te etieti, karaoa te mwakuri ae na buokiko ni kanakoraoi bwaai ake koa tia n reiakin. E na riki aei bwa te mwakuri ae moan te kakawaki are e na kabanea tebwina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae iaona mwiin karaoana. Aikai iango tabeua ibukin te mwakuri ae kakawaki.

Koroi katooton kawai ake a tia kaain te utu ni kaota aron te etieti inanon maiuia.
Karekean te etieti nanona kawakinan mwiokoam. Kaoti ao kawakin mwiokoam ibukiia tabeman ngkana ko riki bwa kaain te tiim ke te bootaki ni mwakuri ke te nakoa ni kairiiri n n am reirei ke n am kaawa.
Kabonganaan 1 Timoteo 4:12 ngkana ko kaira, bairea ao ni karaoa te waaki ni kakukurei ae na buokiko n riki bwa “aia katooto taan onimaki.”
Karaoan ao kawakinan berita n te tembora e tangira te etieti. Katauraoiko ni karaoi berita n te tembora man karaoakin ao ni kunikainiko n te kunikai ae boraoi ma te kainibaire ibukin kunikai aika riai ni bwainaki n aron are kabwarabwaraaki n te boki ae uarereke Ibukin Rikirakem I Bon Iroum ao n aia taeka burabeti aika maiu.
Ukoukora taekan te etieti ao te kokoaua n aia taetae Mataniwi ni Kabuta. Reirei bwa bukin tera moan tua aikai a rangin ni kakawaki ibukin kukureim ao am katauraoi n nakon te tembora. Karaoa te bwai (n aron te tamnei, boki n oota, ke te bwai ae ituaki n te bai) ae na kauringko ni katoa bong ni kabaeakim bwa kona bwabwaina te kokoaua ao te koaua n taainako ao ni kinaaki ibukin oin etietim.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au koaua iaon te mwakuri e (e raonaki ma aron am namakin ao otam iaon rikiraken te kororaoi):

Ana Tiaaina te karo ke te tia kairiri

Bongin Namwakaina:

Aua ake a kabaneaki