Te aro n Atua

Bwa kam aonga ni buokanibwai n te aro n Atua … Kaota te taningamarau ni kabanea, ao karekea te raoiroi n am onimaki; ao te atatai n ami raoiroi; ao te taubaang n ami atatai; ao taotaonan nanomi n tauani baangimi; ao tangiran te Atua n taotaonan nanomi; ao karekei naba akoaia Kristian n tangiran te Atua i iroumi; ao te tangira n akoia Kiristian i roumi (2 Betero 1:4–7).

I a tia ni karekei anua n Atua, are n na kakorakoraai ni karikirakei.

Taneiai Aika Kakawaki man Kainnanoaki

Katiai tenua taneiai aika a kakawaki man kainnanoaki aikai. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Baikara anua n Atua aika raraoi ibukin natin te Atua te aine? Wareka “Te Utu: Te Katanoata nakon te Aonaaba” (tara te iteraniba 101); 2 Peter 1; Aramwa 7:23–24; ao Doctrine and Covenants 121:45. N oin am taeka, koroi anua n Atua aika tamaroa aika a maroroakinaki n am wareware. Iangoia bwa kona kanga ni kunea ao ni karikirakei anaua aikai. Koroi am iango n am tienero.
Ngkai ko a riki bwa te kairake n ataeinnanine ko a kakabwaiakaki ma anua n aine aika kororaoi. Karikirakea am atatai ao am kakaitau ibukin nakoaia aine ni koaua. Wareka Taeka n Rabakau 31:10–31 ao uoua taeatae man te maungatabu iaoia aine ni koaua man ana beeba ni kaongora te Ekaretia. Manga rinanoa te bwai ae taekinaki n “Te Utu: Te Katanoata nakon te Aonaaba” (tara te iteraniba 101) ibukin te riki n buaine ao n tina. Imwiina ao tuanga tinam ke te tina riki temanna ake ko karineia ibukin te bwai ae e taku bwa anua aika kakawaki ibukin te kan riki n tina. Koroi katei aikai inanon am tienero. Ao ngkanne rinea teuana mai ibuakon anua aikai man kataia ni karikirakea. Imwiin uoua te wiiki ao ribootin tokanikaim nakon te karo ke te tia kairiiri.
Karaoa mweengam bwa te mweenga ae rau man kakukurei. Inanon uoua te wiiki ao karaoa am kabanea ni kona ni kanakoraoa am reitaki ma kaain am utu man kaotan te tangira rinanon te mwakuri. Katoka aron te taetae ni kabuakaka ke kaotan te aki akoi, ma taraa aron bonganan maiun temanna ma temanna. Koroi taeka aika ana kaunganano, tataro ibukiia kaain te utu anne, kakaai anga aika ko na ibuobuoki iai, ao tataekina aron am tangira nakoia. Tibwai am atatai ao anua aika mai iroun te Atua aika kam a tia ni kunei ma kaain te utu ke ma te karo ke te tia kairiiri.

Taneiai TABEUA AIKA KAKAWAKI RIKI

Katiai tenua taneiai aika kakawaki riki tabeua. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariai moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Kamatenanoa te tataro n toa n Doctrine ao Covenants 20:77, 79. N tain te toa, kakauongo raoi nakon te tataro ao iangoia raoi bwa tera ae nanonaki n katoka iaom aran Iesu Kristo ao e kanga karaoan aei n roota aron am mwakuri ao am babaire. Kateimatoa kawakinan am berita n te bwabetito. Moanna man karaoan te bwai teuana ni katoabong bwa ko aonga n uringa ao ni karikirakea riki kateim aika tamaroa ao ni buokiko n uringa te Uea Iesu Kristo. Imwiin uoua te wiiki ao koroi am atatai n am tienero.
Te ongotaeka bon anuan te Tia Kamaiu. Kataia n ongotaeka riki nakoia am karo. Wareka Ruka 2:40–51 ao Ioane 6:38. Karikirakea aron te ongeaba n am tai ni karaoa te mwakuri ae onoti ni karineia tamam ao n akoia ao ni karaoa te bwai ae e tuangko tamam n akea te manga kauring. Imwiin uoua te wiiki koroia n am tienero bwa e kanga bwainakin te ongeaba ni kaungako n tangiria n teimatoa ni karaoia ao e kanga n tia ni buokiko ni kaotako n arona mairoun te Atua ao taben te tina ao te tama aika mai iroun te Atua.
Karikirakei anuam aika mairoun te Atua Wareka Mataio 5:9; Ioane 15:12; I-Karatia 5:22–23; I-Korote 3:12–17; 1 Ioane 4:21; ao Moronai 7:44–48. Kamatenanoa am kibu ae mamaten nanom mai ibuakon kibu n taeka aikai. Kaoti ni kabane anua aika mai iroun te Atua inanon booki aika tabu aikai ao koroi n am tienero. Rinea teuana te anua, ao kataia ni karaoia bwa kanga anuam inanon uoua te wiiki. Koroi am waaki ao am atatai n am tienero.
Reirei nanon te taeka ae te tia raoi. Imwiina ao ukoukori man wareki nimaua booki aika tabu ake a reirei taekan te tia raoi. Riiki bwa te banna ni katooto ibukin te tia raoi ni mweengam n te reirei ngkai ko kataia ni katoka taekinaia aomata, kabuakaka, ke n taekin bwaai aika aki tangira nakon ke ibukiia tabeman. Tataro n tainako n te moaningabong ao te tairiki nakon Tamara are i Karawa ibukin te ibuobuoki ni karaoan aei. Imwiin uoua te wiiki koroia n am tienero baikara katei aika boou aika ko tangiri ni karikirakei, e kanga te riki bwa te tia karaoa te rau n riki bwa mwakoron anuana mairoun te Atua, ao ko na kanga n teimatoa n riki bwa te tia karaoa te rau.

Kanikinaai Taneiai Aika A Kakawaki

Mwakuri aika a Kakawaki

Ngke ko a tia ni karaoi onoua anua n Atua taneiai aika kakawaki, karaoa te mwakuri are e na buokiko ni karaoa te bwai are koa tia n reiakinna. E na riki aei bwa te mwakuri ae moan te kakawaki are e na kabanea tebuina te aua ni katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae iaona imwiin karaoana. Aikai iango tabeua ibukin te mwakuri ae kakawaki.

Karikirakea te rabakau ae ko kona ni kabongana ibukin mweengam nakon taai aika ana roko, n aron te kuuka, itutu, karaoan uruaki, baireia ke katean tamneina. Reireina te rabakau anne nakon temanna, ao kabwarabwara bwa e na kanga katean te auti ae baireaki raoi (tara D&C 109:8) bwa teuana tabem mai iroun te Atua.
Ibukin te tai ae maan, buoka temanna ae kainnano, n aron te tina ataei, ao te aomata ae mwauku, ke te aomata ae a kara. Koroia n am tienero bwa e kanga am mwakuri n ibuobuoki n tia ni buokiko ni kinai anua ake mairoun te Atua iroum ao irouia tabeman.
Koroi anua ao taben te aine mai iroun te Atua ake a reireinaki n te “Te Utu: Te Katanoata nakon te Aonaaba” (tara iteraniba 101), ao karaoa te mwakuri are e na buokiko n reiakina riki teuana mai ibuakon tabeia akanne.
Man kabonganaan am konabwai iaon te korotamnei ao te karaobwai ao ko a tia n reiakinna, karaoi tabeua ibukin ngkai ao taai aika ana roko. Koroi n am tienero bwa e kanga te kakauiango n riki bwa iteran arona mairoun te Atuaao e kanga tibwauaan rabakaum n tia ni kakabwaiaia tabeman.
Te mwakuri ma te rau ma tabeman bon aroaro aika mai iroun te Atua (tara D&C 38:27). Wakina karaoan te mwakuri are e na karikirakea te katiteuanaki irouia kaain am utu, am reirei, ke kaain am kaawa. Koroia n am tienero bwa ko na kanga ni karaoa te kaokoro ngke ko mwakuri ma te katiteuanaaki ma tabeman.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au katautau ibukin te mwakuri (e raonaki ma aron am namakin ao otam iaon anua aika mairoun te Atua):

Ana Tiaaina te karo ke te tia kairiiri

Bongin Namwakaina:

Aua ake a kabaneaki