Kairake
Te Onimaki

Onimaki

Te onimaki bon tiaki karekean te ataibwai ae kororaoi ibukin bwaai nako; ngaia are ngkana iai am onimaki ko kantaningai bwaai aika aki nooraki, aika a koaua (Aramwa 32:21).

Ngai natin Tamara are i Karawa te aine, ae tangirai. Iai au onimaki n ana baire ibukin Ana babaire n te maiu are akea tokina, are e boboto iaon Iesu Kristo, au Tia Kamaiu.

Taneiai Aika Kakawaaki Aika Kainnanoaki

Katiai tenua taneiai aika kakawaki aikai kainnanoaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Te moan tua n te euangkerio bon te onimaki iroun te Uea Iesu Kristo. Reirei taekan te onimaki man booki aika tabu ao burabeti aika maiu. Wareka Ebera 11; Aramwa 32:17–43; Ita 12:6–22; ao Joseph Smith—History 1:11–20. Wareki uoua taetae man te maungatabu ni kabuta iaon te onimaki. Kamwakura am onimaki man karekean te anua ni kan taa tataro inanon maium. Moanna man taekinan am tataro n te ingabong ao n te tairiki ni katoa bong. Imwiin irakin te katei aei inanon tenua te wiiki, maroroakinna ma te karo ke te mataniwii te bwai ae ko a tia n reiakinna ibukin te onimaki ao e kanga te tataro ni katoa bong ni kakorakora am onimaki. Korea am namakin ibukin te onimaki ao te tataro n am tienero.

  2. Ukoukori moan tua n te onimaki ake a reireinaki iroun Ereman tinaia ataeinimwaane aika taan buaka. Wareka Aramwa 56:45–48 ao 57:21. Mangarinanon te bwai ae taekinna “Te Utu: Te Katanota nakon te Aonaaba” (tara iteraniba 101) ibukin taben te tina. Maroroakinna ma te tina, te tibu te aine, ke te mataniwi, anua aika e riai ni karekei te aine bwa e aonga n reireiniia ataei bwa ana karekea te onimaki man kabotoi aia iango iaon koaua n te euangkerio. A na kanga moantua aikai ni buokiko inanon maium n te bong aei ao man buokiko n riki bwa te aine, te buaine, ao te tina ae kororaoi? Taui mwiin am iango ao am namakin n am tienero.

  3. Maiuakinan moan tua n te euangkerio e kainnanoa te onimaki. Wareka taekan te onimaki n te Bible Dictionary ke True to the Faith. Te onimaki iroun te Tia Kamaiu Iesu Kristo e na uotiko nakon te mwakuri. Rinea te moan tua n aron te tataro, kabuianibwai, aki mamatam, rairannano, ke kawakinan tabun te bong ae te Tabati. N oin mweengam ke n arona riki teuana, bairea ao taekina te reirei ni bootakin te utu n te tairiki bwa e na kanga te onimaki ni buokiko ni maiuakina taekan te euangkerio anne. Ngkana e kona, tuanga temanna kaain te utu bwa e na tibwaua ana atatai are e a tia ni kakorakora ana onimaki teuanne ke neienne. Tibwaua naba te mwakuri are ko a tia n rinanona. Koroia n am tienero teuana mai ibuakon mwakuri akanne ao kabwarabwara am namakin iaon te onimaki.

Taneiai TABEUA AIKA A KAKAWAKI RIKI

Katiai tenua taneiai aika kakawaki irarikina. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariaia moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Reirei riki taekan te toa Wareka taekan te Kabanea n Amwarake n Mataio 26:26–28; Mareko 14:22–24; ao Ruka 22:17–20. Katea te katei n tataro ma nanom ni koaua n tain te toa man te kakauongo raoi nakon taekan te anene ao te toa. Iangoia bwa bukin tera ti taua te kariki ao te ran. Imwiin tenua te wiiki n ira te katei aei, ao koroi n am tienero tabeua berita ake ko karaoi n am tai n taua te toa man uringa am berita n tain te bwabetito ao tera ae ko karaoia ni kawakin berita akanne. Koroia n am tienero aron otam ibukin berita aikai n tia ni kakorakora am onimaki iroun te Tia Kamaiu.

  2. Karikirakea otam n Ana Mwakuri ni Kamaiu Iesu Kristo man warekan Itaia 53:3–12; Ioane 3:16–17; I-Rom 5; 2 Nibwaai 9:6–7, 21–26; Aramwa 7:11–13; 34:8–17; ao Doctrine ao Covenants 19:15–20. Koroi am namakin iroun te Tia Kamaiu ao tera ae Ea tia ni karaoia ibukim n am tienero. Tibwaua am namakin n tain te bootaki n toa

  3. Karikirakea ootam n te baire ni kamaiu. Booki ibukin te kamatebwai 1 I-Korinto 15:22; Te Kaotioti 12:7–9; 2 Nibwaai 9:1–28; 11:4–7; Doctrine ao Covenants 76:50–113; 93:33–34; Moses 4:1–4; ao Abraham 3:24–27. Korea tamnein ke karekea te tamnei are kaota te babaire ni kamaiu, n ikotaki ma te maiu imwain te maiu aei, bungiaki, te maiu ae mamate, te mate, motikitaeka, ao te maiu imwiin te motikitaeka. Kabongana te tamnei aei, ni kabwarabwara te babaire ni kamaiu n am kiraati, am utu, ke raoraom. Maroroakinna bwa e kanga te atatai n te babaire n rooti aron am mwakuri, ni buokiko n ataia bwa ko nako ma ia, ao n tia ni karikirakea am onimaki.

  4. E a tia te Atua n tuangiira bwa tina kabwaka ara kabuianibwai Wareka Doctrine ao Covenants 119 ao Maraki 3:8–12. Ngkai te ongotaeka nakon tuan te kabuianibwai bon kakoauaan am onimaki, kabwaka am kabuianibwai ae bwanin. Imwiin tenua te namwakaina koroia n am tienero bwa e kanga kabwakaan te kabuianibwai ni buoka rikiraken am onimaki. Koroi kakabwaia inanon maium, e bubura ao ae uarereke, ae a tia n reke iroum ibukin am onimaki n tuan te kabuianibwai.

Kanikinaai Taneiai Aika Kakawaki

Mwakuri aika a Kakawaki

Imwiin ae ko a tia ni katiai onoua atatai aika kakawaki n te onimaki, karaoa te mwakuri ae na buokiko ni kataneiako ni bwaai aika ko a tia n reiakin. E na riki aei bwa te mwakuri ae moan te kakawaki are e na kabanea tebwina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae iaona mwiin karaoana. Aikai tabeua iango ibukin te mwakuri ae kakawaki.

  • Kamatenanoa “Te Kristo ae Maiu” (tara iteraniba 102). Ngkana ko karaoia, ao iangoa ana kairoro te Tia Kamaiu inanon maium ao e kanga am onimaki Irouna n rikirake. Kataneiako n iri ana katooto te Tia Kamaiu.

  • Wareka Aramwa 32:28–43. Iangoa te onimaki bwa te kora are ko buokia n unikia, am tararua, ao taian uaanikai n te onaroka. Koroia n am tienero bwa kona kanga ni kamwarakea, tararuaia, ao ni karikirakea am onimaki.

  • Ira te kiraati n rongorongon te utu ngkoa n am uoote ke n am mwaanga. Karekei rongorongoia am koraki ke tabeman riki ake a tia ni bwaina te onimaki, ke te maroro ma kaain te utu ke tabeman ao koroi mwiin aia karaki.

  • Kabwarabwara te kakabwaia man te onimaki man korean te karaki, kamatenano, ke te anene ke man katiaan te mwakuri n te tamnei ae na kabwarabwara am onimaki iroun Iesu Kristo.

Au mwakuri bon:

Au babaire ibukin karaoan Au mwakuri bon:

Kariaiakaki

Katautau ibukin te bong are e na tia iai

Au koaua iaon te mwakuri (e raonaki ma aron am namakin ao otam iaon rikiraken te onimaki):

Ana Tiaaina te karo ke te tia kairiri

Bongin Namwakaina:

Aua ake a kabaneaki