“Jibadbad eo an Katakin ilo Wāween eo an Rilo̧mo̧o̧r,” Katakin ilo Wāween eo an Rilo̧mo̧o̧r eo: N̄an Aolep Ro Rej Katakin ilo Mweo im ilo Kabun̄ in (2022)
“Jibadbad eo an Katakin ilo Wāween eo an Rilo̧mo̧o̧r,” Katakin ilo Wāween eo an Rilo̧mo̧o̧r
Jibadbad eo an Katakin ilo Wāween eo an Rilo̧mo̧o̧r
Pedped in kaak ko kar kōmeļeļeik ilo kein jipan̄ in emaron̄ jipan̄ aolep rūkaki in gospel eo katakin ilo wāween eo an Rilo̧mo̧o̧r. Men jab in ekitibuuj ro jinen im jemen, jerbal in karejar būratōr im sister ro, mijenede ro, rūkaki ro an jemeneri im institute, im jabdewōt ro kūr eo aer ilo Kabun̄ ej leļo̧k n̄an er iien ko rem̧m̧an n̄an katakin.
Kwomaron̄ ekkatak kōn kein jipan̄ in kōn kwe make ak kōjerbale n̄an tōl iien ekōnono ko am̧ ippān ro jet kōn ekōjkan n̄an erom juon rūkaki em̧m̧anļo̧k. N̄an waanjon̄ak, kein jipan̄ in maron̄ kōjerbal ilo nukon in jota ko ilo m̧weo, kweiļo̧k ko an būreejtōnji, ward ak stake ko̧o̧njel kweiļo̧k ko, jem̧nere im institute jerbal in kweiļo̧k ko, im kweilo̧ ko an ko̧o̧ņjeļ an rūkaki (lale “N̄an Ritōl ro—Jipan̄ Rūkaki ro Tōprak”).
Ekōjkan an Kein Jipan̄ in Ejaak
M̧ōttan 1 ej kōmejajaik aorōk eo an pedped ioon Jisōs Kraist jabdewōt iien jej katakin pedped in katak ko an gospel eo An. Jekjōn in ej kōmeļeļeik ta eo jej katakin.
M̧ōttan 2 ej kōmejajaik pedped in katak ko an katakin āinwōt Kraist. Jekjōn in ej kōmeļeļeik elmen ad katakin.
M̧ōttan 3 ej letok elmakot ko an kaminene n̄an jipan̄ rūkaki ro kōjerbal pedped in katak ko an katakin āinwōt Kraist.
Tukadu in Katakin āinwōt Kraist
Jaat kein rej letok juon tukadu in pedped in katak ko kar katakin ilo kein jipan̄ in.