Andama ang imong kaugalingon sa espirituhanong paagi.

Kahanas

Gamita ang dokumento nga “Paglambo isip usa ka Kristohanon nga Magtutudlo—Usa ka Personal nga Pagtimbang-timbang” aron sa pagdapit sa Espiritu Santo sa pagtabang kanimo sa pagpanindot sa imong mga pagpangandam sa pagtudlo.

Ipasabot

Human nga ikaw mangandam sa matag leksiyon, adto sa “Paglambo isip usa ka Kristohanon nga Magtutudlo—Usa ka Personal nga Pagtimbang-timbang” sa bahin 3 sa Pagtudlo Sumala sa Pamaagi sa Manluluwas. Ikonsiderar kon unsa ka maayo nga mohulagway ang matag usa sa mga pamahayag nga anaa diha sa pagtimbang-timbang bahin sa kasinatian sa pagkat-on nga imong giandam. Dayon, ingon nga gigiyahan sa Espiritu, sa mainampoong paagi pagpili og bisan unsa nga gikinahanglan nga palamboon sa plano sa leksiyon ug buhata ang mga kausaban.

Si Elder Dieter F. Uchtdorf mipakigbahin sa mosunod nga saad mahitungod sa paggamit sa pagtimbang-timbang: “Kini mosangpot ngadto sa pagpamalandong, mobutyag sa dili makita, ug makaaghat og pagdasig mahitungod sa mga pamaagi nga kita molambo. … Kini nga pagtimbangtimbang sa kaugalingon mahimong dakong panalangin—karon ug sa matag higayon nga kamo mag-andam sa pagtudlo sumala sa pamaagi sa Manluluwas” (“Usa ka Listahan sa Magtutudlo” [Pagtudlo Sumala sa Pamaagi sa Manluluwas uban ni Elder Uchtdorf, Hunyo 12, 2022], ChurchofJesusChrist.org).

Modelo

Human natapos ni Sister Olsen ang iyang plano sa leksiyon, siya miadto sa dokumento nga “Paglambo isip usa ka Kristohanon nga Magtutudlo—Usa ka Personal nga Pagtimbang-timbang.” Siya mainampoon nga nagtuon sa matag seksiyon sa pagsukod ug mipili og usa ka tukma nga tubag alang sa matag pamahayag. Nakakita siya og usa ka bahin sa iyang leksiyon diin mas maayo siyang makagamit sa mga pulong sa propeta sa pagtudlo og usa ka kamatuoran nga ilang kat-onan.

Si Brother Sosi naningkamot sa pagdapit og makugihon nga pagkat-on diha sa iyang mga leksiyon. Human siya nag-andam sa leksiyon, siya miadto sa “Paglambo isip usa ka Kristohanon nga Magtutudlo—Usa ka Personal nga Pagtimbang-timbang” aron sa pagsukod kon unsay iyang nahimo niini nga bahin. Siya mitimbang-timbang sa iyang leksiyon sa ingon nga paagi:

Pagdapit og Makugihon nga Pagkat-on

• (4) Ako motabang sa mga tigkat-on nga mangako sa responsibilidad sa ilang pagkat-on.

• (1) Ako moawhag sa mga tigkat-on nga ilhon ang Manluluwas pinaagi sa pagtuon sa ebanghelyo matag adlaw.

• (4) Ako modapit sa mga tigkat-on sa pagpangandam sa pagkat-on.

• (4)Ako moawhag sa mga tigkat-on sa pagpakigbahin sa mga kamatuoran nga ilang nakat-onan.

• (4) Ako modapit sa mga tigkat-on nga buhaton ang ilang mga nakat-onan.

Siya midesisyon nga siya makapangutana aron sa pag-awhag sa mga tigkat-on nga makaila ni Jesukristo samtang sila magtuon sa ilang mga kasulatan matag adlaw ug mobuhat og kausaban sa iyang leksiyon.

Pagpraktis

1. Unsa nga mga pagpahiangay nga mahimo nimong buhaton sa imong plano sa leksiyon kon ang imong personal nga pagtimbang-timbang ingon og sama sa mosunod:

   Itudlo ang Doktrina

   • (4) Ako nakakat-on sa doktrina ni Jesukristo para sa akong kaugalingon.

   • (3) Ako nagtudlo gikan sa mga kasulatan ug sa mga pulong sa mga propeta sa ulahing mga adlaw.

   • (3) Ako motabang sa mga tigkat-on sa pagtinguha, pag-ila, ug pagsabot sa mga kamatuoran sa mga kasulatan.

   • (4) Ako nagtutok sa mga kamatuoran nga mosangpot ngadto sa pagkakabig ug makapalig-on sa hugot nga pagtuo diha ni Jesukristo.

   • (1) Ako motabang sa mga tigkat-on sa pagkaplag og personal nga kamahinungdanon sa doktrina ni Jesukristo.

2. Timbang-timbanga ang imong sunod nga leksiyon pinaagi sa paggamit sa “Paglambo isip usa ka Kristohanon nga Magtutudlo—Usa ka Personal nga Pagtimbang-timbang.” Mainampoon nga konsiderar kon unsa ka maayo nga mohulagway ang matag usa sa mga pamahayag nga anaa diha sa pagtimbangtimbang bahin sa kasinatian sa pagkat-on nga imong giandam. Dayon, ingon nga gigiyahan sa Espiritu, pagpili og bisan unsa nga gikinahanglan nga palamboon diha sa plano sa leksiyon ug buhata ang mga kausaban.

Hisgoti o Pamalandongi

• Sa unsang paagi ang pagpatuman niini nga binuhatan mosangpot ngadto sa pagpamalandong, mobutyag sa dili makita, ug makaaghat og pagdasig mahitungod sa mga pamaagi nga kita molambo?

• Unsa ang kaayohan sa paggamit sa dokumento sa pagtimbang-timbang sa matag plano sa leksiyon nga imong andamon?

Iapil

• Planoha kon unsaon nimo paggamit ang “Paglambo isip usa ka Kristohanon nga Magtutudlo—Usa ka Personal nga Pagtimbang-timbang” sa matag plano sa leksiyon nga imong andamon.

Gusto pa og Dugang?

• Dieter F. Uchtdorf, “Usa ka Listahan sa Magtutudlo” (Pagtudlo Sumala sa Pamaagi sa Manluluwas uban ni Elder Uchtdorf, Hunyo 12, 2022), ChurchofJesusChrist.org

• “Paglambo isip usa ka Kristohanon nga Magtutudlo—Usa ka Personal nga Pagtimbang-timbang,” Pagtudlo Sumala sa Pamaagi sa Manluluwas (2022), 37