« ស្វែងរកនិមិត្តសញ្ញានានាដែលធ្វើទីបន្ទាល់អំពីព្រះយេស៊ូវគ្រីស្ទ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ ( ឆ្នាំ ២០២៣ )
បង្រៀនអំពីព្រះយេស៊ូវគ្រីស្ទ មិនថាអ្នកកំពុងបង្រៀនអ្វីនោះទេ
ស្វែងរកនិមិត្តសញ្ញានានាដែលធ្វើទីបន្ទាល់អំពីព្រះយេស៊ូវគ្រីស្ទ ។
ជំនាញ
សួរសំណួរដែលជួយសិស្សឲ្យរៀនអំពីព្រះយេស៊ូវគ្រីស្ទ តាមរយៈនិមិត្តសញ្ញានានានៅក្នុងព្រះគម្ពីរ ។
កំណត់និយមន័យ
នៅក្នុង ការបង្រៀនតាមរបៀបរបស់ព្រះអង្គសង្គ្រោះ ចែងថា ៖ « ព្រះអម្ចាស់បានប្រកាសថា ‹ គ្រប់អ្វីទាំងអស់ត្រូវបានបង្កើត ហើយធ្វើឡើងមក ដើម្បីធ្វើបន្ទាល់អំពីយើង › ( ម៉ូសេ ៦:៦៣; សូមមើលផងដែរ នីហ្វៃទី២ ១១:៤ ) ។ ដោយមានសេចក្តីពិតនោះនៅក្នុងចិត្ត នោះយើងអាច [ ជួយសិស្សឲ្យ ] រៀនមើលឃើញនិមិត្តសញ្ញានានាជាច្រើន នៅក្នុងព្រះគម្ពីរដែលធ្វើបន្ទាល់អំពីព្រះអង្គសង្គ្រោះ ។ … អ្នកក៏អាចរកឃើញភាពស្រដៀងគ្នានានាទៅនឹងព្រះជន្មរបស់ព្រះអង្គសង្គ្រោះ នៅក្នុងជីវិតរបស់ពួកព្យាការី និងពួកបុរសស្ដ្រីដ៏ស្មោះត្រង់ផ្សេងទៀតនៅក្នុងព្រះគម្ពីរផងដែរ ។ ការរកមើលនិមិត្តសញ្ញានានាបើកសម្តែងសេចក្តីពិតអំពីព្រះអង្គសង្គ្រោះ នៅកន្លែងខ្លះដែលអ្នកអាចមើលរំលង » ( ទំព័រ ៧ ) ។ យើងអាចជួយសិស្សឲ្យរៀនមើលឃើញព្រះយេស៊ូវគ្រីស្ទ ដោយការសួរសំណួរដែលជួយពួកគេឲ្យពិចារណាអំពីរបៀបដែលមនុស្ស ទីកន្លែង ព្រឹត្តិការណ៍ ឬវត្ថុនៅក្នុងព្រះគម្ពីរបង្រៀន ថ្លែងទីបន្ទាល់ ទាក់ទង ឬរំឭកយើងអំពីទ្រង់ ។ សំណួរទាំងនេះអាចត្រូវបានសួរពីមុន ឬបន្ទាប់ពីអ្នកអញ្ជើញសិស្សឲ្យអាន ។ ឧទាហរណ៍នៃប្រភេទនៃសំណួរទាំងនេះអាចរួមមានដូចខាងក្រោម ។
-
តើបុគ្គលិកលក្ខណៈអ្វីខ្លះរបស់ព្រះយេស៊ូវគ្រីស្ទ ដែលអ្នកឃើញនៅក្នុង ?
-
តើចំណុចនានានៅក្នុងខគម្ពីរទាំងនេះអាចទាក់ទងនឹងព្រះយេស៊ូវគ្រីស្ទយ៉ាងដូចម្ដេច ?
-
តើដំណើររឿងនេះថ្លែងទីបន្ទាល់អំពីព្រះយេស៊ូវគ្រីស្ទដោយរបៀបណា ?
-
តើនិមិត្តសញ្ញានៃព្រះយេស៊ូវគ្រីស្ទអ្វីខ្លះដែលអ្នកអាចឃើញនៅក្នុងដំណើររឿងនេះ ?
គំរូ
នៅពេលគ្រូបង្រៀនដឹកនាំសិស្សក្នុងថ្នាក់ឲ្យរៀននៅក្នុង យ៉ូហាន ១០គាត់សួរសំណួរខាងក្រោម ៖
-
តើបុគ្គលិកលក្ខណៈអ្វីខ្លះរបស់ព្រះយេស៊ូវគ្រីស្ទដែលអ្នកឃើញ ដែលពាក្យ « ទ្វារ » នេះសំដៅទៅដល់ នៅក្នុង ខទី ២ ?
-
តើ « អ្នកឆ្មាំទ្វារ » នៅក្នុង ខទី ៣ អាចទាក់ទងនឹងព្រះយេស៊ូវគ្រីស្ទយ៉ាងដូចម្ដេច ?
-
តើមាននិមិត្តសញ្ញាអ្វីខ្លះទៀតអំពីព្រះយេស៊ូវគ្រីស្ទដែលអ្នកអាចឃើញមាននៅក្នុង យ៉ូហាន ១០ ?
អនុវត្ត ១
-
តើសំណួរអ្វីខ្លះដែលអ្នកអាចសួរបាន នៅក្នុង កិច្ចការ ៣:១–៧ ដែលជួយសិស្សឲ្យមើលឃើញព្រះយេស៊ូវគ្រីស្ទនៅក្នុងដំណើររឿងនេះ ?
-
នៅពេលអ្នកមើលបណ្តុំបទគម្ពីរនាពេលខាងមុខនៅក្នុងកម្មវិធីសិក្សាសម្រាប់ពីរសប្តាហ៍បន្ទាប់ តើអ្នកអាចសួរសំណួរអ្វីខ្លះ ដែលនឹងជួយសិស្សរបស់អ្នកឲ្យមើលឃើញព្រះយេស៊ូវគ្រីស្ទ ?
ពិភាក្សា ឬសញ្ជឹងគិត
-
តើអ្នកឃើញតម្លៃអ្វីខ្លះក្នុងការអញ្ជើញអ្នកដទៃឲ្យរៀនមើលឃើញព្រះយេស៊ូវគ្រីស្ទក្នុងគ្រប់ការណ៍ទាំងអស់ ?
-
តើការមើលឃើញព្រះអង្គសង្គ្រោះក្នុងព្រះគម្ពីរ បានជះឥទ្ធិពលដល់ជីវិតរបស់អ្នកយ៉ាងដូចម្តេច ?
រួមបញ្ចូល
-
នៅក្នុងមេរៀននីមួយៗបន្តទៅមុខទៀត សូមពិចារណាអំពីនិមិត្តសញ្ញារបស់ព្រះអង្គសង្គ្រោះដែលមាននៅក្នុងព្រះគម្ពីរ ហើយសួរសំណួរដើម្បីជួយសិស្សឲ្យស្វែងរកនិមិត្តសញ្ញាទាំងនោះ ។
តើចង់បានបន្ថែមទៀតទេ ?
-
ឆាដ អេច វិប « We Talk of Christ, We Rejoice in Christ » ( ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ នៅថ្ងៃទី ១២ ខែ មិថុនា ឆ្នាំ ២០១៨ ) នៅលើគេហទំព័រ broadcasts.ChurchofJesusChrist.org ។
