Katak an Jodikdik: Bōk Eddo in Kōjerbal Technology

I. Kadkad In

Āinwōt jodikdik ro, jej mour ilo juon laļ eo me Technology ej juon m̧ōttan eļap an mour ko ad. Emaron̄ pidodo n̄an jakoļo̧k ilo lale kobban intōrnet, kōjjeļā ko rejjab bōjrak, im an̄ūrlep in piktok eo an Technology. Bōtaab āinwōt rikaļoor ro an Jisōs Kraist, kar kūr kōj n̄an kōjerbal technology ilo jibadbad eo an im ilo em̧m̧an. Ilo katak in, jenaaj katak kōn ekōjkan ad maron̄ bōk eddo in kōjerbal technology eo ad im kōjerbale ilo wāween eo me ej kautiej Anij.

II. Em̧m̧an ko im Nana ko an Technology

Em̧m̧an ko

• Kabun̄ in ej kōjerbal technology n̄an ekōnono ilo aolepān laļ in im kajeeded gospel eo.

• Technology ej kōm̧m̧an bwe jen deblo̧ke jeļā eo an aolep ilo laļ in im maron̄ deļo̧n̄ ilo bōjo̧ eo ad.

Nana ko

• Nana eo an technology ej iien eo ad im m̧ad eo ad, ak nanaļo̧k, jerwaane iien eo em̧m̧an im kōjeraam̧m̧an ko.

• Eļan̄n̄e jejjab mejmejkaruo, jemaron̄ erom m̧ad jān juon men eo me ejej tokjān n̄an kalimjōk wōt eo ad, ak em̧ool jejļo̧k jān bujen ko ad ippān Jemedwōj Ilan̄ im Jisōs Kraist.

• Pilippai 4:8

• Āliktata, ro jatū, jabdewōt men ko re m̧ool, jabdewōt men ko re jim̧we, jabdewōt men ko re wānōk, jabdewōt men ko re kwōjarjar, jabdewōt men ko re wōlbo, jabdewōt men ko em̧m̧an aer bun̄bun̄; eļan̄n̄e ewōr em̧m̧an, im eļan̄n̄e ewor nōbar, kom̧win ļōmņak kōn men kein.

III. Idajon̄jon̄ ko an TTechnology

Kwoj ke jorrāān eļan̄n̄e kwoj loe epen n̄an kabōjrak kōjerbal technology? Kwoj ke baj m̧ōjņo ilo jetōb? Em̧ool jaab! Elukkuun em̧m̧an kōjerbal technology, bōtaab kōjbwebweik emaron̄ in juon apan̄ em̧m̧an. Kwoj jelm̧ae juon idajon̄jon̄ ņae science, brain chemical ko, im jikin pejnej ko kiiō rekijon̄ n̄an itok limo eo ad—im ejjab juon jiāe em̧m̧an.

“Kein Kam̧ōņōņō (bliss point)” an Technology

• Technology ej juon kein jerbal me ej letok n̄an kōj n̄an tōļon̄e jeļāļo̧kjeņ eo an aolep ilo laļ in im maron̄ kōjerbale n̄an em̧m̧an.

• An ļapļo̧k ad leļo̧k ad n̄an technology, eļapļo̧k kōļļāik ro rej kōm̧m̧an technology.

• Rietale (researcher) ro im disigner ro rej kōjerbal technology ko n̄an kōm̧m̧an bwe jen bōk wōt kuņaad im bun̄ būruwōd kōn technology, ejja ainļo̧k wōt “jon̄an dettan iiōk (bliss point)” an jikin kōm̧m̧an (industry) m̧ōn̄ā.

• Jemedwōj Ilan̄ im ad Rilo̧mo̧o̧r rej meļeļe kōn apan̄ ko ad ippān technology im naaj kōkajoorļo̧k kōj.

• 2 Korint 12:9

  Im em̧ōj An ba n̄an eō, Aō jouj e bwe n̄an eok: bwe Aō kajoor e weeppānļo̧k ilo m̧ōjņo̧. Innām inaaj kanooj m̧ōņōņō in kōmmejāje kōn m̧ōjņo̧ ko aō, bwe kajoor an Kraist en pād ioō.

Anjo̧ Ioon “Kein Kam̧ōņōņō (Bliss Point) eo”

• Kile bwe technology ewōr an make kein “jon̄an dettan iiōk (bliss point)” me ej tōl en̄jake ko ad im chemical ko an ānbwin.

• Ej ekkā n̄an ļon̄tak kōn technology, im jej jelm̧ae science, brian chemical ko, im jikin pejnej kiiō rekijon̄ n̄an itok limo eo ad.

• Jemaron̄ kōjbwebweik technology eo ad kōn kajjitōk ippād make kajjitōk ko ewōr meļeļeier, kōm̧m̧ane juon karōk, im bōjrak n̄e emenin aikuj.

• Jeļā kōn jekjek eo jej bōke im ejaake jikin ko ejjeļo̧k kōjerbal technology ilo m̧ōko im̧ōd maron̄ barāinwōt jipan̄ kōj anjo̧ ioon “jon̄an dettan iiōk (bliss point)” an technology.

• Matu 26:41

• Kom̧win ekil im jar, bwe kom̧win jab deļo̧n̄ ilo kapo: A e kōņaan, An e kōņaan, a kanniōk e m̧ōjņo̧.

Kile ia ko n̄an kōm̧m̧an jon̄an kōjerbal technology rej menin aikuj im bōk bun̄tōn ko n̄an anjo̧ ioon kapo eo an ļap kōjerbal ak kakkure eo n̄an ejaake juon kōtaan eo ewāmourur ippān technology n̄an kōj make im baam̧le ko ad. Keememej, jej bōk eddo in ad kōjerbal technology, ejjab kōjbwebweik kōj.

IV. Bōk Eddo in Technology

A. Jibadbad eo: ļōmņak wōt in kōjerbal technology n̄an katak im ejaak.

• Kolosse 3:23

• Jabdewōt men eo kom̧ij kōm̧m̧ane, kom̧win kōm̧m̧ane kōn bōro, āinwōt n̄an Irooj, im jab n̄an armej.

• Kajjitōk ippām make kajjitōk ko āinwōt “Etke ij kōjerbal device eo aō kiiō?” im “Em̧m̧an ke aō en̄jake kōn ta eo ij kōm̧m̧ane?”

Kom̧ maron̄ ļōmņak wōt in kōjerbal technology n̄an em̧m̧an kōn jilkinļo̧k juon ennaan em̧m̧an, ron̄jake al ko reieem̧m̧an, im ejaake kobban makūtkūt ko am̧ make. Ta wāween ko jet kom̧ maron̄ kōjerbal technology n̄an jibadbad ko rem̧m̧an?

B. Karōk: Karōk m̧oktaļo̧k n̄an kāālet ko rem̧m̧anļo̧k.

• Jabōn Kōnnaan Ko 16:3

• Kwōn likūt jerbal ko am̧ ņa ippān Jeova, im pepe ko am̧ renaaj pen.

• Kajjitōk ippām make kajjitōk ko āinwōt “Ta karōk eo aō n̄an kōjerbal device eo aō?” im “Ta kakōļļe eo ij kwaļo̧k n̄an Anij kōn ekōjkan aō kōjerbal iien eo aō?”

Kom̧ maron̄ ļōmņak wōt in kōjerbal technology kōn kōm̧m̧an bwe en wōr juon jon̄an eo n̄an kōjerbal device eo nejūm aolep raan, ļoore kōnono wōt ippān baam̧le im ro m̧ōttam̧, en wōr jikin ko ejjeļo̧k kōjerbal device ilo m̧weo, kōm̧m̧ane juon jikin n̄an an baam̧le eo jaaje aolep device ko, im kōjerbal juon kein karreeoik jān website ko renana. Ta wāween ko jet kom̧ maron̄ karōk m̧oktaļo̧k n̄an kōm̧m̧an kāālet ko rem̧m̧anļo̧k n̄e kōjerbal technology?

C. Bōjrak: Bōk jidik iien kakkije n̄e aikuj.

• Sam Ko 46:10

• Ikōn̄ wōt, im jeļā ke N̄a Anij.

• Kajjitōk ippam̧ kajjitōk ko āinwōt “Ij ke joļo̧k m̧ōņōkjān eo ijeļā ejjab jim̧we ak eļap tokjān?” im “Ij ke en̄jake an Jetōb eo ilo̧k”

Kom̧ maron̄ ļōmņak wōt in kōjerbal technology kōn likūt device eo nejūm̧ im etal jān e, jar kōn kōkajoor, im kōnono ippān juon. Ebar wōr ke wāween kom̧ maron̄ kōjparok kom̧ make n̄e kōjerbal technology?

V. Iien Ekōnono an Kumi:

Kajjitōk kajjitōk kein im ekōnono kaki ippān kumi eo kōn en̄jake ko im bōk eddo in kōjerbal technology.

1. Ta kapan̄pan̄ ko reļļap tata kom̧wij jelm̧ae ilo kōtōbalbal technology ilo m̧weo im̧ōmi?

2. Ekōjkan ami en̄jake n̄e kom̧wij kōjerbal technology ium̧win juon iien aitok?

3. Ekōjkan ami jeļā n̄āāt eo ej iien bōjrak?

4. Ekōjkan an social media jelet lōke eo am̧ make im en̄jake an ekkejel ippān ro jet?

5. Ta jet iaan wāween ko kom̧ maron̄ kōjerbal technology n̄an jelet ilo em̧m̧an ājmour in kōļmenļo̧kjeņ eo ami?

6. Ekōjkan ami pālene katak ko ami ilo jikuuļ im kōjerbal technology? Ta m̧ōņōkjān ko raar jerbal n̄an kom̧ jem̧aanļo̧k?

7. Ta jet iaan kauwōtata ko rej koba ippān kōjerbal technology, (ko āinwōt cyberbully (naan in kōmetak ko online) ak an̄ūrlep)? Ekōjkan ami maron̄ kōjparok kom̧ make jān kauwōtata ko?

8. Ekōjkan ami maron̄ kōjerbal technology n̄an katak kapeel ko rekāāl ak pukōt itok limo ko ami ijello̧kin baj lali men ko kobban?

9. Ekōjkan ad ekōnono ippān ro jined im jemād ak ro rej bōk eddoid kōn ami kōjerbal technology? Ekōjkan aer jipan̄ kom̧ ejaaki kakien ko?

10. Ta jet iaan m̧ōņōkjān ko n̄an bōk eddo in kōjerbal technology, ko āinwōt jab kōm̧m̧an elōn̄ļo̧k jān juon jerbal ak kōm̧m̧ani jon̄an iien ko?

11. Ta jet iaan wāween ko kom̧ maron̄ kōjerbal technology n̄an kobaļo̧k ippān ro jet ilo juon wāween eļap meļeļe in, ko āinwōt bōk koņami ilo jerbal ko ilo online an jukjuk in pād ko ak rie jerbal ko kom̧wij kea kaki?

VI. Jem̧ļo̧kin

Āinwōt rikaļoor ro an Jisōs Kraist, kar kūr kōj n̄an kōjerbal technology kōn jibadbad eo im em̧m̧an eo an. Ilo an technology lōn̄ an em̧m̧an ko, ej barāinwōt wōr an nana ko, ko āinwōt iien ko im wujlepļo̧k eo ad. Jej aikuj in ļōmņak kōn “jon̄an dettan iiōk (bliss point)” eo an technology im kōjbwebweik technology eo ad kōn kajjitōk kajjitōk ko ewōr tokjāer, kōm̧m̧ane juon karōk, im ļōmņak kōn men ko kobban jej lali. Jān bōk eddo in ekōjkan ad kōjerbal technology, jemaron̄ kōjerbale ilo juon wāween me ej kautiej Anij im ej bōkļo̧k kōj im ro jet epaakeļo̧k E.