Katak an Rūtto: Katak in Kaminene n̄an Pāāren ro kōn Technology
I. Kadkad In
Āinwōt ro jinen im jemān, jekōņaan ijo em̧m̧an tata n̄an ajri ro nejid, im bwe ekitbuuj katakin er ekōjkan etale ilo ejjeļo̧k jorrāān digital ko. Ilo katak in, jenaaj ekōnono kōn ekōjkan ad maron̄ jipan̄ ajri ro kōjbwebweik aer kōjerbal technology bwe en jab kōjbwebweik er. Jenaaj katak kilen kaminene ko im men ko me remaron̄ jipan̄ ilo tōl ajri ro n̄an kōjerbal technology ilo ļōmņak im em̧m̧an.
II. Em̧m̧an ko im Nana ko an Technology
Em̧m̧an ko
-
Kabun̄ in ej kōjerbal technology n̄an ekōnono ilo aolepān laļ in im kajeeded gospel eo.
-
Technology ej kōm̧m̧an bwe jen deblo̧ke jeļā eo an aolep ilo laļ in im maron̄ deļo̧n̄ ilo bōjo̧ eo ad.
Nana ko
-
Nana eo an technology ej iien eo ad im m̧ad eo ad, ak nanaļo̧k, jerwaane iien eo em̧m̧an im kōjeraam̧m̧an ko.
-
Eļan̄n̄e jejjab mejmej karuo, jemaron̄ jerwane men eo aorōk kōn juon men eo ejjeļo̧k tokjān n̄an kalimjōk eo ad, ak em̧ool kōjaaļļo̧k kōj jān bujen ko im aorōk ko ad.
-
Āliktata, ro jatū, jabdewōt men ko re ṃool, jabdewōt men ko re jiṃwe, jabdewōt men ko re wānōk, jabdewōt men ko re kwōjarjar, jabdewōt men ko re wōlbo, jabdewōt men ko eṃṃan aer buñbuñ; eḷaññe ewor eṃṃan, im eḷaññe ewor nōbar, koṃwin ḷōmṇak kōn men kein
III. Idajon̄jon̄ ko an Technology
Rietale ro (researcher), science, im design kar katak m̧ōņakjen ko an jipan̄ armej leļo̧k aer n̄an aitokļo̧k in iien ko im en̄jake m̧ōņōņō. Ej āinļo̧k wōt jikin kōm̧m̧an m̧ōn̄ā. Science ekar jipan̄ pejnej engineer in m̧ōn̄ā ko n̄an tōpar “kein kam̧ōņōņō (bliss point),” ak dettan eo n̄e edjon̄ m̧ōn̄ā ko rekanooj in kam̧ōņōņō. Ej ke am̧ bōd bwe aolep iien kwōj āinwōt kōņaan eļapļo̧k?
Ekwe, aaet … im jaab. Technology ewōr an make kein kam̧ōņōņō (bliss point),” im ej tōl en̄jake ko ad im chemical ko an ānbwin n̄an dāpiji. Kwoj ke jorrāān eļan̄n̄e kwoj loe epen n̄an kabōjrak kōjerbal technology? Kwoj ke baj m̧ōjņo ilo jetōb? Jaab. Lem̧ōņōņō ilo kōjerbal technology ejjab nana, bōtaab kōjbwebweik ad kōjerbal technology emaron̄ juon apan̄ m̧ool. Kwoj jelm̧ae juon idajon̄jon̄ ņae science, brian chemical ko, im pejnej kiiō rekijon̄ n̄an itok limo eo ad—im ejjab juon jiāe em̧m̧an.
Ej aorōk n̄an kile bwe rūtto ro remaron̄ apan̄ kōn technology ejja jon̄an wōt n̄an ajri ro. Jemaron̄ barāinwōt ļaan wōtwōt n̄an “kein kam̧ōņōņō (bliss point)” an technology im jon̄an dettan awa eo, ejja āinwōt jodikdik ro im ajri ro.
“Kein Kam̧ōņōņō (bliss point)” an Technology
-
Technology ej juon kein jerbal me ej letok n̄an kōj n̄an tōļon̄e jeļāļo̧kjeņ eo an aolep ilo laļ in im maron̄ kōjerbale n̄an em̧m̧an.
-
An ļapļo̧k ad leļo̧k ad n̄an technology, eļapļo̧k kōļļāik ro rej kōm̧m̧an technology.
-
Rietale (researcher) ro im disigner ro rej kōjerbal technology ko n̄an kōm̧m̧an bwe jen bōk wōt kuņaad im bun̄ būruwōd kōn technology, ejja ainļo̧k wōt “kein kam̧ōņōņō (bliss point)” an jikin kōm̧m̧an (industry) m̧ōn̄ā.
-
Jemedwōj Ilan̄ im ad Rilo̧mo̧o̧r rej meļeļe kōn apan̄ ko ad ippān technology im naaj kōkajoorļo̧k kōj.
-
Im em̧ōj An ba n̄an eō, Aō jouj e bwe n̄an eok: bwe Aō kajoor e weeppānļo̧k ilo m̧ōjņo̧. Innām inaaj kanooj m̧ōņōņō in kōmmejāje kōn m̧ōjņo̧ ko aō, bwe kajoor an Kraist en pād ioō.
Anjo̧ Ioon “Kein Kam̧ōņōņō (Bliss Point) eo”
-
Kile bwe technology ewōr an make “kein kam̧ōņōņō (bliss point)” me ej tōl en̄jake ko ad im chemical ko an ānbwin.
-
Ekkā n̄an apan̄ kōn technology Jej jelm̧ae juon idajon̄jon̄ ņae science, brian chemical ko, im pejnej ko kiiō rekijon̄ n̄an itok limo eo ad.
-
Jemaron̄ kōjbwebweik technology eo ad kōn kajjitōk ippād make kajjitōk ko ewōr meļeļeier, kōm̧m̧ane juon karōk, im bōjrak n̄e emenin aikuj.
-
Jeļā kōn jekjek eo jej bōke im ejake jikin ko ejjeļo̧k kōjerbal technology ilo m̧ōko im̧ōd maron̄ barāinwōt jipan̄ kōj anjo̧ ioon “kein kam̧ōņōņō (bliss point)” an technology.
-
Kom̧win ekil im jar, bwe kom̧win jab deļo̧n̄ ilo kapo: A e kōņaan, An e kōņaan, a kanniōk e m̧ōjņo̧.
Āinwōt pāāren ro, jemaron̄ kōm̧m̧ane juon waanjon̄ok n̄an ajri ro nejid kōn ad jeļā kilen kōjerbal technology eo ad make. Kile ia ko n̄an kōm̧m̧an jon̄an kōjerbal technology rej menin aikuj im bōk bun̄tōn ko n̄an anjo̧ ioon kapo eo an ļap kōjerbal ak kakkure eo n̄an ejaake juon kōtaan eo ewāmourur ippān technology n̄an kōj make im baam̧le ko ad. Keememej, jej bōk eddo in ad kōjerbal technology, ejjab kōjbwebweik kōj.
IV. Bōk Eddo in Technology
A. Jibadbad eo: ļōmņak wōt in kōjerbal technology n̄an katak im ejaak.
-
Jabdewōt men eo kom̧ij kōm̧m̧ane, kom̧win kōm̧m̧ane kōn bōro, āinwōt n̄an Irooj, im jab n̄an armej.
-
Kajjitōk ippām make kajjitōk ko āinwōt “Etke ij kōjerbal device eo aō kiiō?” im “Em̧m̧an ke aō en̄jake kōn ta eo ij kōm̧m̧ane?”
Elmakot in kōmālmel ko n̄an ļōmņak wōt in kōjerbal technogy ekoba jilinļo̧k juon ennaan em̧m̧an, ron̄jake al ko raenōm̧m̧an, im ejake ļamļam eo am̧ make. Ta ko maron̄ kōjerbal n̄ane kwoj maron̄ kwaļo̧k?
B. Karōk eo: Karōk m̧oktaļo̧k n̄an kāālet ko rem̧m̧anļo̧k.
-
Kwōn likūt jerbal ko am̧ ņa ippān Jeova, im pepe ko am̧ renaaj pen.
-
Kajjitōk ippām make kajjitōk ko āinwōt “Ta karōk eo aō n̄an kōjerbal device eo aō?” im “Ta kakōļļe eo ij kwaļo̧k n̄an Anij kōn ekōjkan aō kōjerbal iien eo aō?”
Elmakot in kōmālmel ko n̄an karōk m̧oktaļo̧k n̄an kāālet ko rem̧m̧anļo̧k ekitbuuj lewaj n̄an eok make juon dettan iien kōjerbal device eo raan otemjej, ļoor im kōnono wōt ippān baam̧le im ro m̧ōttam̧, en wōr jikin ko ejjeļo̧k kōjerbal device ilo m̧weo, kōm̧m̧ane juon jikin an baam̧le eo jaaje device ko, im kōjerbal juon kein karreeoik jān website ko renana. Ta ļamļam ko jet maron̄ jipan̄ eok im ajri ro nejūm̧ kōm̧m̧ani kāālet ko rem̧m̧anļo̧k ikkijien kōjerbal technology?
C. Bōjrak: Bōk jidik iien kakkije n̄e aikuj.
-
Kom̧win pād wōt, im jeļā bwe N̄a Anij.
-
Kajjitōk ippam̧ kajjitōk ko āinwōt “Ij ke joļo̧k m̧ōņōkjān eo ijeļā ejjab jim̧we ak eļap tokjān?” im “Ij ke en̄jake an Jetōb eo ilo̧k”
Elmakot in kōmālmel ko n̄an leļo̧k juon kakkije jān techogy ekitbuuj door device eo am̧ im etal jān e, jar kōn kōkajoor, im kōnono ippān juon. Ekōjkan an baam̧le eo am̧ bōk jidik iien kakkije jān technology n̄e aikuj?
V. Iien Ekōnono an Kumi
Kiiō ke ededeļo̧k ad kōnono kake jet m̧ōņōkjān kōmālmel ko n̄an bōk eddo in kōjerbal technology, jen jino iien ekōnono eo n̄an kumi eo. Ikōņaan ron̄ jān aolepāmi wōj kōn en̄jake ko ami kōn technology im ekōjkan ami kōtōbalbal e ilo mour ko ami
-
Ta kapan̄pan̄ ko reļļap tata kom̧ij jelm̧ae ilo kōtōbalbal technology ilo m̧weo im̧ōmi?
-
Ta aorōk ko kom̧wij kōņaan katōke ilo ajri ro nejimi n̄e ej itok n̄an kōjerbal technology?
-
Ekōjkan an technology jelet jemjerā ko im kile kōnono an baam̧le eo ami?
-
Ilo wāween ta ko kom̧wij kōjerbal technology āinwōt juon baam̧le? Ekōjan an kōjeraam̧m̧an ak kadikļo̧k jān iien eo em̧m̧an ami ippān doon?
-
Ekōjkan ami maron̄ kōjjepan jeraam̧m̧an ko im nana ko an kōjerbal technology ilo mour eo an baam̧le eo ami?
-
Ta jerbal eo kom̧wij lo an technology ej jerbal ilo jeļāļo̧kjeņ eo an ajri eo nejimi? Ekōjkan ami kanooj lale bwe ren kōjerbale ilo jejjet?
-
Ekōjkan an technology jelet ājmour in kōļmenļo̧kjeņ an ajri eo nejimi? Ta bun̄tōn ko kom̧wij bōke n̄an kadikļo̧k jabdewōt jelet ko renana?
-
Ta kakien ko rejetjet ewōr ippāmi kōn kōjerbal technology ilo m̧weo m̧ōmi? Kom̧wij ke kakijin̄en̄eik er?
-
Ekōjkan ami ļōme eddo in kōjerbal technology n̄an ajri ro nejimi?
-
Ta kein jipan̄ ko ak rie eo kom̧wij aikuji n̄an kōjbwebweik technology ilo m̧weo m̧ōmi ilo jejjet?
-
Ekōjkan an technology kar jelet jemjerā eo aō ippān ajri ro nejū?
-
Ta jet iaan kauwōtata ko rej koba ippān kōjerbal technology ilo m̧weo? Ekōjkan ami maron̄ kadikļo̧k kauwōtata ko?
-
Ta aorōk ko kom̧wij kōņaan n̄an katōk ilo ajri ro nejimi ilo kōjerbal technology? Ekōjkan ami maron̄ ļōme aorōk ko kōn kom̧ make?
-
Ekōjkan ami ejake juon karōk kōn technology n̄an baam̧le eo ami me ebwe an meļak n̄an akjokwe oktak ko im apan̄ ko, bōtaab ej letok wōt ļam eo im kakien ko?
-
Ekōjkan ami maron̄ kōjerbal technology āinwōt juon kein jerbal n̄an kōkkōm̧anm̧an katak im eddōkļo̧k eo an ajri ro nejimi ijello̧kin juon baj unjen kalimomo ak kōm̧ad?
VI. Emakot ko n̄an Katakin kōn Kōjerbal Technology ilo M̧weo
Jino kōn ekōnono kōn jerbal eo an technology ej kōm̧m̧ane ilo mour ko ad im ekōjkan an maron̄ jelet m̧wil im en̄jake ko.
A. Kōmeļeļeik aorōk eo an bōk eddo in technology
Kwaļo̧k ekōjkan an technology maron̄ in erom juon kein jerbal n̄an em̧m̧an, bōtaab emaron̄ in barāinwōt erom juon jorrāān n̄e ej kōjbwebweik kōj. Kōmeļeļeik bwe ej aorōk n̄an bōk eddo in technology bwe en jab kōjbwebweik kōj.
B. Katakin elmakot in kōmālmel ko n̄an bōk eddo in technology
Etale kajjojo elmakot ko n̄an bōk eddo in technology kar kōllaajraki ilo kakeememej ko (jibadbad, karōk im bōjrak). Kōmeļeļeik ekōjkan an kajjojo elmakot maron̄ jipan̄ er kōjbwebweik kōjerbal technology.
C. Ļōmņak kōn wāween ko n̄an kōjerbal pedped in katak ko ilo m̧weo.
Ekōnono kōn ļamļam ko rooktak me technology emaron̄ in erom juon jorrāān, ko āinwōt jolo̧k ekanooj ļap iien ilo social media ak ikkure video game ko ium̧win awa ko n̄an jem̧ļo̧kin.
Ļōmņak kōn wāween ko n̄an kōjerbal pedped in katak ko an bōk eddo in technology ilo ļamļam kein, ko āinwōt kōm̧m̧an jon̄an raan otemjej, ejake jikin ko ejjeļo̧k device ko ie, ak bōk jidik iien kakkije n̄e aikuj.
D. Kōketak jab idādiki ekōnono im bōk eddo in
Kōmeļeļeik bwe ej aorōk n̄an peļļo̧k ilo kōnono kōn kōjerbal technology ilo baam̧le eo im kōm̧m̧an bwe kajjojo en lolorjake bōk eddo in kōjerbal technology.
Kōm̧m̧ani kōtmene ko im unin tōl ko kōn kōjerbal technology ilo m̧weo im kōketak aolep n̄an jerbal ippān doon n̄an ļoori.
E. Bar etale im lale (check-in)
Bar etale ippān ajri ro nejimi jān iien n̄an iien n̄an lale ekōjkan aer pād ilo bōk eddo in technology. Kōketak er n̄an kajjitōk n̄an jipan̄ eļan̄n̄e rej aikuji im kwon m̧ōņōņō in leļo̧k rie eo im tōl eo n̄e aikuj.
F. Lōme ājmour in kōjerbal technology
Kōmeļeļeik aorōk eo an eddo eo an pāāren ro rej kōm̧m̧ane ilo ļōme ājmour in kōjerbal technology. Menin ej meļeļe in ekkōl kōn aer make kōjerbal technology im kōm̧m̧ane juon waanjon̄ok em̧m̧an. Pāāren ro remaron̄ kwaļo̧k n̄an ajri ro bwe remaron̄ lem̧ōņōņō kōn technology ilo an jab kōjbwebweik mour ko aer im kōjerbal kein jerbal ko raan kein emaron̄ kajokkunwōt juon ippān m̧akūtkūt ko jet raorōk im jemjerā ko.
G. Kōjerbal wāween kakijin̄en̄eikļo̧k em̧m̧an
Ekōnono kōn ekōjkan an wāween kakijin̄en̄eikļo̧k em̧m̧an maron̄ kōjerbale n̄an ejake im kōkajoorļo̧k iminene im m̧wil ko rem̧m̧an. N̄e ajri ro rej kōm̧m̧ani kijejeto ko n̄an bōk eddo in kōjerbal technology im kōjerbale ilo bōk eddo in, ej aorōk n̄an nebar im kōketak er.
H. Kōm̧m̧ane bwe en juon an baam̧le jerbal
Kōketak aolep ilo baam̧le eo n̄an jerbal ippān doon n̄an ejaake juon jemjerā ājmour ippān technology. Bōk eddo in technology ejjab baj an kajjojo kijejeto, ak ej juon kijejeto an baam̧ļe. Menin emaron̄ koba kōm̧m̧ani kien ko an baam̧ļe im dettan ko an ilo kōjerbal technology, pukot m̧akūtkūt ko jet n̄an kōm̧m̧ane āinwōt juon baam̧le, im jab idādik im m̧ool ilo kōnono kōn apan̄ ko im tōprak ko an kōjerbal ilo bōk eddo in technology.
I. Kōmmaanwa im meļeļe
Karōk ippān pāāren ro ekōjkan aer maron̄ ukōt iminene ko im m̧wil ko ilo kōjerbal technology. Jipan̄ er meļeļe bwe menin enaaj bōk iien im kijejeto. Ej aorōk n̄an kijenmej im meļeļe ilo an ajri ro jerbal n̄an bōk eddo in aer kōjerbal technology. Remaron̄ letok rie im tōl aolep iien, im kam̧m̧oolol kōn anjo̧ ko reddik ilo an ajri ro kōm̧m̧an eddōkļo̧k n̄an juon jemjerā eo ājmourļo̧k ippān technology.
VII. Jem̧ļo̧kin
Technology ej juon kein jerbal ekabwilōn̄lōn̄, bōtaab emaron̄ barāinwōt juon eddo n̄e jejjab kōjerbale ilo jibadbad eo an. Kōn bōk eddo in kōjerbal technology im tōl ajri ro n̄an kōm̧m̧ane ejja wōt, jemaron̄ kanooj lale bwe en jab kōjbwebweik kōj. Keememej n̄an kōjerbal technology ilo wōr tokjān n̄an katak im ejaak, karōk m̧okta n̄an kāālet ko rem̧m̧anļo̧k, im bōk jidik iien n̄an kakkije n̄e aikuj. Jen barāinwōt keememej eoon ko me rej kōketak kōj n̄an kalimjōk men ko me rem̧ool, m̧ool, jetjet, erreo, em̧m̧an, im em̧m̧an peļļo̧kin. Ilo ad kōm̧m̧an āindein, jemaron̄ jipan̄ ajri ro kōjerbal technology ilo ejjeļo̧k jorrāān im em̧m̧an.