Karōk

N̄e ij kōm̧m̧an karōk m̧okta, em̧m̧an aō en̄jake im kōm̧m̧ani kāālet ko rem̧m̧an.

Ikōņaan kōjan̄jan̄ kūta, im eļap an em̧m̧an aō kōjan̄jan̄. Jabdewōt iien ewōr juon iien aō kōjan̄jan̄ ej tōn kōm̧m̧an, ijeļā bwe ij aikuj in kōmālmel im kōm̧m̧an karōk m̧okta. Ejja āinwōt ippān technology: n̄e ij kōm̧m̧an karōk m̧oktaļo̧k, em̧m̧anļo̧k aō en̄jake im kōm̧m̧ani kāālet ko rem̧m̧anļo̧k.

Ekar wōr jet kakien ko repidodo me rejipan̄ eō ļoor wōt karōk eo aō:

• Ij kōm̧m̧an jon̄an aō alooj pija ilo taļboon eo.

• Ij “ļoor” wōt im kōnono ippān baam̧ļe ak ro m̧ōtta repaak.

• Ewōr jikin ko ilo m̧weo im̧ō ijjab kōjerbal device ko ie, āinwōt ruum̧ in kiki eo aō im im̧ōn kōpojak eo.

• Ij kōm̧m̧ane juon jikin an baam̧le kōjerbal talboon im intōrnet eo, bwe aolep device ko an aolep ren plug ie im ettoļo̧k jān tōpari ilo bon̄.

• Ij kōjerbal kein karreo ko n̄an pinej application ko im men ko kobban rejjab jetjet im em̧m̧an.

Ejjeļo̧k juon jokāālet alikkar ejim̧we ak ebōd n̄an aolep kāālet imaron̄ kōm̧m̧ane kōn technology. Bōtaab kōm̧m̧an karōk m̧oktaļo̧k ejipan̄. Im imaron̄ kōnono n̄an ro m̧ōtta im baam̧le eo kōn lōmņak ko aer barāinwōt.

N̄an Kōkajoorļo̧k Jodikdik ro: Juon Unin Tōl n̄an Kōm̧m̧ani Kāālet ko