Pule i le Ola
Ua Ou Popole Nei O’u Faatiga ia te A’u Lava. E Faapefea Ona Ou Saogalemu Pea?

“Ua Ou Popole Nei O’u Faatiga ia te A’u Lava. E Mafai Faapefea Ona Ou Saogalemu Pea?“ O Mafaufauga e Pule i le Ola (2018).

“Ua Ou Popole Nei O’u Faatiga ia te A’u Lava, O Mafaufauga e Pule i le Ola.

Ua Ou Popole Nei O’u Faatiga ia te A’u Lava. E Mafai Faapefea Ona Ou Saogalemu Pea?

Afai ua e aafia i se faalavelave ma ua e mafaufau atonu o le a e faatiga ia te oe lava, sue vave loa lava se fesoasoani. Valaau se laina fesoasoani vilifua mo faalavelave faafuasei i lau eria.

Afai e te leo i ai i se faalavelave faafuasei, talanoa i se tasi e te talitonuina, e pei o se tagata o le aiga, uo, epikopo, po o se tausi soifua faapolofesa. O le faasoa atu o ou mafaufauga i se tasi e mafai ai ona faamāmāina le tele o le mamafa o le avega. Aua e te faatagaina lagona o le maasiasi, fefe, po o le faalumaina e taofia ai oe. O ni manatu faaopoopo nei e ono fesoasoani ia te oe.

  • Fatufatuai se fuafuaga saogalemu. E mafai ona fesoasoani se fuafuaga saogalemu ia te oe e iloa ai ou malosiaga patino, sootaga lelei, ma tomai ua’i maloloina ia e mafai ona e faaaogaina i le taimi o se faalavelave (tagai “O Le Ala e Fatu ai se Fuafuaga Saogalemu Mai le Pule i le Ola,” Doug Thomas, Liahona, Sete. 2016, 63).

  • Faatulaga ni sini laiti. I afiafi taitasi, tusi i lalo ia le itiiti ifo ma le tasi se faatinoga po o se sini e mafai ona e ausia i le aso e sosoo ai. Ia faia ia faigofie ma mafai ona ausia nei faatinoga. O le faatutuina o sini laiti ma galue agai i ai, e mafai ona fesoasoani ia te oe ia maua se lagona pe a foliga mai ua le mafai ona faafoeina mea uma.

  • Faatuatua i le Faaola. Ia manatua o loo i ai iinei Iesu Keriso mo oe (tagai Alema 7:11–13). E sili atu le atoatoa o le malamalama o Ia i le tiga o loo feagai ma oe nai lo le mea e mafai ona e mafaufauina. Faaalia lou naunautai e faatuatuaina o Ia e ala i taga e fai e pei o le tootuli e tatalo, talosagaina o se faamanuiaga faaleperisitua, ma talanoa i lou epikoo.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea o ni punaoa faaopoopo e fesoasoani ia te oe a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.