Pe Manaomia Moni Ona Ou Ta’u i Se Tasi O Loo Ou Mafaufau e uiga i le Pule i le Ola?

O mafaufauga e pule i le ola o se ata vaaia o toatuga faalemafaufau ma faalelagona, ae le o se vaivaiga o le tagata. E oo lava i tagata amiotonu, e pei o Paulo ma isi perofeta anamua, sa latou lagonaina le mamafatu ma sa i o’oo’oga o le faanoanoa (tagai Numera 11:14–15; 1 Tupu 19:4; Filipi 1:21–24). E le manaomia ona e tauaveina na o oe lenei mea.

Ua matou iloa e i ai le mana i le fefautuaai faatasi ma isi. Ina ua matua mafatia Mose, sa alu atu ia te ia le tamā o lana ava, o Ietero ma tuu atu ia te ia se fautuaga poto, ma faapea atu, “O le a matua tigaina oe, … aua e mafatia oe i lenei mea; e te le lava ona e faia toatasi” (Esoto 18:18). E faapena foi, pe a e talanoa i se tasi e te talitonuina e uiga i ou mafaufauga e pule i le ola, e mafai ona e maua le malosi, mapusaga, ma se vaaiga fou. Talitonu o le a taialaina e le Tama Faalelagi le tagata e te filifilia e te talanoa i ai.

E mafai foi ona e amataina le talanoaga i le talanoa e uiga i mea nei:

• O faapefea ou lagona i le taimi nei?

• O le a le umi talu ona e mafaufau i le pule i le ola?

• Na faapefea ona e uluai iloaina nei lagona?

• Pe oo mai ma toe mou atu nei lagona, pe faifai pea?

• Pe o inu ni au fualaau pe o e faaaogaina ni fualaau faasaina po o le ava malosi?

Afai e te le o mautinoa po o ai e te talanoa i ai, vili se laina fesoasoani e leai se totogi mo se lagolago. Asiasi i Befrienders Worldwide (befrienders.org), e sue ai se laina fesoasoani i la outou eria.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea o ni punaoa faaopoopo e fesoasoani ia te oe a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• Mosaea 18:8.

• “Understanding Suicide,” New Era, Sete. 2016, 36–37.

• “When to see a doctor,” i le “Suicide and Suicidal Thoughts,” Mayo Clinic.