Ko e Faingamālie ki Hono Vahevahe ʻo e Ongoongoleleí
“ʻOku fiemaʻu lahi ange e ongoongolelei ʻo Sīsū Kalaisí ʻi he ʻahó ni ʻi ha toe taimi kimuʻa” (Russell M. Nelson, “Malangaʻi e Ongoongolelei ʻo e Melinó,” Liahona, Mē 2022, 6).
ʻI hoʻo hoko ko ha taki ʻi Hono Siasí, ʻokú ke maʻu ʻa e faingamālie ke ngāue fakataha mo e ʻEikí ʻi hono fakamafola ʻo ʻEne ongoongoleleí ʻi he funga ʻo e māmaní (vakai Mātiu 24:14).
“Ko ʻetau taumuʻa taupotu taha ʻi hono vahevahe ʻo e ongoongoleleí ke tokoniʻi e fānau ʻa e Tamai Hēvaní ke nau haʻisia ki he Fakamoʻuí ʻaki hono maʻu e ngaahi ouaú mo fakahoko mo tauhi e ngaahi fuakavá kae lava ke nau maʻu e moʻui taʻengatá” (David A. Bednar, ʻi he 2022 Sharing the Gospel: A Broadcast for Leaders, June 25, 2022, ChurchofJesusChrist.org). ʻI hono ngāueʻi e ngaahi tefitoʻi moʻoni ʻo e “ʻofa, vahevahe, mo e fakaafé” te ke iku ai mo e niʻihi ʻokú ke tokoniʻí ki ha ngaahi founga angamaheni mo fakanatula ʻe maʻu ai ha fiefia mo ha fakalakalaka ʻi he ngāue maʻongoʻonga ko ʻení.
Naʻe palōmesi mai ʻe Palesiteni Lāsolo M. Nalesoni, “ʻE nāunauʻia ʻa e kahaʻú maʻanautolu ʻoku mateuteu mo hokohoko atu ʻa e teuteu ke hoko ko ha ngaahi meʻangāue ʻi he toʻukupu ʻo e ʻEikí” (“Talitali Lelei ʻa e Kahaʻú ʻi he Tui,” Liahona, Nōvema 2020, 76). ʻI hoʻo feinga ke tataki ʻi he founga ʻa e Fakamoʻuí, ʻe lava ke tokoni atu ʻa e Tohi Tuʻutuʻuni Fakakātoá mo e ngaahi maʻuʻanga tokoni kehé ke ke maheni ai mo e tataki fakahinohino fakaepalōfita ke ʻofa, vahevahe, mo fakaafé.
“Ko Hono Vahevahe ʻo e Ongoongoleleí mo Hono Fakamālohia ʻo e Kāingalotu Foʻoú mo Foki Maí,” Tohi Tuʻutuʻuni Fakakātoa, vahe 23.
Ko Hono Vahevahe ʻo e Ngaahi Maʻuʻanga Tokoni ʻo e Ongoongoleleí
ʻE lava ke tokoni atu ʻa e ngaahi maʻuʻanga tokoni kuo lisi atu ʻi laló ke ke ʻiloʻi ʻa e ngaahi founga ke tokoniʻi ai e kāingalotu ʻo e Siasí ke nau vahevahe ʻa e ongoongoleleí ʻaki ʻenau ngāueʻi ʻa e ngaahi tefitoʻi moʻoni ʻo e “ʻofá, vahevahé, mo e fakaafé.”
Gary E. Stevenson, “ʻOfa, Vahevahe, Fakaafe,” Liahona, Mē 2022, 84–87
Marcus B. Nash, “Hiki Hake Hoʻomou Māmá,” Liahona, Nōvema 2021, 71–73
Ko Hono Vahevahe ʻo e Ongoongoleleí: Ngaahi Tefitoʻi Moʻoni ʻo e ʻOfá, Vahevahé, mo e Fakaafé
Founga ke Kamata Ai Hono Vahevahe ʻo e Ngaahi Maʻuʻanga Tokoni ʻa e Siasí
Ngaahi Meʻa Lalahi ʻi he Fakamafola ʻo Hono Vahevahe ʻo e Ongoongoleleí
2022 Vahevahe ʻo e Ongoongoleleí: Ko ha Fakamafola maʻá e kau Takí
Russell M. Nelson, “Malangaʻi e Ongoongolelei ʻo e Melinó,” Liahona, Mē 2022, 6–7