O Le Lototoa ae Le o le Faafiamalosi

Faamatala

Ta’u i le vasega na aoao atu le Aposetolo o Paulo ma le lototele, talitonuga maumaututu, ma le lototoa, ma tautino atu, “Ou te le ma i le talalelei a Keriso” (Roma 1:16). Na fautuaina e Alema lona atalii o Sepulona e “faaaoga le lotoa, ae le o le faafiamalosi” (Alema 38:12). O le mulimuli i le faataitaiga a Iesu Keriso ma uunaiga a le Agaga Paia e mafai ona fesoasoani ia i tatou ia lototoa talafeagai e aunoa ma le soona faafiamalosi.

Faaali atu ma faitau leotele lapataiga nei:

• Tatou te soona ta‘u atu pe a tatou tautino atu le malamalama e sili atu nai lo mea ua faaalia mai e le Alii e ala mai i perofeta anamua ma aso nei. E faapena foi, e le tatau ona tatou faaupuina o tatou manatu e pei o ni mea moni po o ni aoaoga faavae. E le lava ona [tatou] ta‘u atu pe a tatou tuuina atu upumoni autu o le talalelei i auala e le manino, le mautonu, pe le mautinoa. E tatau ona tatou naunau e tutu atu mo mea ua tatou iloa e moni.

• Ua tatou tamau pe a tatou faailoa atu o tatou manatu e pei o ni mea moni e le mafai ona finauina ma le mafai ona masalomia pe a leai ni tali manino. Tatou te matamuli pe a tatou le tutu atu mo mea ua tatou iloa e moni.

• Afai tatou te le iloa se tali i se fesili, o le tali sili lava o le fai atu “Ou te le o iloa,” po o le “Lelei le fesili; se’i o tatou aoao atili faatasi e uiga i lena mea.”

Faataitaiga

Ina ia faataitai lenei tomai, mafaufau e faaaoga se tasi o faataitaiga nei po o sau lava faataitaiga. Toe iloilo koluma muamua e lua o loo i le siata lenei faatasi ma tagata aoga e fesoasoani ai ia i latou e vaai i faafitauli i le soona ta’u atu po o le manatu faatauvaa. Ona faaaoga lea o le koluma “Toefaaupu” e faapupula ai pe faapefea ona tatou faia le faamatalaga ia lototoa ae le o le faafiamalosi.

Aoaoga Faaletusitusiga Paia	Faamatalaga o Le Faafitauli	Toefaaupu
Aoaoga Faaletusitusiga Paia E saunoa ma aoao atu e perofeta upu e tuuina atu e le Alii ia i latou (tagai i le Ieremia 1:7–9; Mataupu Faavae ma Feagaiga 21:4–5).	Faamatalaga o Le Faafitauli “Ua i ai i taitai o le Ekalesia le pule paia, ma po o le a lava le mea na latou fai mai ai o le aoaoga faavae aloaia lea mo le Ekalesia.” (O le vaega mulimuli o lenei saunoaga o se faataitaiga o le tamau ma le soona faasoa. Pe a tatou soona tali atu, e mafai ona tatou fatuina ni faamoemoega lē moni mo i tatou lava ma isi.)	Toefaaupu Ua i ai i taitai o le Ekalesia le pule paia, ma a latou saunoa i le tofi o lo latou valaauga i lalo o le uunaiga a le Agaga Paia, e mafai ona tatou aoaoina le mafaufau ma le finagalo o le Alii (tagai Mataupu Faavae ma Feagaiga 68:3–4; 2 Peteru 1:21). Peitai, e le o mea uma na ta‘ua e taitai ua mavae po o taitai o le Ekalesia o loo i ai nei ua ta’ua o “aoaoga faavae aloaia” mo le Ekalesia. O la tatou aoaoga faavae e le o maua i nisi o faamatalaga faanenefu pe tutoatasi. Ae, o aoaoga faavae o le Ekalesia e le aunoa ona aoao atu e uso uma o le Au Peresitene Sili ma le Korama a Aposetolo e Toasefululua (tagai “How can I know if something I hear is ‘official doctrine’?,” New Era, Fep. 2017, 41).
Aoaoga Faaletusitusiga Paia O i latou o e suesue i le Tusi a Mamona ma tatalo e mafai ona maua se molimau mai le Agaga Paia e moni (tagai i le Moronae 10:3–5).	Faamatalaga o Le Faafitauli “Ou te talitonu e moni le Tusi a Mamona. O loo i ai ni aoaoga lelei, ae e tofu tagata uma ma a latou lava upumoni. O lea ou te le faapea atu ai e sili atu ona taua nai loo se isi lava tusi e mafai ona e faitauina.” (O lenei faamatalaga ua le lava ona ta‘u atu ai le taua ma le mana o le Tusi a Mamona. O loo faailoa ai le Tusi a Mamona i se ala matamuli .)	Toefaaupu O le Tusi a Mamona o le afioga a le Atua. Faatasi ai ma le Tusi Paia, o se molimau mamana ia Iesu Keriso ma o loo aoao mai ai upumoni e faavavau e mafai ona suia ai olaga. E mafai e soo se tasi ona iloa nei mea mo i latou lava e ala i le Agaga Paia e ala i le suesueina o le tusi ma ole atu i le Atua pe moni.

Faataitai

Filifili se fuaitau e faataitai ai mai le faitauga o tusitusiga paia o lenei vaiaso, pe filifili mai fuaitau o loo lisi atu i lalo. Valaaulia tagata aoga e suesue le fuaitau ma mafaufau pe mafai faapefea ona latou faaaogaina e aoao atu ai se tasi i se ala faa-Keriso e lototoa ae le o le faafiamalosi. Atonu e faasoa mai e tagata aoga pe mafai faapefea ona latou aoao atu ma le lototoa ia upumoni o loo i nei fuaitau ae le o se auala e faafiamalosi ai.

Fuaitau faaopoopo mo faataitaiga:

• Isaia 5:20 Valaaulia tagata aoga e faataitai le faaaogaina o lenei fuaiupu e tali atu ai i se tasi o loo finau mai o le matamata i ponokalafi o se mea masani ma faalenatura.

• 1 Korinito 11:11. Valaaulia tagata aoga e faataitai le faaaogaina o lenei fuaiupu e aoao atu ai faapea o le faaipoipoga i le va o se alii ma se tamaitai o se poloaiga mai le Atua.

• 1 Nifae 13:26–29. Valaaulia tagata aoga e faataitai le faaaogaina o nei fuaiupu e aoao mai ai o upumoni manino ma taua na aveesea mai le Tusi Paia i le taimi o le Liliuese Tele.

• Mataupu Faavae ma Feagaiga 1:30. Valaaulia tagata aoga e faataitai ona aoao atu e faapea O Le Ekalesia a Iesu Keriso o le Au Paia o Aso e Gata Ai ua pau lea o “le  ekalesia moni ma ola e tasi i luga o le fogaeleele atoa.”

Valaaulia ma Toe Tulitatao

Fautuaina tagata aoga ina ia lototoa ae aua le faafiamalosi i le ala latou te faasoa atu ai upumoni o le talalelei. Manatua e tulitatao atu i tagata aoga i vasega i le lumanai e ala i le valaaulia o i latou e faasoa mai ni aafiaga na latou maua i le aoaoina atu ma le lototoa o upumoni o le talalelei ae e aunoa ma le faafiamalosi. E mafai ona e valaaulia tagata aoga e faasoa mai soo se luitau na latou oo foi i ai. Vaavaai mo ni auala e faaauau ai ona faataitai lenei tomai i le vasega.