“ကျမ်းစာများကို အဘယ်ကြောင့်လေ့လာသနည်း။” ကျမ်းစာလေ့လာခြင်းစိတ်ကူးများ
“ကျမ်းစာများကို အဘယ်ကြောင့်လေ့လာသနည်း။” ကျမ်းစာလေ့လာခြင်းစိတ်ကူးများ
ကျမ်းစာများကို အဘယ်ကြောင့်လေ့လာသနည်း။
ကျွန်တော်တို့သည် ကျမ်းစာများကို လုံ့လဝီရိယထက်သန်စွာလေ့လာသောအခါ၊ ယေရှုခရစ်တော်နှင့် ပို၍နီးလာကြပြီး၊ သူ၏ဧဝံဂေလိတရားတော်နှင့် အပြစ်ဖြေခြင်းယဇ်ကို ပို၍နားလည်လာကြပါသည်။ ပရောဖက်နီဖိုင်းက ဤသို့ တိုက်တွန်းခဲ့ပါသည်၊
“သို့ဖြစ်၍၊ သင်တို့သည် စုံလင်သောမျှော်လင့်ခြင်းရောင်ခြည်နှင့်အတူ ဘုရားသခင်နှင့် ခပ်သိမ်းသောလူသားတို့ကို ချစ်ခြင်းရှိလျက်၊ ခရစ်တော်၌ မြဲမြံခြင်းနှင့် ရှေ့သို့ဆက်၍ ကြိုးစားအားထုတ်ရမည်။ သို့ဖြစ်၍၊ သင်တို့သည် ရှေ့သို့ဆက်၍ ကြိုးစားအားထုတ်၍၊ ခရစ်တော်၏နှုတ်ကပတ်တော်ကို ပွဲခံပျော်မွေ့လျက်၊ အဆုံးတိုင်အောင်တည်ကြည်မည်ဆိုလျှင်၊ ရှုလော့၊ ခမည်းတော် မိန့်တော်မူသည်ကား၊ သင်တို့သည် ထာဝရအသက်ကို ရကြလိမ့်မည်။“ ( ၂ နီဖိုင်း ၃၁း၂၀ ) ။
ကျမ်းစာများမှ သွန်သင်ခြင်းတို့သည် ကျွန်တော်တို့ကို ကျွန်တော်တို့၏ကောင်းကင်ဘုံရှင်အဘထံသို့ ပြန်သွားရန်ကူညီမည်ဖြစ်သည်။ ကျွန်တော်တို့၏နောက်ပိုင်းကာလ ပရောဖက်များက ကျွန်တော်တို့အား ထိုကျမ်းစာများကို တစ်ဦးချင်း၊ ဖြစ်နိုင်သည့်နေရာတွင်၊ မိသားစုလိုက် လေ့လာရန် တောင်းဆိုခဲ့ပါသည်။ သူတို့က ကျွန်တော်တို့ကို ကျမ်းစာများထဲရှိအတွေ့အကြုံများမှ သင်ယူရန်၊ ကျမ်းစာမှတ်တမ်းများနှင့် သွန်သင်ခြင်းများကို ကျွန်တော်တို့၏ယနေ့ဘဝများ၌ အသုံးပြုရန် ဖိတ်ခေါ်ထားပါသည်၊ နီဖိုင်း ၁ နီဖိုင်း ၁၉း၂၃၌ လမ်းညွှန်သည်ကဲ့သို့ပင်ဖြစ်ပါသည်။ ရှေးခေတ်နှင့် ယခုခေတ်ပရောဖက်နှစ်မျိုးစလုံးက ကျွန်တော်တို့ကို ကျမ်းစာများဖတ်ရန်နှင့် “ခရစ်တော်၏နှုတ်ကပတ်တော်တို့ကို ပွဲခံပျော်မွေ့ရန်” ၂ နီဖိုင်း ၃၂း၃ ဖိတ်ခေါ်ခဲ့ပါသည်။
ဥက္ကဋ္ဌရပ်ဆဲလ် အမ်၊ နယ်လဆင်ကလည်း ကျမ်းစာများရှိ “ပွဲခံပျော်မွေ့ခြင်း” အကြောင်းဒီအရေးကြီးတဲ့သမ္မာတရားကို သွန်သင်ခဲ့ပါသည်။
“ပွဲခံပျော်မွေ့တယ်ဆိုတာ မြည်းကြည့်တယ်ဆိုတာထက် ပိုပါတယ်။ ပွဲခံပျော်မွေ့တယ်ဆိုတာ တစိမ့်စိမ့်အရသာခံစားတာပါ။ ကျွန်တော်တို့ဟာ ကျမ်းစာတွေကို ကြည်နူးဖွယ်ရှာဖွေတွေ့ရှိမှုနဲ့ သစ္စာရှိသောနာခံခြင်းစိတ်တို့ဖြင့် လေ့လာခြင်းအားဖြင့် တစိမ့်စိမ့်အရသာခံစားကြပါတယ်။ ကျွန်တော်တို့ဟာ ခရစ်တော်ရဲ့ နှုတ်ကပတ်တော်ကို ပွဲခံပျော်မွေ့ကြပါတယ်၊ ၎င်းတို့ကို ‘အသားနှင့်ပြည့်သည့် နှလုံးပြား၌’ ရေးထားပါတယ်[ကောရိန္သုဩဝါဒစာဒုတိယစောင် ၃း၃ ]။ အဲဒါတွေက ကျွန်တော်တို့ရဲ့ ပေါင်းစပ်စုဖွဲ့ခြင်းသဘာဝတစ်ခု ဖြစ်လာပါတယ်” (“Living by Scriptural Guidance,” Ensign, နို၊ ၂၀၀၀၊ ၁၇။
ကျွန်တော်တို့သည် ကိုယ်ပိုင်နှင့် မိသားစုကျမ်းစာလေ့လာခြင်း၌ ပုံမှန်ပါဝင်ကြသောအခါ၊ ကျွန်တော်တို့နှင့် ကျွန်တော်တို့၏မိသားစုများသည် ကျွန်တော်တို့ကာလ၏စိန်ခေါ်မှုများတစ်ဖက်၌ လမ်းညွှန်ခြင်း၊ ကာကွယ်ခြင်း၊ ထို့အတူ အင်အားခိုင်မာစေခြင်းတို့ကို ခံရနိုင်ပါသည်။