« គំនិតសម្រាប់ការប្រើកម្មវិធីបណ្ណាល័យដំណឹងល្អ » គំនិតសម្រាប់ការសិក្សាព្រះគម្ពីរ ( ឆ្នាំ ២០២១ )
« គំនិតសម្រាប់ការប្រើកម្មវិធីបណ្ណាល័យដំណឹងល្អ » គំនិតសម្រាប់ការសិក្សាព្រះគម្ពីរ
គំនិតសម្រាប់ការប្រើកម្មវិធីបណ្ណាល័យដំណឹងល្អ
ស្ដាប់
របៀបមួយដ៏ល្អបំផុតដើម្បីសិក្សាព្រះគម្ពីរ គឺការស្ដាប់ការថតជាសំឡេង ។ អ្នកអាចធ្វើវាបាននៅក្នុងផ្ទះរបស់អ្នក ឬស្ទើរតែគ្រប់ទីកន្លែងទាំងអស់ ។ អ្នកក៏អាចស្ដាប់នៅល្បឿនខុសៗគ្នា និងនៅក្នុងភាសាផ្សេងៗផងដែរ ។
សិក្សាតាមប្រធានបទ
អ្នកអាចរកបទគម្ពីរអំពីប្រធានបទដែលបានផ្ដល់ឲ្យមួយ ដោយការប្រើមុខងារស្វែងរក ហើយបន្ទាប់មកពិនិត្យមើលលទ្ធផលស្វែងរកដែលទាក់ទង ។ អ្នកក៏អាចប្រើប្រាស់ការបោះពុម្ពផ្សាយ ប្រធានបទដំណឹងល្អ ដែលផ្ដល់នូវបទគម្ពីរគន្លឹះៗសម្រាប់ប្រធានបទដែលបានផ្ដល់ឲ្យមួយផងដែរ ។
រៀបចំតាមប្រធានបទ
អ្នកអាចរៀបចំតាមប្រធានបទដោយប្រើប្រាស់ « ស្លាក » និង « សៀវភៅកត់ត្រា » ។ ប្រធានបទទាំងនេះអាចមានប្រយោជន៍ ពេលដែលអ្នកកំពុងរៀបចំការឡើងនិយាយ ឬមេរៀនមួយ ។
គំនូសពណ៌
អ្នកអាចគូសពណ៌ ឬសម្គាល់បទគម្ពីររបស់អ្នក ដោយការជ្រើសរើសវគ្គបទគម្ពីរមួយ ហើយបន្ទាប់មកជ្រើសរើសម៉ូតមួយ ។ ម៉ូតនោះអាចជាការបញ្ជូលគ្នានៃពណ៌ផ្សេងៗ និងគំនូសបន្ទាត់ពីក្រោម ឬគំនូសពណ៌មួយ ។
បង្កើតតំណ
អ្នកអាចបង្កើតតំណរវាងបទគម្ពីរ សន្និសីទទូទៅ សារលិខិត និងមាតិកាផ្សេងទៀត ។ ការធ្វើបែបនេះអាចជួយអ្នកឲ្យចងចាំ និងរហ័សចំពោះទំនាក់ទំនងដែលអ្នកបានបង្កើត ។
រកមើលនិយមន័យ
អ្នកអាចរកមើលនិយមន័យនៃពាក្យមួយនៅក្នុងព្រះគម្ពីរបានយ៉ាងងាយ ដោយការជ្រើសពាក្យនោះ ហើយចុចប៉ូតុង « ផ្ដល់និយមន័យ » ។
ប្រើប្រាស់តំណចំណាំ និងអេក្រង់
អ្នកអាចត្រឡប់ទៅជ្រើសមាតិកាបានយ៉ាងឆាប់រហ័ស ដោយប្រើតំណចំណាំ ដើម្បីរក្សាដានកន្លែង និងអេក្រង់ជាក់លាក់នានា ។ ការប្រើប្រាស់តំណចំណាំអាចអនុញ្ញាតឲ្យអ្នករក្សាជំពូក និងមាតិកាផ្សេងៗដែលបើកនៅពេលតែមួយ ។
ដាក់កាលវិភាគ
អ្នកអាចបង្កើតផែនការសិក្សា ដែលជួយអ្នកតាមដានការវិវឌ្ឍនៃការសិក្សាព្រះគម្ពីររបស់អ្នក ។ អ្នកក៏អាចកំណត់ការរំឭកផងដែរ ដើម្បីជួយអ្នកសម្រេចគោលដៅការសិក្សារបស់អ្នក ។ កាលវិភាគមួយអាចជួយអ្នកឲ្យធ្វើតាមកាលវិភាគ ចូរមកតាមខ្ញុំ ឬជួយអ្នកឲ្យអានព្រះគម្ពីរមរមនផ្ទាល់ខ្លួន ។