Սեռական ցանկությանը տուրք չտրվելու ի՞նչ խորհուրդ կտաք։

Ապրել մաքրաբարո կյանքով

«Չգիտէ՞ք որ դուք Աստուծոյ տաճար էք եւ Աստուծոյ Հոգին բնակուած է ձեզանում»: (Ա Կորնթացիս 3.16):

Մեր մարմիններն Աստծո հատուկ պարգևներն են: Նրանք մեր հոգիներին հնարավորություն են տալիս զգալու ֆիզիկական աշխարհը: Դրանք առանցքային դեր ունեն մեր ապագա վեհացման համար: Սովորելով տիրապետել մեր մարմիններին՝ կարևոր է մեր Երկնային Ծնողներին նմանվելու համար։ Մեր մարմիններին տիրապետելը՝ ժամանակ, վարժանք և համբերություն է պահանջում, բայց դա ունենում է հավերժական հետևանքներ։

Աստված մեզ պատվիրել է, որ «սանձենք բոլոր [մեր] կրքերը, որ [մենք] լցվենք սիրով» (Ալմա 38.12):

Մաքրաբարոյության օրենքը մեծ օրհնություններ է բերում մեր կյանք։ Ինչպես նախագահ Մարիոն Ջ. Ռոմնին է հայտարարել. «Ես չեմ կարող մտածել ոչ մի օրհնության մասին, որն ավելի ցանկալի լինի, քան խոստացվել է մաքուրներին և առաքինիներին: Հիսուսը խոսեց տարբեր առաքինությունների հատուկ պարգևների մասին, բայց իմ կարծիքով ամենամեծը պահեց սրտով մաքուրների համար՝ «որ նրանք», - ասաց նա, - «Աստուծուն կ’տեսնեն» (Մատթեոս 5․8): Եվ նրանք ոչ միայն կտեսնեն Տիրոջը, այլ նրանք իրենց տանը կզգան Նրա ներկայությունը:

Ահա Փրկիչի խոստումը․ «Թող առաքինությունը զարդարի քո մտքերն անդադար. այն ժամանակ քո վստահությունը կամրանա Աստծո ներկայության մեջ» (Վ&Ու 121․45)» (“Trust in the Lord,” Ensign, May 1979, 42)։

Սեռականությունը մարդ լինելու կարևոր մասն է և նաև կրքերի աղբյուր է, որը պետք է սանձել: Անկախ այդ բուռն զգացմունքների, կան Վերջին Օրերի Սրբեր, որոնք երկար տարիներ հավատարիմ են Տիրոջ մաքրաբարոյության օրենքին:

Այս անհատները վճռական պարտավորություն են ստանձնել ապրել մաքուր կյանքով և խուսափել այն ամենից, ինչը կնվազեցնի զսպման հակումները: Բացի այդ, նրանք բացառիկ ծառայություն են մատուցել ուրիշներին, հատկապես Եկեղեցու միջավայրում: Դրանով նրանք գտել են ուրախություն, գոհունակություն և խաղաղություն:

Ծնողները պետք է ուսուցանեն իրենց երեխաներին

Երեխաներին ու երիտասարդներին անհրաժեշտ է ծնողների և վստահելի մեծահասակների օգնությունը՝ սեռականությունն իր աստվածային համատեքստում սովորելու և հասկանալու համար. «Ծնողներն առաջնային պատասխանատվություն են կրում իրենց երեխաների սեռական դաստիարակության համար: Ընտանիքում այդ մասին անկեղծ և պարզ ուսուցումը կօգնի երիտասարդներին խուսափել լուրջ բարոյական մեղքերից:

«Այնտեղ, որտեղ դպրոցները սեռական կրթություն են ուսուցանում, ծնողները պետք է համոզվեն, որ իրենց երեխաներին տրված ցուցումները համապատասխանում են բարոյական և քաղաքավարության առողջ արժեքներին» («Սեռական կրթություն», Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում, 38.6.14, ChurchofJesusChrist.org)։

Արտամուսնական փորձեր

Ամուսնությունից դուրս սեռական արտահայտմամբ փորձը լուրջ մեղք է:

«Մաքրաբարոյության Տիրոջ օրենքն է․

• Աստծո օրենքի համաձայն զսպվածություն ցուցաբերել տղամարդու և կնոջ ամուսնությունից դուրս սեռական հարաբերություններում։

• Հավատարմություն ամուսնության ընթացքում:

«Ամուսնու և կնոջ միջև ֆիզիկական մտերմությունը սքանչելի ու սուրբ է։ Այն կարգված է Աստծո կողմից երեխաներ ստեղծելու և միմյանց հանդեպ սեր արտահայտելու համար:

Միայն այն տղամարդն ու կինը, ովքեր իրավական և օրինական ձևով ամուսնացած են որպես ամուսին և կին, կարող են ունենալ սեռական հարաբերություններ: Աստծո աչքում սեռական մաքրությունը չափազանց կարևոր է: Մաքրաբարոյության օրենքի խախտումները շատ լուրջ են (տես Ելից 20․14, Մատթեոս 5․28, Ալմա 39․5)։ Մեղավորները չարաշահում են սուրբ զորությունը, որը Աստված տվել է կյանք ստեղծելու համար» («Մաքրաբարոյություն և հավատարմություն», Ընդհանուր ձեռնարկ, 38.6.5)։

«Աստծո պատվիրաններն արգելում են ցանկացած անբարոյական վարքագիծ՝ լինի դա նույնասեռական, թե՛ տարասեռական։ Եկեղեցու ղեկավարները խորհրդակցում են այն անդամների հետ, ովքեր խախտել են մաքրաբարոյության օրենքը: Ղեկավարները օգնում են նրանց հստակ հասկանալ Հիսուս Քրիստոսի և Նրա Քավության հանդեպ հավատը, ապաշխարության գործընթացը և երկրի վրա կյանքի նպատակը: Մաքրաբարոյության օրենքին անհամապատասխան վարքագիծը կարող է հիմք հանդիսանալ Եկեղեցու անդամության խորհրդի անցկացման համար (տես [Ընդհանուր ձեռնարկ,] 38.6.5)։ Այն կարող է ներվել անկեղծ ապաշխարությամբ» («Նույն սեռի հանդեպ հակվածություն և նույնասեռ վարքագիծ» Ընդհանուր ձեռնարկ, 38.6.12)։