“Амьдралынхаа бүхий л тал дээр өсөж хөгжихөд туслах санаанууд,” Хувийн өсөлт хөгжил: Хүүхдүүдэд зориулсан удирдамж (2019)
“Амьдралынхаа бүхий л тал дээр өсөж хөгжихөд туслах санаанууд,” Хувийн өсөлт хөгжил: Хүүхдүүдэд зориулсан удирдамж
Амьдралынхаа бүхий л тал дээр өсөж хөгжихөд туслах санаанууд
Дараах хуудаснуудад Аврагчийг дагаж, амьдралынхаа бүхий л тал дээр өсөж хөгжихөд чинь туслах санаанууд багтсан. Чи эдгээрийг заавал ашиглах шаардлагагүй бөгөөд чи өөрөө илүү сайн санаа гаргаж болох юм. Чи яг одоо юун дээр ажиллах талаараа залбир.
Чи нэмэлт санаануудыг ChildrenandYouth.ChurchofJesusChrist.org вэбсайтаас үзээрэй.
Сүнслэг өсөлт хөгжилд туслах санаанууд
Өдөр бүр Мормоны Номоос унш
Өдөр бүр, цөөн хэдэн шүлэг ч бай унших зуршлыг бий болго.
Ариун сүмд ороход бэлд
“Миний сайн мэдээний жишгүүд” хэсгээс суралцаж (63-р хуудас), үүний дагуу амьдран мөн бусдыг ийн үйлдэхэд урь.
Итгэлийн тунхгийг судал
Итгэлийн тунхгийг цээжилж (62-р хуудас), эдгээр нь юу гэсэн утгатай болохыг тайлбарла.
Залбирахаа сайжруул
Залбирахынхаа өмнө юунд талархаж байгаагаа мөн юунд тусламж авах хэрэгтэй байгаа талаараа бод.
Хүлээн авсан адислалуудынхаа төлөө Тэнгэрлэг Эцэгт таларх
Талархдаг гурван зүйлээ бич. Өдөр бүр гурван шинэ зүйлийг бичихийг хичээ.
Хүндэтгэлийн өдрийг ариунаар сахь
Хүндэтгэлийн өдрийг илүү онцгой өдөр болгохын тулд юуг хийж эхлэх болон юуг хийхээ болих хэрэгтэй гэдгээ шийд.
Хэн нэгэнд үйлчил
Гэр бүлдээ болон сургууль дээрээ эсвэл сүм дээр хэн нэгэнд туслах арга замуудыг хайж ол.
Гэр бүлийн түүхийг хий
Өвөө, эмээ, нагац, авга ах эгчдээ захиа бич. Тэднийг чиний насан дээр байх үеийнхээ түүхээс хуваалцахыг хүс.
Сайн мэдээг хуваалц
Нэг найзтайгаа сайн мэдээний талаар ярилц. Найзыгаа сүмд эсвэл үйл ажиллагаанд ирэхийг урь.
Сайн мэдээг заа
Судрын дуртай түүхээ гэр бүлийнхэндээ заа. Заахад туслуулахын тулд жүжигчлэн үзүүлэх юм уу зураг зур.
Хүүхдийн хэсгийн дууг дуул
Гэр бүлийн гишүүнтэйгээ хамт дуул. Сайн дуу хөгжмийг сонсох нь чамд ямар мэдрэмж төрүүлдгийг анхаар.
Нийгмийн тал дээр өсөж хөгжихөд туслах санаанууд
Чамд ямар ямар санаа байна вэ?
Гэр бүлийн талаар суралц
“Гэр бүл: Дэлхий дахинаа өргөх тунхаг”-ийг уншиж, ойлгож мэдсэн зүйлийнхээ талаар эцэг эхтэйгээ ярилц.
Гэр бүлийнхэндээ хайраа үзүүл
Гэр бүлийнхээ хүмүүсийн төлөө сайхан зүйл хий.
Бусдыг оролцуул
Гадуурхан орхигдлоо гэж бодож болох эсвэл таны нөхөрлөл хэрэгтэй байж болох хэн нэгэнтэй цагаа өнгөрөөж, түүнд үйлчил.
Бусад соёл уламжлалын талаар суралц
Өөр бусад соёл уламжлалын талаар уншиж, өөр улсаас ирсэн хүмүүстэй ярьж эсвэл ойролцоох соёл урлагийн үйл ажиллагаа руу яв.
Хөршдөө үйлчил
Орон нутагтаа, тусламж хэрэгтэй байгаа хүмүүст туслахаар ямар нэгэн зүйлийг эцэг эх, удирдагчдын хамт хий.
Уучлал гуйж, бас уучилж сур
Хэн нэгэн уучлал гуйж эсвэл уучлах хэрэгтэй байгаа жишээнүүдийг жүжигчлэн үзүүл. Өөрийн бодлыг хэрхэн хуваалцаж, хариулах дадлага хий.
Орон нутгийнхаа талаар сурч мэд
Цагдаагийн газар, гал түймэртэй тэмцэх газар эсвэл өөр бусад орон нутагт үйлчилдэг газруудад оч. Тэдний юу хийдэг талаар мэдэж авч, үйлчлэлийнх нь төлөө таларх.
Шинэ найзтай бол
Өөрийгөө шинэ хүүхдэд танилцуулж, уг хүүхдийг өөртэйгөө тоглоход урь.
Эелдэг үг хэл
Хэн нэгнийг гунигтай биш, зөвхөн баяр хөөртэй болгох үгсийг хэлэх дадлага хий. Хэрвээ хэн нэг хүн өөртэй чинь бүдүүлэг муухай харьцвал чи юу гэж хэлж болох талаар ярилц.
Уураа хяна
Ууртай үедээ тайвшрах дадлага хий. Жишээлбэл, гүнзгий амьсгаа ав, 10 хүртэл тоол эсвэл дуртай газраа байна гэж төсөөл.
Бусдыг найрсаг хүлээн ав
Сургууль, хөрш эсвэл тойрог, салбар дээр өөрийгөө шинээр ирсэн хэн нэгэнд танилцуул. Энэ хүнд бусад хүнтэй танилцахад нь тусал.
Бие махбодын өсөлт хөгжилд туслах санаанууд
Чамд ямар ямар санаа байна вэ?
Хоол хийж сур
Эрүүл мэндэд сайн хоол, зууш бэлтгэхэд тусал. Үүнийг гэр бүл, найзуудтайгаа хуваалц.
Бие махбодоо эрүүл чийрэг болго
Спорт, бүжиг, дасгал эсвэл гадаа тоглох зэрэг биеэ хөдөлгөх зүйлийг тогтмол хий.
Биедээ хүндэтгэлтэй ханд
Биеэ өдөр бүр цэвэрхэн байлга. Тогтмол усанд ор. Өдөр бүр шүдээ угааж, үсэндээ анхаарал тавь.
Гэр орондоо анхаарал тавь
Гэр орноо цэвэрлэж, чимэглэн, гадаах талбайдаа ажиллаж, гэрээ сайхан амьдрах газар болгоход туслах ямар нэгэн зүйлийг хий.
Өөрийн эзэмшдэг зүйлсэд анхаарал тавь
Өөрийн хэрэглэдэг зүйлсийг хэрхэн засах эсвэл хэрхэн арчлах талаар заахыг аав, ээжээсээ хүс.
Урлагийн шинэ чадварт суралц
Зурж, будаж, үүнийгээ хайртай хэн нэгэндээ өг.
Дуу хөгжмийн шинэ чадварт суралц
Дуу дуулж, ямар нэгэн хөгжмийн зэмсэг тоглож эсвэл дуу удирдаж сур. Чадвараа гэр бүлийн үдэш эсвэл өөр үйл ажиллагаан дээр хуваалцах санал гарга.
Мэргэн ухааны үгийг дуулгавартай дага
Сургаал ба Гэрээ 89-ийг уншаад, таныг мэргэн ухааны үгийг сахих үед Тэнгэрлэг Эцэг юу амладгийг олж мэд. Үүнийг илүү сайн дагах талаар шийдвэр гарга.
Гадаа цагаа өнгөрүүл
Өөрийн эргэн тойрон дахь байгаль дэлхийг судалж мэдэхийн тулд гэр бүл, найз нөхөдтэйгөө алхаж эсвэл уул руу гар.
Авьяасаа хуваалц
Ганцаардсан нэгэнтэй өөрийн авьяасыг хуваалц
Онцгой нөхцөл байдалд бэлтгэ
Онцгой нөхцөл байдлын үед юу хийх талаар эцэг эх, удирдагчидтайгаа төлөвлөгөө гарга.
Оюун санааны өсөлт хөгжилд туслах санаанууд
Чамд ямар санаанууд байгаа вэ?
Аравны нэгийн талаар судал
Аравны нэгийг төлөх нь яагаад чухал болохыг судал. Орлогынхоо арван хувийг Их Эзэнд өг.
Унших чадвараа нэмэгдүүл
Шинэ сэдэвтэй ном унш, эсвэл өөрийн голдуу уншдагаас илүү зузаан ном унш.
Онлайнд хэрхэн илүү аюулгүй байх талаар суралц
Интернэт, эсвэл аппликэйшн хэрэглэх тухайд гаргасан гэр бүлийнхээ дүрэм журмыг жагсаан бич.
Ямар нэгэн шинэ зүйл сур
Өөрийн сонирхдог нэг зүйлийг сонгож, үүний талаар чадах бүхнээ сур.
Соёл урлагийн үйл ажиллагаанд оролц эсвэл үз
Өөрийн орон нутаг дахь музей, соёл урлагийн үйл ажиллагаанд оч. Өөрийн сурсан шинэ зүйлийн талаар найз нөхөд, гэр бүлтэйгээ ярилц.
Өөр өөр ажлын байрын талаар мэдэж ав
Өөрийн таньдаг хэн нэгний ажил дээр очиж, юу хийдгийг нь мөн эд зүйлс хэрхэн ажилладгийг мэдэж ав.
Өөрийн бахархан хүндэтгэдэг хүмүүсийн талаар мэдэж ав
Энэ нь таны таньдаг хүн эсвэл сударт гардаг юм уу түүхэн хүн байж болно. Яаж тэр хүнтэй илүү адил болох талаар шийдвэр гарга.
Хэрхэн сайн сонголтуудыг хийх талаар суралц
Бүх сонголт үр дагавартай байдаг бөгөөд үр дагаврууд нь таны хийсэн зүйлийн үр дүнд тохиодог зүйлс юм. Хэд хэдэн сонголт болон тэдгээрийн үр дагаврын жагсаалтыг гарга.
Ой тогтоолтоо сайжруул
Дуртай судрын хэсэг, шүлэг эсвэл дууг цээжил.
Шинэ хэл сур
Өөр хэл дээр сайн байна уу гэх мэт ойр зуурын үгсийг хэлж сур. Боломжтой бол тэр хэлээр ярьдаг хүнтэй дадлага хий.
Түүх бич
Өөрийнхөө эсвэл гэр бүлийн гишүүний талаар түүх бич.