“Laj Sidrak, laj Misak, ut laj Abednego,” Eb’ li Esilal sa’ li Najter Chaq’rab’ (2022)
“Laj Sidrak, laj Misak, ut laj Abednego,” Eb’ li Esilal sa’ li Najter Chaq’rab’
Daniel 1; 3
Laj Sidrak, laj Misak, ut laj Abednego
Jun xyalb’al rix li paab’aal
Li rey aj Nabukodonosor kixyiib’ jun nimla pak’b’il dios oor ut kixmin ru xtenamit chixloq’oninkil. Wi ta ink’a’ te’xb’aanu, te’k’ute’q raj sa’ li k’atleb’aal.
Eb’ li ramiiw laj Daniel, laj Sidrak, laj Misak, ut laj Abednego ke’xra li Dios ut ink’a’ ke’xloq’oni lix pak’b’il dios li rey. Kijosq’o’ li rey rik’ineb’.
Li oxib’ chi saaj ke’xye re li rey naq ka’ajwi’ te’xloq’oni li Dios. Ke’xpaab’ naq li Dios tixkoleb’ rix. A’b’an wi ta ink’a’ tixkoleb’ rix, toj te’xb’aanu li neke’xpaab’.
Kijosq’o’ li rey rik’in laj Sidrak, laj Misak, ut laj Abednego. Kixtaqla naq te’kute’q sa’ li k’atleb’aal. A’b’an naq li rey kiril li k’atleb’aal, kisach xch’ool chirilb’al jun aj choxahil taql rochb’eeneb’ li oxib’ chi winq sa’ li k’atleb’aal. Ink’a’ neke’k’ate’ xb’aan li xam.
Li rey kixb’oq laj Sidrak, laj Misak, ut laj Abednego, ut ke’el chaq sa’ li k’atleb’aal. Ink’a’ ke’k’ate’ a’an chi moko li raq’ xb’aan li xam.
Laj Sidrak, laj Misak, ut laj Abednego ke’xpaab’ lix taqlahom li Dios, us ta maare te’kamsiiq. Lix b’aanuhomeb’ kixtenq’a li rey chixpaab’ankil li Dios.