2 Samuel 11–12; 1 Mga Hari 3; 6–9; 11

2 Samuel 11–12; 1 Mga Hari 3; 6–9; 11

Kinatibuk-ang Pagpasabot

Si Hari David ug ang iyang anak nga si Solomon parehong nagsugod sa ilang pagpangulo sa Israel nga nagsalig sa Ginoo, ug silang duha gihatagan sa Iyang dagko nga mga panalangin. Subo lang, ang mga desisyon ni David nakapahilayo kaniya gikan sa Ginoo ug mikuha kaniya sa iyang kahimayaan. Sa unang mga tuig sa iyang paghari, ang mapainubsanong tinguha ni Hari Solomon nga makabaton sa kaalam, giya, ug mga panalangin sa Ginoo nakapahimo niya nga takos sa pagtukod sa templo, ang balay sa Ginoo.

Dapita ang mga tigkat-on sa pagpuyo sa unsay ilang nakat-onan. Samtang magkat-on ang mga estudyante sa ebanghelyo sa Manluluwas, ang Espiritu Santo makatabang nila sa pag-ila sa mga kausaban nga kinahanglan nilang buhaton. Ang mga pagdapit sa pagrebyo sa mga tumong nga ilang gihimo sa miagi makatabang usab sa mga estudyante nga makakita kon sa unsang paagi sila nag-uswag ug makahimo sa gikinahanglang mga koreksyon. Usa ka ehemplo kon unsaon kini sa paghimo makita diha sa Leksiyon 80: “Sukda ang Imong Nakat-onan 5.”

Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Gidapit sa Manluluwas ang Uban sa Pagpuyo sa Unsay Iyang Gitudlo” (Pagtudlo Sumala sa Pamaagi sa Manluluwas, 26).

Pangandam sa pagtudlo

Ang mosunod nga impormasyon naghatag nimo og mga ideya kon unsa ang imong kinahanglang andamon daan alang sa matag leksiyon.

2 Samuel 11–12

Katuyoan sa leksiyon: Aron matabangan ang mga estudyante nga makaila nga dili nila matago ang ilang mga sala gikan sa Ginoo, apan mahimo silang modangop ngadto Kaniya aron mabuntog ang tentasyon.

• Pag-andam sa estudyante: Dapita ang mga estudyante sa paghimo og lista sa pipila ka mga bakak nga gigamit ni Satanas sa pagtental nato sa pagpakasala (pananglitan, ang mga estudyante mahimong morebyo sa 2 Nephi 28:6–9, 20–22). Dayon dapita sila sa pagpamalandong kon sa unsang paagi ang mga kamatuoran nga gitudlo sa ebanghelyo ni Jesukristo makatabang nato sa pagdangop sa Ginoo kon kita mag-atubang og tentasyon.

• Imahe nga ipakita: Imahe ni Jesukristo nga dunay tawo nga midangop ngadto Kaniya ug ang lain mipalayo

• Sulod nga ipakita: Duha ka hugpong sa mga instruksyon alang sa mga estudyante nga kompletohon sa tinagsa-tagsa o​sa mga grupo; tsart bahin sa mga desisyon ni David

• Mga Bidyo: “Ang Manluluwas Gustong Mopasaylo” (5:50); “Ako Nagpabilin nga Natingala” (5:15)

1 Mga Hari 3

Katuyoan sa leksiyon: Aron tabangan ang mga estudyante nga masabtan nga ang Ginoo mopanalangin kanato sa abilidad aron matuman ang Iyang buhat.

• Pagpangandam sa estudyante: Dapita ang mga estudyante sa pagsulat og usa ka butang nga ilang gipaningkamotan nga buhaton aron makaapil sa buhat sa Langitnong Amahan ug ni Jesukristo. Dapita ang mga estudyante nga mainampoong mangutana sa Langitnong Amahan kon unsa nga mga panalangin ang ilang gikinahanglan aron matabangan Siya nga matuman ang Iyang buhat

• Sulod nga ipakita: Yano nga drowing “nimo” ug “ang buhat sa Ginoo” nga gibulag sa usa ka dako nga gintang; mga kasulatan ug mga pangutana alang sa tagsa-tagsa o sa grupo nga pagtuon

• Handout: “Moapil diha sa Buhat sa Ginoo”

1 Mga Hari 6–9

Katuyoan sa leksiyon: Tabangi ang mga estudyante nga mapalawoman ang ilang pagsabot nga ang templo mao ang balay sa Ginoo.

• Pagpangandam sa estudyante: Dapita ang mga estudyante sa pagdala og litrato sa duol o sa paborito nga templo. Mahimo silang mangandam sa pagpakigbahin kon nganong ang templo makahuloganon ngadto kanila.

• Mga Imahe: Templo ni Solomon ug duol nga templo

• Sulod nga ipakita: Ang pangutana ni Angela gikan sa sinugdanan sa leksiyon; tulo ka tsart nga adunay mga kasulatan alang sa tinagsa ug grupo nga pagtuon mahitungod sa adlaw ni Solomon ug sa atong panahon

• Bidyo: “Ang Espiritu sa Dios”

Sukda ang Imong Nakat-onan 5

Katuyoan sa leksiyon: Tabangi ang mga estudyante sa pagpamalandong sa mga tumong nga ilang gitakda ug ang pagtubo nga ilang nasinati atol sa ilang bag-ohay nga pagtuon sa Daang Tugon.

• Pagpangandam sa estudyante: Dapita ang mga estudyante sa pagkonsiderar sa ilang espirituhanong paglambo sa seminary atol niini nga tuig. Awhaga sila sa pagtimbang-timbang sa ilang mga paningkamot pinaagi sa pagrebyo sa mga entry sa journal, mga kasulatan nga ilang gimarkahan, ug mubo nga mga sulat nga ilang gihimo.

• Mga Imahe: Usa ka paghulagway nga nagpakita sa pagtubo sa usa ka liso ngadto sa usa ka tanom; usa ka templo; ang batan-on nga si Samuel nakadungog sa tingog sa Ginoo