Deuteronomio 6–8; 15; 18; 29–30; 34

Deuteronomio 6–8; 15; 18; 29–30; 34

Kinatibuk-ang Pagpasabot

Human sa pag-alagad isip usa ka propeta sa Dios sulod sa 40 ka tuig, si Moises misugo sa mga Israelita sa paghimo og kampo sa utlanan sa gisaad nga yuta. Si Josue sa dili madugay magdala kanila tabok sa utlanan (tan-awa sa Deuteronomio 31:23). Ang Deuteronomio naglangkob sa kataposang tambag ni Moises ngadto sa mga tawo, lakip ang tambag mahitungod sa paghigugma sa Dios, paghinumdom Kaniya, ug pag-atiman sa mga tawo nga nakasinati og kakabos.

Pagtudlo gikan sa mga kasulatan ug mga pulong sa mga propeta sa ulahing mga adlaw. Kon ang mga pagtulun-an gibase sa mga kasulatan ug mga pulong sa mga propeta sa ulahing mga adlaw, ang mga estudyante mas lagmit nga mobati sa Espiritu Santo nga mopamatuod sa mga kamatuoran nga ilang nakat-onan. Alang sa dugang kon giunsa sa Manluluwas pagbuhat niini, tan-awa sa “Ang Manluluwas Mitudlo gikan sa mga Kasulatan” (Pagtudlo Sumala sa Pamaagi sa Manluluwas, p. 21). Usa ka ehemplo kon unsaon pagbuhat niini mahimong makita sa Leksiyon 60: “Deuteronomio 15.”

Pangandam sa Pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Deuteronomio 6:1–6

Katuyoan sa leksiyon: Aron matabangan ang mga estudyante nga makasabot kon unsaon nila sa pagpakita sa ilang gugma alang sa Dios.

• Pagpangandam sa estudyante: Dapita ang mga estudyante sa paghangyo sa usa ka ginikanan, tigbantay, o lider sa Simbahan sa pagpakigbahin sa pipila sa ilang paborito nga ipakita apan dili isulti nga mga paagi sa pagpakita nga sila nahigugma sa usa ka tawo. Mahimong makatabang ang pagsulti sa mga estudyante nga ang leksiyon magtutok sa mga paagi nga atong mapakita ang atong gugma alang sa Dios.

• Imahe nga ipakita: Si Moises nagbarog sa usa ka bukid nga nagdungaw sa gisaad nga yuta

• Sulod nga ipakita: Pamahayag gikan ni Presidente Jeffrey R. Holland, mga instruksyon alang sa kalihokan sa grupo ug mga pangutana nga hisgotan sa mga grupo

• Bidyo: “Kon Gihigugma Nato Siya” (3:57), “Ugma ang Ginoo Mobuhat og Katingalahan diha Kaninyo” (19:24) gikan sa time code nga 12:53 hangtod sa 13:48

• Mga materyal alang sa mga estudyante: Papel nga adunay komon nga sitwasyon nga gisulat niini alang sa gagmay nga mga grupo sa mga estudyante

Deuteronomio 6:6–25; 7:1–26; 8:1–20

Katuyoan sa leksiyon: Aron matabangan ang mga estudyante nga madugangan ang ilang pangandoy sa paghinumdom unsa ang gibuhat sa Dios alang kanila.

• Pagpangandam sa estudyante: Dapita ang mga estudyante sa paghunahuna og lima ka butang nga ilang gibati nga gibuhat sa Ginoo alang kanila sa miaging semana. Dapita sila sa pagpamalandong kon sa unsang paagi ang pagmatngon sa unsay gibuhat sa Ginoo alang kanila makapanalangin sa ilang kinabuhi.

• Mga hulagway nga ipakita: Pag-ila sa mga hulagway sa mga butang nga maayo ang dagan ug mga butang nga dili maayo ang dagan

• Sulod nga ipakita: Pamahayag gikan ni Elder Dale G. Renlund

• Bidyo: “O Hinumdumi, Hinumdumi” (1:28)

Deuteronomio 15

Katuyoan sa leksiyon: Aron matabangan ang mga estudyante nga mobati og mas dakong panginahanglan sa pagsunod sa sugo sa Manluluwas sa pagpakigbahin sa unsay Iyang gihatag kanila.

• Pagpangandam sa estudyante: Dapita ang mga estudyante nga mainampoong kantahon o tun-an ang mga pulong sa himno nga “Kay Gihatagan Ko og Daghan” (Mga Himno, nu. 132) o Mateo 25:31–40. Ang mga estudyante mahimong mohangyo sa Langitnong Amahan sa pagtabang kanila nga makakita og mga paagi nga ilang mapakigbahin ngadto sa uban kon unsay Iyang gihatag kanila.

• Hulagway nga ipakita: Usa ka hulagway ni Jesukristo

• Butang nga gamiton sa leksiyon: Usa ka panaksan nga puno sa usa ka butang sama sa uga nga cereal, mga liso, o gamay nga kendi

• Bidyo: “Ang Kupo” (2:07)