Mataio 15–17; Mareko 7–9

Vaaiga Aoao

Sa aoai e Iesu le au tusiupu ma le au Faresaio o e sa faaaogaina tu masani e fai ma alofaga e solia ai poloaiga a le Atua. Sa tuuina atu e Peteru lana molimau ia Iesu, lea na ia maua i faaaliga e ala i le Agaga Paia. Na folafola atu e le Faaola e tuu atu ia Peteru ki o le perisitua, lea na Ia tuuina atu mulimuli ane ia Peteru, Iakopo, ma Ioane i luga o le Mauga o Liua. Sa faamalolo e Iesu le atalii o se tagata sa faaalia lona talitonu i le Faaola.

Sauni e Aoao Atu

O nei faamatalaga e aoga mo faiaoga ia latou iloa ai po o a ni mea e tatau ona saunia ae lei amata lesona taitasi.

Mataio 15:1–9

Faamoemoega o le lesona: O lenei lesona e mafai ona fesoasoani i tamaiti aoga e iloa ai po o fea o a latou tu ma aga masani o loo fesoasoani ia i latou ia avea atili e faapei o Iesu Keriso ma atonu foi o loo vavaeeseina ai i latou mai ia te Ia.

Sauniuniga a le tamaitiiti aoga: Fai atu i tamaiti aoga e mafaufau i a latou tu ma aga masani, po o latou “talitonuga ma aga ua tuufaasolo mai lea augatupulaga i le isi” (O Le Taiala i Tusitusiga Paia, “ Tu a Aga Masani,” scriptures.ChurchofJesusChrist.org), ma pe aisea e mafai ai ona latou faia o ia mea. E ono fesoasoani i tamaiti aoga le faaaofia ai o o latou aiga i tapenaga o lenei gaoioiga.

Meafaitino mo tamaiti aoga: Pepa po o api faamaumau suesuega

Fautuaga mo aoaoga faavitio i luga o upega tafailagi:Mafaufau e faaaoga le laupapa paepae e iloilo faatasi ai e tamaiti aoga o le vasega tu ma aga masani eseese nai lo le nao totonu o a latou api talaaga. Tuu le avanoa i tamaiti aoga e tusi ai ni tu ma aga masani i luga o le laupapa paepae ma tusi ai ni faamatalaga i le taualugamaga o le lesona.

Mataio 16:13–18

Faamoemoega o le lesona: O lenei lesona e mafai ona fesoasoani i tamaiti aoga ia malamalama ma lagona le taua o le mauaina o se molimau ia Iesu Keriso mai le Tama Faalelagi e ala i le Agaga Paia.

Sauniuniga a le tamaitiiti aoga: Valaaulia tamaiti aoga e saunia mai e faasoa pe faapefea e le mauaina o se molimau ia Iesu Keriso ona faia se suiga i le olaga o se tasi.

Meafaitino mo tamaiti aoga: Pepa; kopi o le lauga a Elder Ronald A. Rasband “Fausia se Olo o le Faaleagaga ma le Puipuiga” (Ensign po o le Liahona, Me 2019, 107-10) mo tamaiti aoga o e filifili e fai le gaoioiga I ma e le mafai ona maua le lauga i luga o se masini tekenolosi

Fautuaga mo aoaoga faavitio i luga o upega tafailagi: Mafaufau e fesili i se tamaitiiti aoga pe toalua e valaaulia se uo mamae po o se tagata o le aiga e auai i se vaega o le vasega ma faasoa mai pe na faapefea ona maua a latou molimau ia Iesu Keriso ma pe aisea e taua ai ia i latou.

Mataio 16:18–19; 17:1–7

Faamoemoega o le lesona: O lenei lesona e mafai ona fesoasoani e te malamalama ai i le uiga o ki o le perisitua ma lo latou taua i le fuafuaga o le faaolataga a le Atua.

Sauniuniga a le tamaitiiti aoga: Valaaulia tamaiti aoga e mafaufau i se ki latou te faaaogaina ma saunia mai e faasoa po o le a le aoga o le ki, pe aisea e taua ai, ma po o le a le mea e tupu pe afai e leiloa. A tusa ma o latou manaoga, e mafai ona aumai e tamaiti aoga a latou ki i le vasega.

Vitio: “O fea o i ai Ki?” (2:51; matamata mai le taimi faatulagaina 0:00 i le 1:01 ma mai le 1:01 i le 2:51)

Fautuaga mo aoaoga faavitio i luga o upega tafailagi:Mafaufau e valaaulia tamaiti aoga e aumai ia le itiiti ifo ma le tasi se ki po o se seti o ki ma faamatala mai po o le a le mea o loo faaaogaina ai ma pe aisea e taua ai. E mafai ona faia lenei mea i le amataga o le lesona e fesoasoani ai i tamaiti aoga ina ia malamalama atili ai i ki o le perisitua.

Atamai i Aoaoga Faavae: Mataio 16:15–19

Faamoemoega o le lesona: O le lesona lenei e maua ai le avanoa e tamaiti aoga e faateleina ai lo latou malamalama i atamai o aoaoga faavae a o latou tauloto mau faasino ma fasifuaitau o mau autu, faamatala aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Sauniuniga a le tamaitiiti aoga: Valaaulia tamaiti aoga e mafaufau e uiga i auala ua faamanuiaina ai o latou olaga e ki o le perisitua.

Pepa tufa: O le pepa tufa atu o ki e tele. Mafaufau e saunia ni seleulu mo tamaiti aoga e otioti ai, pe muai otioti ki ao lei oo i le taimi o le lesona.

Fautuaga mo aoaoga faavitio i luga o upega tafailagi: Mafaufau e valaaulia se taitai perisitua i le lotoifale o loo umia ki o le perisitua e oo mai ma tali fesili e uiga i ki o le perisitua ma faasoa mai ni aafiaga e mafai ona fesoasoani i tamaiti aoga ia malamalama ai i le taua o na ki. E mafai foi e le taitai perisitua ona fesoasoani i tamaiti aoga e fai le faaaogaaga faataitai.

Mareko 9:14–29

Faamoemoega o le lesona: O lenei lesona o le a fesoasoani i tamaiti aoga e suesue ai lo latou faatuatua i le Alii ma saili faaaliga e uiga i le auala e mafai ona latou faamalosia ai.

Sauniuniga a le tamaitiiti aoga: Valaaulia tamaiti aoga e mafaufau e uiga i aafiaga na faamalosia ai lo latou faatuatua ia Iesu Keriso. E mafai foi ona latou fesili atu i isi tagata e uiga i o latou lava aafiaga e faatupulaia ai le faatuatua.

Vitio: “Le Alii e, Ua Ou Faatuatua” (14:43; matamata mai i le taimi faatulagaina 1:12 i le 2:59 ma, afai e manaomia, mai le taimi faatulagaina 5:57 i le 10:28)
Meafaitino mo tamaiti aoga: Pepa po o api faamaumau suesuega

Fautuaga mo aoaoga faavitio i luga o upega tafailagi: Mafaufau e faaali se vitio se tasi pe lua o loo taua i lalo o “Gaioiga Faaopoopo e Aoao Ai” i le tusi lesona a le faiaoga. Atonu e atamai le muai siiina mai o vitio.