Seminare
Mataio 14; Mareko 6; Ioane 5–6

Mataio 14; Mareko 6; Ioane 5–6

Vaaiga Aoao

Na fafagaina e le Faaola le lima afe o tagata i areto e lima ma iʻa e lua. E toatele na tali ane i le sailia o Ia mo nisi meaai. Sa savali Iesu i luga o le vai agai i le vaa o le au soo i le taimi o le afa. Sa ia valaauliaina Peteru e savali foi i luga o le vai ma faasaoina ai Peteru mai le magoto ina ua ia masalosalo. Na aoao atu e le Faaola le lauga o le Areto o le Ola. Sa Ia fesili atu i Ona soo pe latou te tuua o Ia, e pei ona faia e isi sa mulimuli mai ia te Ia. Ua molimau atu Peteru ua ia Iesu le upu o le ola e faavavau.

Sauni e Aoao Atu

O nei faamatalaga e maua ai e faiaoga ni manatu o mea e ao ona latou saunia ae lei amataina lesona taitasi.

Mataio 14:13–23; Ioane 6:5–14

Faamoemoega o le lesona: O lenei lesona e mafai ona fesoasoani i tamaiti aoga ina ia agaalofa ma aua le manatu faapito e faapei o Iesu Keriso. E mafai foi ona fesoasoani ia latou maua le faamaoniga sili e faapea ona o Iesu Keriso o le a lava ai a latou taulaga faatauvaa. 

  • Sauniuniga a tamaiti aoga: Valaaulia tamaiti aoga e tatalo ma saili avanoa e auauna atu ai i se isi ae lei oo i le isi vasega. Uunaia i latou e maitauina totoa o latou lagona a o latou auauna atu.

  • Pepa Tufa: Sauni a o lei amataina le vasega pepa e tufa atu mo ni faatinoga eseese e lua.

  • Fautuaga mo aoaoga e faaaoga ai vitio i luga o upega tafailagi: Mafaufau e saunia ni potu e vavae iai vaega mo ni faatinoga eseese e lua. Tuu le avanoa e filifili ai tamaiti aoga po o fea le potu e fia auai ai. Fai ma asiasi i potu taitasi, ma fesoasoani i tamaiti aoga ma latou faatalanoaga.

Mataio 14:22–33

Famoemoega o le lesona: O le lesona lenei e mafai ona fesoasoani i tagata aoga e mulimuli i le faataitaiga a Peteru i le liliu i le Faaola ao fefe poo se tulaga e lofituina ai.

  • Tapenaga mo tagata aoga: Valaaulia tagata aoga e mafaufau loloto i fesili o le a mulimuli mai nei mai le Sau, Mulimuli Mai ia te Au: “Mata o le a se mea na musuia Peteru e tuua le saogalemu o lona vaa i le totonugalemu o le Vai o Kalilaia i le taimi o se afa matautia? O le a se mea na tatai atu ai o ia e talitonu afai e mafai e Iesu ona savali i luga o le vai, e mafai foi e ia?” (Mati 27–Aperila 2. Mataio 14; Mareko 6; Ioane 5–6: ‘Aua Tou Te Matatau,’” Sau, Mulimuli Mai ia te Au—Mo Tagata Taitoatasi ma Aiga: Feagaiga Fou 2023).

  • Fautuaga mo aoaoga e faaaoga ai fesootaiga vitio i luga o upega tafailagi: Mafaufau e valaaulia tagata aoga e saili le ata e fiafia ai o Peteru ma le Faaola o savavali i luga o le vai. Ona tuu atu lea o le avanoa i tagata aoga e faasoa lau o a latou masini e faasino mai ai faamatalaga o ata na latou filifilia ma faasoa mai ni mea na latou aoaoina mai le tala faaletusi paia.

Ioane 6:22–58

Faamoemoega o le lesona: O lenei lesona o le a fesoasoani i tagata aoga e faailoa auala e mafai ai ona latou o mai i le Faaola e faatumuina e Ia o latou manaoga faaleagaga.

  • Tapenaga a tagata aoga: Valaaulia tagata aoga e mafaufau pe faapefea ona pei Iesu Keriso o le areto ma o mai saunia e faasoa mai o latou manatu.

  • Lesona o meafaitino: Mafaufau e aumai se areto mo tagata aoga e aai ai i le amataga o le lesona.

  • Vitio: “I Am the Bread of Life” (mai le taimi 3:20 e oo i le 5:08)

  • Fautuaga mo aoaoga e faaaoga ai fesootaiga i vitio i luga o upega tafailagi: Mafaufau e fai atu i tagata aoga e saili ni areto i o latou fale e faaaoga mo le gaoioiga muamua o le lesona.

Ioane 6:60–71

Faamoemoega o le lesona: O lenei lesona o le a fesoasoani i tagata aoga ia tumau le faamaoni i a latou tautinoga e mulimuli ia Iesu Keriso, e tusa lava pe le o filifili isi e mulimuli ia te Ia.

  • Tapenaga a tagata aoga: Valaaulia tamaiti aoga e tomanatu i faamanuiaga ua latou mauaina ona o lo latou auai i Le Ekalesia a Iesu Keriso o le Au Paia o Aso e Gata Ai.

  • Fautuaga mo aoaoga e faaaoga ai fesootaiga i vitio i luga o upega tafailagi: Mafaufau e valaaulia tagata aoga e fai i se tagata o le latou aiga po o se uo ua filifili e tumau malosi i le Ekalesia e tusa lava pe lei tumau isi, e faasoa mai o latou aafiaga ma molimau.

Toe Iloiloga o le Atamai Faapitoa i Aoaoga Faavae 5

Faamoemoega o le lesona: O lenei lesona o le a fesoasoani i tagata aoga ia taulotoina mau fefaasinoai ma faaupuga autu o mau i le atamai faapitoa o aoaoga faavae.

  • Tapenaga a tagata aoga: Valaaulia tagata aoga e mafaufau po o fea o faaupuga autu o mau i le atamai faapitoa i aoaoga faavae ua aumaia ia i latou le faatuatua ia Keriso.

  • Anomea mo tagata aoga: pepa, meafaitino tusitusi, ma seleulu

  • Fautuaga mo aoaoga e faaaoga ai fesootaiga vitio i luga o upega tafailagi:Mafaufau e sauni se aoaoga i upu eseese ma faaupuga mai fuaitau autu o mau i le atamai faapitoa i aoaoga faavae ma faia ai o se taaloga i luga o upega tafailagi.