Jesus is smiling at the daughter of Jairus who was raised from the dead, her father is in the foreground and some disciples in the background.
Հիսուսը վերակենդանացրեց Հայրոսի դստերը: Այս դասի նպատակն է օգնել ձեզ գործադրել ձեր հավատքը և հավատալ Քրիստոսին վախի ու անորոշության պահերին:
Ուսանողներին հորդորեք անձնական հոգևոր փորձառություններ փնտրել: Դասավանդելիս հորդորեք ուսանողներին խորացնել իրենց դարձը՝ փնտրելով սեփական հոգևոր փորձառություններ: Այս փորձառությունների ժամանակ տերը կարող է ուսուցանել նրանց՝ Սուրբ Հոգու զորության միջոցով:
Ուսանողի պատրաստում. Ուսանողներին հորդորեք մտապահել «Մի՛ վախենար, բայց միայն հավատա» արտահայտությունը ( Մարկոս 5.36): Խնդրեք նրանց մտածել, թե այս արտահայտությունը ինչպես կարող է օգնել նրանց փորձության պահերին:
Հնարավոր ուսումնական վարժություններ
Հավատք գործադրեք առ Հիսուս Քրիստոս
Այսօրվա դասի ընթացքում դուք ավելի շատ բան կսովորեք այն մասին, թե ինչպես կարելի է հավատք գործադրել Հիսուս Քրիստոսի հանդեպ նույնիսկ անորոշության և վախի պահերին: Մտածեք այնպիսի իրավիճակների մասին, որոնք կարող են ձեր կյանքում անորոշություն կամ վախ առաջացնել: Թվարկեք դրանցից մեկ կամ երկուսը ձեր օրագրում:
Ինչպիսի՞ն էր ձեր հավատքը այս իրավիճակներում: Գրեք ձեր մտքերը մեկ կամ երկու նախադասությամբ:
Այս դասն ուսումնասիրելիս լսեք Սուրբ Հոգու հուշումները, որոնք կարող են ձեզ ոգեշնչել ավելի մեծ հավատք գործադրել Հիսուս Քրիստոսի հանդեպ՝ անորոշության կամ վախի պահերին:
Նկար
Jairus coming to Jesus to heal his daughter.
Մարկոս 5 գլխում Հայրոս անունով ժողովրդապետը մեծ անորոշության և վախի պահ էր ապրում:
Կարդացեք Մարկոս 5.22-24 հատվածները՝ փնտրելով, թե ինչ էր ապրում Հայրոսը այդ պահին: Դուք կարող եք նաև դիտել Jesus Raises the Daughter of Jairus տեսաֆիլմը ChurchofJesusChrist.org կայքում, 0:00-ից մինչև 1:02-ը:
Նկար
Jairus coming to Jesus to heal his daughter.
Ձեր կարծիքով, ինչո՞ւ էր Հայրոսը Փրկիչին փնտրում:
Երբ նրանք Հայրոսի տուն էին գնում, արյունահոսությամբ տառապող մի կին դիպչեց Փրկիչի հագուստին և բուժվեց: Հիսուսը կանգ առավ՝ կնոջ հետ խոսելու և նրան սփոփելու համար (տես Մարկոս 5.25-34):
Ձեր պատկերացմամբ, Հայրոսն ի՞նչ մտքեր ու զգացմունքներ ուներ, երբ նայում էր, թե ինչպես էր Փրկիչը խոսում այդ կնոջ հետ:
Կարդացեք Մարկոս 5.35-36 հատվածները՝ փնտրելով, թե ինչ պատահեց հաջորդիվ:
Ի՞նչ ընտրություն Հայրոսն ուներ, երբ նրան հայտնեցին, որ իր դուստրը մեռած է:
Ձեր կարծիքով Փրկիչի՝ հատված 36-ում ներկայացված խոսքերն ինչպես օգնեցին Հայրոսին՝ իր վախը դիմակայելու:
Ի՞նչ գիտեք Հիսուս Քրիստոսի մասին, որ կարող է ձեզ օգնել հավատալ Նրան, նույնիսկ՝ վախի պահերին:
Ավարտեք պատմությունը՝ կարդալով Մարկոս 5.37-43 հատվածները և փնտրելով, թե ինչ հրաշքի վկա դարձավ Հայրոսը՝ հավատալու իր ընտրության շնորհիվ: Կամ կարող եք շարունակել դիտել Jesus Raises the Daughter of Jairus տեսաֆիլմը ChurchofJesusChrist.org կայքում, 1:03-ից մինչև 3:15-ը:
Նկար
Jairus coming to Jesus to heal his daughter.
Այս պատմությունն ինչպե՞ս կարող է ամրապնդել ձեր հավատքը Հիսուս Քրիստոսի հանդեպ:
Տերը մեզ խորհուրդ է տալիս չվախենալ:
Սուրբ գրություններում տերն անընդհատ մեզ խորհուրդ է տվել «մի՛ վախենար, բայց միայն հավատա» ( Մարկոս 5.36): Սուրբ գրություններում կամ համաժողովի ելույթներում փնտրեք պատմություններ կամ մեջբերումներ, որոնք մեզ խորհուրդ են տալիս չվախենալ: Կարող եք խաչաձև հղումներ ստեղծել այս հատվածների, համաժողովի ելույթների և Մարկոս 5.36 հատվածի միջև:
Ուսանողները կարող են գրատախտակին թվարկել գտած պատմությունները: Կարող եք կիսվել անձնական փորձառությամբ և պատմել, թե ինչպես եք հետևել Տիրոջ՝ «մի վախենար, բայց միայն հաւատա» հրավերին:
Ձեր կարծիքով Տերն ինչո՞ւ է այսքան հաճախ մեզ խորհուրդ տալիս չվախենալ:
Ինչպես եք օրհնվել՝ Տիրոջ՝ «մի վախենար, բայց միայն հաւատա» հրավերին հետևելով:
Ուսանողների համար կարող է օգտակար լինել իրենց օրագրերում պատասխանել հետևյալ հարցերին։ Կարող եք խնդրել պատրաստակամ ուսանողներին կիսվել իրենց փորձառություններով։ Դա կարող է ուսանողներին նաև հնարավորություն տալ զեկուցել իրենց պատրաստվածության մասին:
Ձեր կյանքի ո՞ր իրավիճակներում Տերը կարող էր ձեզ ասել «մի վախենար, բայց միայն հաւատա»:
Ի՞նչ գործողություններ կձեռնարկեիք Փրկիչի՝ «մի վախենար, բայց միայն հաւատա» հրավերին հետևելու համար: Այս բոլոր գործողություններն ինչպե՞ս ձեզ կօգնեին դիմակայել ձեր վախերին:
Հնարավորության դեպքում բերեք արվեստի պարագաներ, որպեսզի ուսանողները կարողանան նկարել հետևյալ վարժության ընթացքում: Ուսանողները նաև կարող են ստեղծել թվային պատկեր:
Ստեղծեք «Մի վախենար, բայց միայն հաւատա» արտահայտությամբ մի նկար: Կարող եք նաև ներառել այլ գտած արտահայտություններ կամ մեջբերումներ: Նկարը դրեք այնպիսի մի տեղում, որ այն օգնի ձեզ հիշել, որ դուք պետք է հավատաք Հիսուս Քրիստոսին և չվախենաք:
Բացատրական և պատմական տեղեկություն
Ի՞նչ է հավատը Հիսուս Քրիստոսի հանդեպ։
Ավետարանական թեմաներից Հետևյալ մեջբերումն ուսուցանում է Հիսուս Քրիստոսի հանդեպ հավատքի մասին.
Հիսուս Քրիստոսի հանդեպ հավատ ունենալ նշանակում է՝ ամբողջովին ապավինել Նրան, վստահել Նրա անսահման զորությանը, խելքին և սիրուն: Այն ընդգրկում է նաև հավատալ Նրա ուսմունքներին։ Դա նշանակում է հավատալ, որ, թեև մենք չենք հասկանում բոլոր բաները, Նա հասկանում է: Քանի որ Նա կրել է մեր բոլոր ցավերը, տառապանքներն ու տկարությունները, Նա գիտի, թե ինչպես օգնի մեզ, որ հաղթահարենք մեր ամենօրյա դժվարությունները»:
(Ավետարանական թեմաներ, «Հավատք առ Հիսուս Քրիստոսը», topics.ChurchofJesusChrist.org)
Ի՞նչը կարող է մեզ օգնել հավատալ և չվախենալ:
Տասներկու Առաքյալների Քվորումից Երեց Նիլ Լ․ Անդերսենն ուսուցանել է.
Նկար
Official portrait of Elder Neil L. Andersen of the Quorum of the Twelve Apostles, 2010, August.
Հիսուսը ժողովրդապետին ասաց. «Մի՛ վախենար, բայց միայն հավատա» [ Մարկոս 5:36 ]: Աշակերտ լինել նշանակում է հավատալ Նրան թե խաղաղ, և թե դժվար պահերին, երբ մեր ցավը և վախը փարատվում են միայն համոզվածությամբ, որ Նա սիրում է մեզ և պահում է Իր խոստումները:
(Նիլ Լ․ Անդերսեն, «Ի՞նչ է իմ մասին մտածում Քրիստոսը», Ensign կամ Լիահոնա, մայիս 2012, 113)
Մարտահրավերները, դժվարությունները, հարցերն ու կասկածները մեր մահկանացու կյանքի մասն են կազմում: Բայց մենք մենակ չենք: Որպես Հիսուս Քրիստոսի աշակերտներ` մենք ունենք լույսի և ճշմարտության հսկայական շտեմարաններ, որոնք հասանելի են մեզ։ Վախն ու հավատը միաժամանակ չեն կարող գոյակցել մեր սրտերում: Մեր այս դժվարին ժամանակներում մենք ընտրում ենք հավատքի ճանապարհը: Հիսուսն ասաց. «Մի՛ վախենար, բայց միայն հավատա» [ Մարկոս 5.36 ]:
Առաջին Նախագահությունից Նախագահ Դալլին Հ. Օուքսը ուսուցանել է.
Նկար
Official Portrait of President Dallin H. Oaks taken March 2018.
Բժշկող օրհնությունները գալիս են շատ ուղիներով, յուրաքանչյուրը մեր անձնական կարիքներին համապատասխան, ըստ Նրա իմացության, ով մեզ ամենաշատն է սիրում: Երբեմն «բժշկումը» ապաքինում է մեր հիվանդությունը կամ թեթևացնում մեր բեռը: Բայց երբեմն մենք բժշկվում ենք` մեզ վրա դրված բեռները կրելու համար` ուժ, հասկացողություն կամ համբերություն ստանալով:
(Դալլին Հ․ Օուքս, «Նա բուժում է բեռնավորվածներին», Ensign կամ Լիահոնա, նոյեմբեր 2006, 7-8)
Օժանդակ ուսումնական վարժություններ
ՍտուգելԵկ, հետևիր ինձ
Կարող եք ուսանողների հետ միասին կրկնել Մատթեոս 9.18-26 և Մարկոս 5.22-43 հատվածների համար Եկ, հետևիր ինձ. Անհատների և ընտանիքների համար. Նոր Կտակարան 2023-ում ներկայացված գաղափարը: Հրավիրեք պատրաստակամ ուսանողներին կիսվել իրենց անձնական փորձառություններով:
Կարող է նաև օգտակար լինել քննարկել «Մեկնաբանություն և նախնական տեղեկություններ» բաժնի՝ Տիրոջ հանդեպ հավատքի միջոցով վախը հաղթահարելու մասին հայտարարությունները:
Հավատք և վախ
Ուսանողներին օգնեք հասկանալ, որ հավատքը և վախը չեն կարող համագոյակցել: Կարող եք կարդալ դասարանով Մարկոս 4.40 և Մարկոս 5.36 հատվածները՝ այս միտքը ցուցադրելու համար: Քննարկեք, թե ինչու հավատքը և վախը չեն կարող համագոյակցել և թե ինչպես մենք կարող ենք Փրկիչի հանդեպ հավատք գործադրել՝ մեր վախերը հաղթահարելու համար: Հետևյալ հարցերը կարող են այդ քննարկման մի մաս կազմել. Ի՞նչ է տեղի ունենում մեր հավատքի հետ, երբ մենք տեղի ենք տալիս վախին: Հավատքը ինչպե՞ս կարող է հաղթահարել վախը:
Կարող է նաև օգտակար լինել քննարկել «Մեկնաբանություն և նախնական տեղեկություններ» բաժնի՝ Տիրոջ հանդեպ հավատքի միջոցով վախը հաղթահարելու մասին հայտարարությունները:
Հիսուս Քրիստոսի հանդեպ հավատքը պահպանելու օրինակ
Որպեսզի օգնեք ուսանողներին հասկանալ, որ մենք կարող ենք պահպանել մեր հավատքը Հիսուս Քրիստոսի հանդեպ, նույնիսկ եթե բուժումը տեղի է ունենում ոչ այնպես, ինչպես մենք էինք սպասում, կարող եք դիտել, թե ինչպես է Յոթանասունի անդամ՝ Երեց Շայնե Մ. Բոուենը պատմում այն դժվար պահի մասին, երբ Տերը բուժում է նրա սիրտը: Դիտեք Because I Live, Ye Shall Live Also տեսաֆիլմը ChurchofJesusChrist.org կայքում, 4:04-ից մինչև 10:57-ը: