Iloiloga o le Atamai i Aoaoga Faavae 22
Tauloto Tusi Faasino ma Fasifuaitau Autu o Mau
Pe na i ai se taimi na e mafaufau ai pe aisea e taua tele ai le taulotoina o mau? O le taulotoina o mau e mafai ona fesoasoani ia te oe e maua ai musumusuga, manatua ai le Faaola, ma aoao atu ai le talalelei i isi. Ua faamoemoeina lenei lesona e fesoasoani ia te oe e tauloto ni nai tusi faasino o mau ma fasifuaitau autu o mau mai fuaitau o le atamai i aoaoga faavae i le Feagaiga Fou.
Tapueina o se siosiomaga saogalemu mo aoaoga o le taliaina ma le faaaloalo. A iloa e tagata aoga e alofagia i latou ma taliaina e lo latou faiaoga ma isi tagata aoga, o le a sili atu ona latou o mai i le vasega ua sauni e aoao ma fesoasoani i tulaga tau i le aoaoga. Vaavaai mo ni auala e fesoasoani ai i tagata aoga ia lagona le alofaina ma fesoasoani ia i latou ia faaali atu ma le tatau le alofa o le tasi i le isi.
Sauniuniga a le tagata aoga: Valaaulia tagata aoga e talanoa ma se tagata o le aiga po o se uo e uiga i le auala na musuia ai e le taulotoina o mau lena tagata o le aiga po o se uo pe fesoasoani ia i latou e latalata atili atu ai i le Faaola.
Gaoioiga e ono Mafai Ona Aoao Ai
Aisea e tauloto ai mau?
O se lesona i fuaitau o le atamai i aoaoga faavae atonu e manaomia ona aoao atu e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.
Vaai faalemafaufau faapea o loo e auai i se suesuega mo le mekasini o le Mo le Malosi o le Autalavou. E faapefea ona e tali atu pe afai e fesili atu ia te oe le fesili lenei?
-
O a mafuaaga pito maualuga e lima mo le taulotoina o mau?
E mafai ona mafaufau tagata aoga e uiga i mea na latou aoaoina i le taimi o le gaoioiga sauniuni a le tagata aoga a o latou tali atu i le fesili.
E tele mafuaaga lelei e tauloto ai mau. O mau ua taulotoina e mafai ona pei o ni uo e mafai ona tuuina mai ia i tatou musumusuga, faamafanafanaga, ma uunaiga i taimi e manaomia ai (tagai i le Richard G. Scott, “O Le Mana o Tusitusiga Paia,” Ensign po o le Liahona, Nov. 2011, 6). O le taulotoina o mau e mafai ona fesoasoani ia i tatou e “vaai atu ai i [le Faaola] i mafaufauga uma” ( Mataupu Faavae ma Feagaiga 6:36). O le taulotoina o mau e mafai ona fesoasoani ia i tatou e “maua ai le afioga [a le Atua]” ina ia mafai ai ona tatou aoao atu isi ( Mataupu Faavae ma Feagaiga 11:21).
-
E mafai faapefea e le taulotoina o mau ona aafia ai lau sootaga ma Iesu Keriso?
Tauloto fuaitau
Faaaoga ni nai minute e tauloto pe toe faamanatu ai tusi faasino o mau ma fasifuaitau autu o mau nei o le atamai i aoaoga faavae o le Feagaiga Fou. O le taimi lava e te lagona ai le mautinoa ua e iloa nei tusi faasino ma fasifuaitau autu, filifili se tasi pe sili atu o gaoioiga nei e suesue ai lou manatua.
Faaali le siata lenei, pe tuuina atu i tagata aoga o se pepa e tufa atu.
Atamai i Aoaoga Faavae mo le Feagaiga Fou: 1 Korinito–Faaaliga
|
“O lou tino o le malumalu o le Agaga Paia.” | |
|
“E leai se tane pe a le o i ai le fafine, e leai foi se fafine pe a le o i ai le tane, i le Alii.” | |
|
“Aua faapei ona oti uma ia Atamu, e faapea foi ona faaolaina uma ia Keriso.” | |
|
I le Toetu, e tolu tikeri o le mamalu o iai. | |
|
“I le tisipenisione o le atoaga o taimi, o le a faapotopoto faatasi ai e le Atua mea uma ia Keriso.” | |
|
O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” | |
|
“O le aso o Keriso … e le oo mai lena aso, seia muai ona taunuu o le tete’a ese.” | |
|
“O tusi paia … e mafaia ona faapoto ai ia te oe e iu ai i le faaolataga.” | |
|
O lo tatou Tama Faalelagi o “le Tama o agaga.” | |
|
“A e afai ua leai se poto i so outou, ina ole atu ia i le Atua.” | |
|
“O le faatuatua, pe afai e le i ai ni galuega, e mate lava.” | |
|
“[Na] folafola atu foi le talalelei i e ua oti.” | |
|
“Ona faamasinoina ai lea o e ua oti … e tusa ai ma a latou amio.” |
Filifiliga 1: Tusi se ata
Valaaulia se tagata aoga e filifili se fuaitau o le atamai i aoaoga faavae e aunoa ma le ta‘u atu i isi tagata aoga po o le a le fuaitau. Ona tusi lea e le tagata o le vasega ni ata faailoilo (e aunoa ma le faaaogaina o fuainumera po o mataitusi) seia oo ina faailoa mai e se isi tagata aoga le mau sa‘o ma le fasifuaitau autu. E mafai e tagata aoga ona latou faia lenei mea ma se paga, i vaega laiti, pe o le vasega atoa. A uma le galuega faatino, e mafai e tagata aoga ona latou talanoaina le fesili lenei o se vasega pe i ni vaega laiti.
-
O le a sou manatu e mafai faapefea ona avea se mau ua taulotoina e pei o se uo e mafai ona tuuina atu ia te oe musumusuga, faamafanafanaga, ma uunaiga i taimi e manaomia ai?
Filifiliga 2: Ia tusia
Mafaufau e vaevae tagata aoga i ni vaega laiti. Tuu atu i vaega taitasi se lau pepa. Valaaulia tagata o le vaega e filifili se fuaitau o le atamai i aoaoga faavae. Ona mafai lea ona latou feauauai e tusi se upu se tasi i se taimi e tasi o le mau faasino ma le fasifuaitau autu o le mau. A uma ona tusi e se tagata o le vaega se upu, ona latou pasi atu lea o le pepa i le isi tagata o le vaega, o le e tusia le upu e sosoo ai, seia oo ina sa‘o ona tusia e le vaega le mau atoa ma le fasifuaitau o le mau. E mafai e vaega ona toe fai lenei gaoioiga ma fua le taimi latou te iloa ai po o le a le tele o lo latou alualu i luma. A uma le galuega faatino, e mafai e tagata aoga ona latou talanoaina mea sa latou tusia o se vasega pe i ni vaega laiti.
-
O le a sou manatu e mafai faapefea e le taulotoina o mau ona fesoasoani ia te oe e “vaai atu ai i [le Faaola] i mafaufauga uma”? ( Mataupu Faavae ma Feagaiga 6:36).
Filifiliga 3: Faaigoa le tusi faasino o le mau
Vaevae le vasega taitoalua po o ni vaega laiti. Valaaulia se tagata aoga se toatasi e faasoa mai pe fia ni upu mai se fasifuaitau autu o se mau latou te manatu e manaomia ona latou mateina ai le mau. Ona filifili lea e se isi tagata aoga se fasifuaitau autu o le mau ma faitau leotele le aofaiga o upu mai le fasifuaitau autu o le mau. Ona taumafai lea o le tagata aoga muamua e faailoa mai le tusi faasino o le mau. E mafai e tagata aoga ona toe fai mai lenei gaoioiga i le tele o taimi latou te fiafia ai ma sui le aofai o upu e faitauina mai le fasifuaitau autu o le mau. A uma le galuega faatino, e mafai e tagata aoga ona latou talanoaina le fesili lenei o se vasega pe i ni vaega laiti.
-
O le a sou manatu e mafai faapefea e le taulotoina o mau ona fesoasoani ia te oe e saunia ai e faasoa atu le talalelei i isi?
Mafaufau i lou aafiaga
-
O a gaoioiga na e faaaogaina e fesoasoani ai ia te oe e tauloto ia mau faasino o mau ma fasifuaitau autu o mau?
-
Po o a mai lau faatinoga o le taulotoina o mau faasino ma fasifuaitau autu o mau mo fuaitau o le atamai i aoaoga faavae o le Feagaiga Fou? O le a lau fuafuaga mo le taulotoina o mau o loo e galue ai pea?
-
O le a sou manatu e mafai faapefea e le taulotoina o mau ona faamanuiaina ai lou olaga?