Վարդապետության սերտման կրկնություն 19

Անգիր սովորեք հղումները և սուրբ գրությունների հիմնական արտահայտությունները

Սուրբ գրությունների հատվածները և դրանց ուսուցանած ճշմարտությունները անգիր սովորելը կարող է շատ օգտակար լինել ձեզ համար: Այս դասի նպատակն է օգնել ձեզ մտապահել Նոր Կտակարանի վարդապետության սերտման սուրբ գրությունների հղումներից և հիմնական արտահայտություններից մի քանիսը: 

Ուսանողի նախապատրաստում. Ուսանողներին տրամադրեք ստորև ներկայացված հղումների և հիմնական արտահայտությունների աղյուսակը և առաջարկեք նրանց մտապահել հնարավորինս շատ հղումներ և հիմնական արտահայտություններ: Ուսանողները կարող են նաև օգտագործել Վարդապետության սերտման հավելվածը: Որպես այլընտրանք, ուսանողները կարող են փորձել մտապահել ամբողջ հատվածը:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:

Անգիր սովորեք սուրբ գրությունների հիմնական արտահայտությունները

• Փրկիչն ինչպե՞ս է օգտագործել սուրբ գրությունները Իր մահկանացու կյանքի ընթացքում:

Երբ Փրկիչը գայթակղվում էր սատանայի կողմից, Նա օգտագործեց սուրբ գրությունների ճշմարտությունները՝ այդ գայթակղությունները հաղթահարելու համար ( Մատթեոս 4.1-11): Նա հաճախ էր օգտագործում սուրբ գրություններն Իր ուսմունքներում (տես Ղուկաս 4.17–27 , Մատթեոս 19.4–5 , Մատթեոս 24.37–40 , Մարկոս 12.26) Այս դասում ներկայացված վարդապետության սերտման հղումները և հիմնական արտահայտությունները անգիր սովորելիս մտածեք, թե այդ հատվածներն ինչպես կարող են օգնել ձեզ և ուրիշներին: Եթե դուք դեռ չեք նշել այս հատվածները և դրանց հիմնական արտահայտությունները, արեք դա:

Կարող եք նաև փոխարինել հետևյալ հղումները և հիմնական արտահայտությունները վերջերս սովորած հատվածներով:

Սուրբ գրության հղումը	Սուրբ գրության հիմնական արտահայտությունը
Եբրայեցիս 12.9	Աստված «հոգիների Հայրն է»:
Հակոբոս 1.5–6	«Եթե մեկը ձեզանից իմաստութեան պակասություն ունի, թող խնդրէ Աստուածանից»:
Հակոբոս 2.17–18	«Հաւատքը, եթէ գործ չ’ունենայ, ըստ ինքեան մեռած է»։
Ա Պետրոս 4.6	«Ավետարանը մեռելներին էլ [քարոզվեց]»։
Հայտնություն 20.12	«Մեռելները դատվեցան … իրանց գործերի համեմատ»:

Ձեր օրագրում կրկնօրինակեք նախորդ աղյուսակը: Գրելիս խոսքերը բարձրաձայն արտասանելով՝ կօգնեք ձեզ հեշտությամբ հիշել դրանք: Բարձրաձայն կրկնեք հղումները և հիմնական արտահայտությունները:

Մտածեք, թե հետևյալ տարբերակներից որն է լավագույնը ուսանողների համար:

Կատարեք այս վարժություններից առնվազն երկուսը.

ա. Տպեք հղումները և հիմնական արտահայտությունները՝ դրանք մտապահելու համար: Այնուհետև փակեք հղումները և փորձեք արտաբերել դրանք՝ նայելով միայն հիմնական արտահայտություններին: Այնուհետև փակեք հիմնական արտահայտությունները և փորձեք արտաբերել դրանք՝ նայելով միայն հղումներին:

բ. Զուգընկերոջ հետ աշխատելիս սկզբում բարձրաձայնեք հղումը և թող զուգընկերը արտասանի համապատասխան հիմնական արտահայտությունը: Կրկնեք դա մի քանի անգամ յուրաքանչյուր հղման և հիմնական արտահայտության համար՝ փորձելով անգիր սովորել հղումներն ու հիմնական արտահայտությունները: Այնուհետև փորձեք դա անել առանց աղյուսակին նայելու: Այնուհետև փոխվեք դերերով։

Նախորդ վարժությունը կարող է հարմարեցվել այնպես, որ ուսանողների տարբեր խմբեր փորձեն կատարել կրկնությունը կարճ ժամանակահատվածում (օրինակ՝ 20 վայրկյանում): Կամ ուսուցիչը կարող է ստանձնել դերերից մեկը, իսկ ամբողջ դասարանը՝ մյուսը:

գ. Մի քանի րոպե հատկացրեք հղումները և հիմնական արտահայտությունները մտապահելուն, ապա փորձեք լրացնել դատարկ տեղերը հետևյալ անավարտ հղումներում և հիմնական արտահայտություներում: Կարող եք նաև օգտագործել Վարդապետության սերտման հավելվածը:

Կարող եք գրել հետևյալ անավարտ հղումները և հիմնական արտահայտությունները գրատախտակին կամ թերթիկների վրա, որպեսզի ուսանողների խմբերը դրանք միասին լրացնեն:

• Եբրայեցիս ___.9. Աստված __ _____ է:

• __________ 1.5–6 Եթե ___ ____ _______ պակասություն ունի, թող խնդրէ Աստուածանից:

• Հակոբոս 2․___–____: Հաւատքը, __ ____ չ’ունենայ, _____ ____ ______ է:

• Ա Պետրոս ___.6 ______ ________ էլ [քարոզվեց]:

• ________________ 20.12 Մեռելները դատվեցան … ____ գործերի ____:

դ. Ընտրեք վարդապետությունների սերտման հատվածներից մեկը և փորձեք այն ամբողջովին մտապահել:

ե. Գրեք հնարավորինս շատ հղումներ և հիմնական արտահայտություններ:

Խորհեք

Ընտրեք հատվածներից մեկը կամ երկուսը և կարդացեք ամբողջը: Մտածեք, թե ինչու արժե հիշել այդ հատվածը:

• Այս հինգ հատվածներում ուսուցանված ճշմարտություններից ո՞րն է առավել իմաստալի ձեզ համար: Ինչո՞ւ։

• Ինչպե՞ս կարող եք օգնել ուրիշներին այս ճշմարտությունների միջոցով:

• Ի՞նչ կարող եք անել՝ վարդապետության սերտման հատվածները ավելի լավ հիշելու և կիրառելու համար: