Two young women sit together on a bench. One of the young women appears to be distraught, sad, or concerned about something. The other young woman is showing concern and appears to be trying to comfort the other.
Մենք բոլորս ունենում ենք ցավեր, վիշտ, անհաջողություններ, խոչընդոտներ, անհանգստություն և հիվանդություններ: Երբ Կորնթոսի բնակիչները դժվարության մեջ էին, Պողոսը գրեց Եկեղեցու այնտեղ բնակվող անդամներին, որպեսզի նրանք աջակցեն ու խորհուրդ տան մարդկանց: Նա վկայեց այն մխիթարության և խաղաղության մասին, որը մատչելի է Երկնային Հոր և Հիսուս Քրիստոսի շնորհիվ (տես Բ Կորնթացիս 1․3-4): Այս դասը կարող է օգնել ձեզ հասկանալ, թե Աստված ինչպես է սփոփում Իր զավակներին, և դուք ինչպես կարող եք Նրա սփոփանքով կիսվել ուրիշների հետ:
Օգտագործեք առարկաներ և նկարներ Ավետարանի որոշ գաղափարներ կարող են դժվար հասկանալի լինել: Առարկայական դասերը արդյունավետ եղանակ են, քանի որ օգնում են ուսանողներին հասկանալ հոգևոր սկզբունքները:
Ուսանողի նախապատրաստում. Ուսանողներին առաջարկեք մտածել, թե իրենք ինչպես են մխիթարություն ստանում, երբ իրենց կյանքում ինչ-որ բան սխալ է ընթանում: Հնարավորության դեպքում խրախուսեք նրանց նկար կամ առարկա բերել, որը սփոփանքի աղբյուր է հանդիսանում նրանց համար:
Հնարավոր ուսումնական վարժություններ
Ի՞նչն է ձեզ մխիթարություն պարգևում
Եթե ուսանողները նախապատրաստվել են դասին, առաջարկեք նրանց դասարանին ցույց տալ իրենց բերած առարկան և բացատրել, թե այն ինչպես է մխիթարում իրենց:
Դժվար պահերին ինչի՞ն կամ ո՞ւմ եք դիմում մխիթարության համար:
Ի՞նչն է կամ ո՞վ է ձեզ ամենից շատ մխիթարում: Ինչո՞ւ։
Թվարկեք ներկա կամ ապագա իրավիճակները, որոնցում դուք կարող եք օգնության կամ սփոփանքի կարիք ունենալ:
Խորհեք հետևյալ հարցերի շուրջ.
Ինչո՞ւ եք դուք վստահ, որ Երկնային Հայրը և Հիսուս Քրիստոսը կարող են մխիթարել ձեզ Սուրբ Հոգու պարգևի միջոցով:
Ինչպե՞ս եք ձեզ զգում, երբ ճանաչում եք և ստանում այն մխիթարությունը, որը Երկնային Հայրը և Հիսուս Քրիստոսը առաջարկում են Սուրբ Հոգու միջոցով:
Ինչպե՞ս կարող եք այդ մխիթարությունը կիսել ուրիշների հետ:
Այս դասն ուսումնասիրելիս փնտրեք նախորդ հարցերի պատասխանները:
Պողոսը ցանկանում էր սփոփել Կորնթացի սրբերին իրենց փորձություններում
Մակեդոնիա այցելելիս Պողոսը նամակ ստացավ Տիտուս անունով աշակերտից այն մասին, որ նրա նախորդ նամակը լավ ընդունվեց Կորնթացի սրբերի կողմից (տես Բ Կորնթացիս 2.13 , 7.5): Պողոսը նաև իմացավ այդ սրբերի հարատև մարտահրավերների մասին ու նրանց ևս մեկ նամակ գրեց (Բ Կորնթացիս)՝ առաջարկելով մխիթարություն և լուծում նրանց խնդիրներին:
Ի՞նչ եք հիշում Կորնթոսի և այնտեղ բնակվող սրբերի դժվարությունների մասին:
Եթե ուսանողները դժվարանան պատասխանել, հիշեցրեք նրանց, որ Կորնթոսը մեծ, հարուստ քաղաք էր, որը հայտնի էր կռապաշտությամբ և անբարոյականությամբ: Տեղացի սրբերը ձգտում էին միասնական մնալ, ընդունել Աստծո իմաստության առավելությունը կեղծ ուսմունքների նկատմամբ և պահել մաքրաբարոյության օրենքը:
Կարդացեք Բ Կորնթացիս 1.1-4 հատվածները՝ ուշադրություն դարձնելով այն բանին, թե Պողոսն ինչպես է սկսում Կորնթացի սրբերին ուղղված իր երկրորդ նամակը:
Կարող եք ուսանողներին խնդրել բացահայտել այն անունները, որոնք Պողոսը օգտագործել է Երկնային Հոր մասին խոսելիս և այնուհետև գրել այդ անունները գրատախտակին:
Ի՞նչը գրավեց ձեր ուշադրությունը, երբ կարդացիք, թե Պողոսն ինչպես ներկայացրեց Երկնային Հորը Սրբերին:
Պողոսը ի՞նչ անուններ կամ տիտղոսներ օգտագործեց Երկնային Հոր մասին խոսելիս, որոնք գրավեցին ձեր ուշադրությունը:
Այդ անուններն ու տիտղոսներն ի՞նչ են ուսուցանում ձեզ Երկնային Հոր մասին:
Ի՞նչ ճշմարտություն է Պողոսն ուսուցանել հատված 4 -ում:
Մխիթարություն ստացեք Երկնային Հորից և օգնեք ուրիշներին ստանալ այն
Հավանաբար հատված 4 -ում դուք բացահայտել եք հետևյալ ճշմարտությունը. Երբ փորձությունների ժամանակ մենք ստանում ենք Երկնային Հոր մխիթարությունը, մենք ավելի լավ կարող ենք օգնել ուրիշներին նույնպես ստանալ այն:
Մինչ ուսանողները բացահայտում են Բ Կորնթացիս 1.4 հատվածում ներկայացված ճշմարտությունը, առաջարկեք նրանց համեմատել այն Մոսիա 18.8-10 հատվածների հետ և նմանություններ գտնել:
Կարող եք կիսվել Երեց Գարի Ի. Ստիվենսոնի մեջբերումով, որը կարող եք գտնել դասի վերջում գտնվող «Բացատրական և պատմական տեղեկություններ» բաժնում և պատասխանել հետևյալին:
Ձեր կարծիքով, ի՞նչ է նշանակում «մխիթարել նորանց որ ամեն տեսակ նեղութիւնում են» ( հատված 4):
Ձեր կարծիքով, ինչո՞ւ է դա ակնկալվում Հիսուս Քրիստոսի աշակերտներից:
Երբ եք դուք կամ ձեր ծանոթը օգնություն և մխիթարություն ստացել Երկնային Հորից փորձության ժամանակ:
Ի՞նչ սովորեցիք այդ փորձառությունից:
Ձեր կարծիքով, ի՞նչ կարող եք անել, որպեսզի Աստծուց ավելի շատ մխիթարություն ստանաք, երբ դուք դրա կարիքն ունեք:
Եթե ուսանողների պատասխանները շատ անձնական չեն, խնդրեք մի քանի ուսանողների կիսվել իրենց փորձառություններով: Ուսանողների համար կարող է օգտակար լինել լսել, թե Երկնային Հայրը ինչպես է սփոփում մեզ: Կարող եք անձնական վկայություն կամ փորձառություն ավելացնել:
Կարդացեք Նախագահ Սպենսեր Վ. Քիմբալի (1895–1985) հետևյալ հայտարարությունը.
Նկար
Portrait painting of President Spencer W. Kimball.
Աստված տեսնում է մեզ, և նա հսկում է մեզ: Բայց հիմնականում մեկ այլ անձնավորության միջոցով է Նա բավարարում մեր կարիքները: Ուստի, կարևոր է, որ մենք ծառայենք միմյանց արքայությունում:
Առկայության դեպքում դիտեք «Աստված մեզ կբարձրացնի» տեսանյութը (4:58) ChurchofJesusChrist.org կայքում: Այն պատմում է Բրիտանի անունով մի երիտասարդ կնոջ մասին, որը իր առողջական վիճակի վրա կենտրոնանալու փոխարեն մխիթարություն է գտել ուրիշներին ծառայելու և Տիրոջը վստահելու մեջ:
Ձեր կարծիքով, Երկնային Հայրն ինչո՞ւ է հաճախ օգտագործում մեզ, որպեսզի մենք օգնենք փորձություններով անցնող մարդկանց զգալ Նրա սերը և մխիթարությունը:
Հիշեք որևէ մեկին, ով այժմ դժվարության մեջ է: Աղոթքով մտածեք, թե դուք ինչպես կարող եք օգնել նրան զգալ Երկնային Հոր մխիթարությունը և արեք հետևյալը.
Ա. Մտածեք, թե ինչ եք սովորել Բ Կորնթացիս 1.1-4-ում, որը կարող է օգտակար լինել այդ մարդուն:
Բ. Կարդացեք հետևյալ հատվածներից երկուսը կամ մի քանիսը, որոնք պարունակում են Պողոսի՝ Կորնթացիներին ուղղված լրացուցիչ ուսմունքները փորձությունների մասին: Գտեք մի արտահայտություն կամ հատված, որը, ձեր կարծիքով, իմաստալի կլինի այդ մարդու համար:
Գ. Արեք մի բան, որպեսզի օգնեք այդ մարդուն զգալ Երկնային Հոր մխիթարությունը: Կարող եք աղոթել նրա համար, ինչպես Կորնթացի սրբերը աղոթեցին Պողոսի համար (տես Բ Կորնթացիս 1.11): Կարող եք նաև խրախուսող նամակ գրել այդ մարդուն, ինչպես Պողոսն արեց, չնայած ձեր ուղերձը կարող է լինել ոչ թե նամակի, այլ տեքստի, էլեկտրոնային նամակի կամ հաղորդագրության տեսքով: (Կարող եք ներառել այն, ինչ սովորել եք այս դասի ժամանակ Բ Կորնթացիս 1.4 հատվածից, ինչպես նաև ձեր անձնական փորձառությունները):
Դ. Կազմեք լրացուցիչ ծրագրեր՝ այդ մարդուն օգնելու համար: Երկնային Հայրը կարող է հուշել ձեզ լրացուցիչ գործողություններ կատարել, օրինակ՝ այցելել այդ մարդուն կամ ծառայել նրան որևէ ձևով: Այդ ծրագրերը գրեք այնպիսի մի տեղում, որ հիշեք դրանց մասին, օրինակ՝ օրացույցում, սմարթֆոնում կամ երևացող տեղում փակցված թղթի վրա:
Ուսանողներին բավարար ժամանակ տալուց հետո առաջարկեք նրանց կիսվել իրենց ծրագրած գործողություններից մեկով: Չնայած ուսանողները կարող են պատմել այդ մարդու փորձության կամ հանգամանքների մասին, հիշեցրեք նրանց, որ նրանք չպետք է նշեն, թե ով է այդ մարդը կամ չպետք է կիսվեն այնպիսի մանրամասներով, որ մնացած ուսանողները կռահեն, թե ով է նա:
Վկայեք այս դասի ընթացքում ուսուցանվող սկզբունքների մասին և ուսանողներին հորդորեք կատարել այդ մարդուն մխիթարելու իրենց ծրագրերը:
Բացատրական և պատմական տեղեկություններ
Բ Կորնթացիս 1․4 Տերն ինչո՞ւ է ակնկալում, որ մենք օգնենք և մխիթարենք կարիքի մեջ գտնվող մարդկանց
Տասներկու Առաքյալների Քվորումից երեց Գարի Ի. Ստիվենսոնը ուսուցանել է.
Նկար
Official portrait of Elder Gary E. Stevenson of the Quorum of the Twelve Apostles, 2015.
Մկրտության ջրերից դուրս գալու պահից ի վեր մենք հանձնառություն ունենք այս աշխատանքի համար: Մենք սիրով օգնության ենք հասնում մարդկանց, քանի որ մեր Փրկիչն է պատվիրել այդպես վարվել: … Երբ մեր հարևանները նյութական կամ հոգևոր փորձանքի մեջ են, մենք օգնության ենք շտապում: Մենք կրում ենք մեկս մյուսի բեռները, որ դրանք թեթև լինեն: Մենք սգում ենք նրանց հետ, ովքեր սգում են։ Մենք մխիթարում են նրանց, ովքեր մխիթարության կարիք ունեն: Տերը սիրով ակնկալում է դա մեզանից։ Եվ կգա օրը, երբ մենք պատասխանատու կհամարվենք Նրա հոտը սպասասավորելու պարտականության համար:
Բ Կորնթացիս 4.17 Պողոսն ի՞նչ նկատի ուներ, երբ մեր մահկանացու մարտահրավերները «թեթեւ նեղութիւն» կոչեց
Յոթանասունի Նախագահությունից երեց Փոլ Վ. Ջոնսոնը ուսուցանել է.
Նկար
Elder Paul V. Johnson of the Quorum of the Seventy takes an official portrait, 2021.
Խնդիրների մեջ գրեթե անհնարին է տեսնել, որ եկող օրհնությունները մեծապես գերազանցում են ցավին, վիրավորանքին կամ վշտին, որը մենք կարող ենք ունենալ այդ ժամանակ: Պողոս Առաքյալը ուսուցանել է, «Որովհետև մեր այժմեան թեթեւ նեղութիւնը, ամենագերազանց յաւիտենական փառքի մեծութիւն է գործում մեզ համար» [ Բ Կորնթացիս 4.17 ]: Հետաքրքիր է, որ Պողոսը օգտագործում է «թեթեւ նեղութիուն» արտահայտությունը: Սա գալիս է մի մարդուց, որին ծեծել էին, քարկոծել էին, որը նավաբեկության էր ենթարկվել, բանտարկվել և տարել էր շատ այլ փորձություններ: Ես կասկածում եմ, թե մեզանից շատերը մեր փորձությունները համարեն «թեթեւ նեղութիուն»: Այնուամենայնիվ, համեմատած օրհնությունների և աճի հետ, որ մենք ի վերջո ստանում ենք և այս կյանքում, և հավերժության մեջ, մեր նեղությունները իրոք թեթև են: …
Երբեմն մենք ցանկանում ենք աճ ունենալ առանց դժվարությունների և ուժ ձեռք բերել առանց որևէ պայքարի: Բայց աճը չի կարող գալ հեշտ ճանապարհ ընտրելով: Մենք պարզ կերպով հասկանում ենք, որ մարզիկը, որը ընդդիմանում է խստապահանջ մարզմանը, երբեք չի դառնա համաշխարհային մակարդակի մարզիկ: Մենք պետք է զգույշ լինենք, որ հեռու չվանենք այն բաները, որոնք մեզ օգնում են ձեռք բերել աստվածային բնություն:
Ուսանողներին առաջարկեք գտնել այլ պատմություններ սուրբ գրություններում կամ Եկեղեցու պատմության մեջ, որոնք ցուցադրում են, որ Երկնային Հայրը կարող է մխիթարել: Օրինակ՝ ուսանողները կարող են ամփոփել Մորմոնի Գրքի պատմությունը այն մասին, թե Տերն ինչպես է թեթևացրել Ալմայի ժողովրդի բեռները, երբ նրանք լամանացիների գերության մեջ էին (տես Մոսիա 24), կամ նրանք կարող են քննարկել, թե Տերը ինչպես մխիթարեց Ջոզեֆ Սմիթին Լիբերթիի բանտում ( Վարդապետություն և Ուխտեր 121): Ուսանողներին ժամանակ տվեք կիսվելուց առաջ փնտրել սուրբ գրությունները և այլ նյութեր:
Մխիթարություն Հիսուս Քրիստոսի միջոցով
Ուսանողներին հարցրեք, թե նրանք ինչու են կարծում, որ Երկնային Հայրը հաճախ օգտագործում է իրենց՝ ուրիշներին մխիթարելու համար, և խնդրեք նրանց կարդալ Բ Կորնթացիս 1.5-7-ը և այնտեղ գտնել Երկնային Հոր կողմից տրամադրված այլ աղբյուրը՝ Փրկիչ Հիսուս Քրիստոսին: Ուսանողներին հարցրեք, թե ինչու են նրանք զգում, որ Հիսուս Քրիստոսը մխիթարության զորեղ աղբյուր է փորձությունների ժամանակ: Ուսանողներին առաջարկեք համեմատել այս հատվածները Ալմա 7.11-13 հատվածների հետ:
