Ուրիշներին ներելը կարող շատ դժվար լինել: Պողոսը գրել է Կորնթացի սրբերին իրենց համայնքում օրինախախտին ներելու մասին: Պողոսը նրանց առաջարկեց ներել՝ ոչ միայն այդ մարդու, այլ նաև իրենց սեփական օգուտի համար: Այս դասն ուսումնասիրելիս փորձեք ավելի լավ հասկանալ ներման և ուրիշներին ներելու ձեր ցանկության կարևորությունը:
Խրախուսեք սուրբ գրությունների ամենօրյա ուսումնասիրումը Խրախուսեք ամեն օր սուրբ գրությունները ուսումնասիրելու սովորությունը: Քիչ գործոններ կան, որոնք կունենան ավելի զորեղ ու տևական ազդեցություն ուսանողների կյանքի վրա, քան ուսանողներին տրված օգնությունը՝ սուրբ գրություններից սովորելու, դրանք սիրելու և ամեն օր ուսումնասիրելու գործում։
Ուսանողի նախապատրաստում. Ուսանողներին առաջարկեք նախապատրաստվել դասին և օրինակ բերել մի ծանոթի, որը Քրիստոսանման ներում է ցուցաբերել ուրիշ մարդու նկատմամբ:
Հնարավոր ուսումնական վարժություններ
Հետևյալ հարցերը կարող են օգնել ուսանողներին մտածել իրենց կյանքում ներման դերի մասին: Ներման թեման կարող է զգայուն լինել որոշ ուսանողների համար: Պատրաստ եղեք հետևելու Սուրբ Հոգու հուշումներին և սիրով ու ըմբռնումով ուսուցանեք այս սկզբունքները:
Ինչպե՞ս կարձագանքեիք
Պատկերացրեք, թե դուք կամ ձեզ շրջապատող մարդիկ ինչպես կարձագանքեին հետևյալ իրավիճակներին.
Հայտնի է դարձել, որ ձեր ծխի կամ ճյուղի անդամը լուրջ մեղք է գործել, օրինակ՝ խախտել է մաքրաբարոյության օրենքը:
Ձեր ծխի կամ ճյուղի անդամներից մեկը բացահայտ կերպով ընդդիմացել է Եկեղեցու ղեկավարներին:
Պատասխանեք հետևյալ հարցերին.
Եթե նույնիսկ այս սցենարներում նկարագրված մարդիկ հանդիպել են Եկեղեցու ղեկավարների հետ և փորձել են զղջալ, ուրիշներն ինչպե՞ս կխոսեն նրանց մասին կամ կվերաբերվեն նրանց:
Ինչո՞ւ որոշ մարդկանց համար դժվար կլինի նրանց սիրով և ներողամտությամբ վերաբերվել:
Բ Կորնթացիս 2 գլխում Պողոսը նկարագրել է նմանատիպ իրավիճակ Կորնթոսում, երբ մի մարդ խախտել էր օրենքը և պատժվել Եկեղեցու անդամների կողմից:
Խորհեք, թե դուք ինչպես եք վերաբերվում մեղանչող մարդկանց: Խորհեք Տասներկու Առաքյալների Քվորումից երեց Ջեֆրի Ռ. Հոլլանդի հետևյալ հայտարարության շուրջ․
Նկար
Official Portrait of Elder Jeffrey R. Holland. Photographed January 2018.
Կա՞ ինչ-որ մեկը ձեր կյանքում, որը, գուցե, ներման կարիք ունեի: Կա՞ ինչ-որ մեկը ձեր տանը, ընտանիքում, հարևանությամբ, որը որևէ անարդար, ոչ բարի կամ Քրիստոնյային ոչ վայել արարք է թույլ տվել: Մենք բոլորս կատարում ենք այդպիսի օրինազանցություններ, ուստի դեռ կա ինչ-որ մեկը, որը ձեր ներման կարիքն ունի:
(Ջեֆրի Ռ. Հոլլանդ, «Ես մնում եմ զարմացած», Ensign, օգոստոս 1986, 72)
Այս դասն ուսումնասիրելիս փնտրեք Սուրբ Հոգու օգնությունը, որպեսզի ավելի լավ հասկանաք Քրիստոսանման ներման կարևորությունը և դուք ինչպես կարող եք ներել ուրիշներին:
Պողոսը ուսուցանել է ներման մասին
Ուսանողները կարող են կատարել հետևյալ վարժությունը փոքր խմբերով, զույգերով կամ ինքնուրույն:
Կարդացեք Բ Կորնթացիս 2.5-11-ը և տեսեք, թե որ ճշմարտություններն են համապատասխանում հետևյալ անվանակարգերին.
Մենք ինչպե՞ս պետք է վերաբերվենք այն մարդուն, որը մեզ վիշտ է պատճառել:
Մենք ինչո՞ւ պետք է այդպես վերաբերվենք մարդկանց:
Ի՞նչ սովորեցիք այդ հատվածի ուսումնասիրությունից:
Մինչ ուսանողները կիսվեն իրենց սովորածով, գրատախտակին գրեք իրենց կողմից հայտարարված ճշմարտությունները:
Այս հատվածում դուք կարող եք բացահայտել հետևյալ երկու սկզբունքները. Փրկիչ Հիսուս Քրիստոսի միջոցով մենք կարող ենք ներել և սիրով օգնության հասնել ուրիշներին, և եթե մենք չենք ներում ուրիշներին, սատանան առավելություն կունենա մեր նկատմամբ:
Ինչպե՞ս կարող եք ներել, մխիթարել կամ հաստատել ձեր սերը որևէ մեկի հանդեպ, որը մեղանչել է կամ չար արարք է գործել:
Ձեր կարծիքով, ինչո՞ւ է Փրկիչ Հիսուս Քրիստոսը ցանկանում, որ մենք ներենք և սեր ցուցաբերենք միմյանց հանդեպ: Նա ինչպե՞ս կարող է օգնել մեզ այս գործում:
Յոթանասունից երեց Մասիմո Դե Ֆեոն ուսուցանել է․
Նկար
Official Portrait of Elder Massimo De Feo Photographed March 2017.
Ճշմարիտ աշակերտները սիրում են ներել: Նրանք գիտեն, որ Փրկիչի Քավությունը ծածկում է մեզանից յուրաքանչյուրի բոլոր մեղքերն ու սխալները: Նրանք գիտեն, որ գինը, որ Նա վճարեց «ամեն ինչ ներառող գին է»: Հոգևոր հարկերը, վճարները, տուգանքներն ու մեղադրանքները՝ կապված մեղքերի, սխալների և անիրավությունների հետ, բոլորը ծածկվում են: Ճշմարիտ աշակերտները արագ են ներում և արագ են ներողություն խնդրում:
Իմ սիրելի՛ եղբայրներ և քույրեր, եթե դուք մաքառում եք, որ ուժ գտնեք ներելու համար, մի մտածեք, թե ինչ են ուրիշներն արել ձեզ համար, այլ մտածեք, թե ինչ է Փրկիչն արել ձեզ համար, և դուք խաղաղություն կգտնեք Նրա Քավության փրկագնող օրհնություններում:
Եթե ուսանողները նախապատրաստվել են դասին, կարող եք նրանց տալ հետևյալ հարցերը և առաջարկել կիսվել իրենց պատրաստածով: Ուսանողներին հիշեցրեք, որ նրանք չկիսվեն խիստ անձնական փորձառություններով:
Ե՞րբ եք տեսել, թե ինչպես է որևէ մեկը ներում ուրիշին և այնուհետև սիրով օգնության հասնում նրան:
Ինչպե՞ս է չներելը «սատանային առավելություն տալիս մեր նկատմամբ»: ( Բ Կորնթացիս 2.11):
Հետևյալ վարժության միջոցով ուսանողներին օգնեք հասկանալ, թե ինչ օրհնություն կարող է ստանալ՝ ինչպես ներողը, այնպես էլ ներվողը:
Ցուցադրեք այս վարժության համար նախատեսված հետևյալ հրահանգները կամ տվեք դրանք որպես օժանդակ նյութ:
Պատկերացրեք, որ Կորնթացիների նման ձեր ծխի մարդիկ կարիք ունեն մեծացնել իրենց սերը և ներողամտությունը մեղավորների հանդեպ: Այդ առիթով եպիսկոպոսը հրավիրել է ձեզ՝ ձեր դասի կամ քվորումի ժողովի սկզբում կիսվել մի կարճ մտքով ներման մասին: Մի քանի րոպեում համառոտ կերպով շարադրեք, թե ինչ եք ասելու: Ներառեք հետևյալը.
Մեկ այլ սուրբ գրություն կամ Եկեղեցու ղեկավարի հայտարարություն: (Կարող եք օգտագործել Երեց Քեվին Ռ. Դունկանի հետևյալ հայտարարությունը, իր կողմից նշված սուրբ գրություններից մեկը կամ նրա հայտարարությանը հաջորդող հատվածներից մեկը):
Ձեր սեփական մտքերը և վկայությունը սեր ու ներում տալու անհրաժեշտության մասին և այն մասին, թե դա ինչպես կարող է մեզ օգնել ավելի մոտենալ Փրկիչին:
Ներման մասին ուսմունքները
Յոթանասունից Երեց Քեվին Ռ. Դունկանը ասել է.
Նկար
Official Portrait of Elder Kevin R. Duncan. Photographed in March 2017.
Ես համոզված եմ, որ մեզանից շատերն ենցանկանում ներել, բայց դժվարանում են դա անել: Երբ մենք անարդարության ենք հանդիպում, մենք անմիջապես ասում ենք. «Այդ մարդը սխալ է գործել»: Նա արժանի է պատժի: Որտե՞ղ է արդարությունը: Մենք սխալմամբ մտածում ենք, որ եթե ներենք, արդարությունը ինչ-որ պատճառով չի գործի և պատիժներից կխուսափեն:
Սա պարզապես այդպես չէ: Աստված կսահմանի պատիժ, որն արդար է, քանի որ ողորմածությունը չի կարող կողոպտել արդարությանը (տես Ալմա 42.25): Աստված սիրով հավաստիացնում է ձեզ և ինձ. «Միայն ինձ թողեք դատաստանը, քանզի այն իմն է, և ես կհատուցեմ: [Բայց թող] խաղաղություն լինի ձեզ հետ» ( ՎևՈւ 82.23):
Առաջարկեք ուսանողներին կիսվել իրենց համառոտ շարադրանքներով՝ զույգերով կամ փոքր խմբերով:
Ի՞նչ եք դուք սովորել, որ կարող է օգնել ձեր ծխի անդամներին ավելի լավ հասկանալ ներումը և ներել ուրիշներին:
Ներումն ինչպե՞ս կարող է նրանց ավելի մոտեցնել Հիսուս Քրիստոսին:
Մտածեք, թե դուք ինչպես եք վերաբերվում նրանց, ովքեր մեղանչել են:Ոգեշնչում փնտրեք Երկնային Հորից այն մասին, թե դուք ինչ կարող եք անել՝ «նրանց ներելու… և նրանց հանդեպ ձեր սերը հաստատելու» համար ( Բ Կորնթացիս 2.7-8): Կարող եք գրել ձեր տպավորությունները և մտքերը ձեր օրագրում, այդ թվում՝ ինչ գործողություններ եք ցանկանում կատարել:
Ուսանողներին խրախուսեք գործել ըստ դասի ընթացքում ստացած տպավորությունների: Կարող եք վկայել ներման օրհնությունների մասին և այն մասին, թե ներումն ինչպես կարող է ներողին և ներվողին ավելի մոտեցնել Հիսուս Քրիստոսին:
Բացատրական և պատմական տեղեկություններ
Ներումն ինչպե՞ս կարող է ձեզ անհատապես օրհնել
Առաջին Նախագահությունից երեց Ջեյմս Ի. Ֆաուստը (1920-2007) ուսուցանել է.
Նկար
Last official portrait of President James E. Faust, Second Counselor in the First Presidency, 2001. Died 10 August 2007.
Եթե մենք կարող ենք մեր սրտերում ներում գտնել այն մարդկանց համար, ովքեր մեզ վիրավորել են, մենք ինքնագնահատման և բարեկեցության ավելի բարձր աստիճանի կբարձրանանք:
(Ջեյմս Ի. Ֆաուստ, «Ներման ապաքինող ուժը», Ensign կամ Լիահոնա, մայիս 2007, 68)
Տասներկու Առաքյալների Քվորումից երեց Ջեֆրի Ռ. Հոլլանդը ուսուցանել է.
Նկար
Last official portrait of President James E. Faust, Second Counselor in the First Presidency, 2001. Died 10 August 2007.
Առաքելական լիազորությամբ, որը շնորհվել է ինձ աշխարհի Փրկիչի կողմից, ես վկայում եմ, որ Աստծո և միմյանց հետ հաշտությունը կբերի հոգու խաղաղություն, եթե մենք հեզ ենք ու բավականաչափ խիզախ՝ դրան հետամուտ լինելու համար:
Official Portrait of Elder Kevin R. Duncan. Photographed in March 2017.
Ներումն էր բուն պատճառը, որի համար Աստված ուղարկեց Իր Որդուն, ուրեմն եկեք ուրախանանք մեզ բժշկելու Նրա զոհաբերությամբ: Փրկիչի քավությունը միայն նրանց համար չէ, ովքեր ապաշխարության կարիք ունեն: Այն նաև նրանց համար է, ովքեր կարիք ունեն ներելու: Եթե դուք դժվարանում ենք ներել մեկ այլ մարդու կամ նույնիսկ` ինքներդ ձեզ, Աստծուց խնդրեք օգնել ձեզ: Ներումը փառահեղ, բուժիչ սկզբունք է։ Կարիք չկա կրկնակի զոհ լինել։ Մենք կարող ենք ներել:
Դիտեք «Խաղաղության սկզբունքները. Ներում» տեսանյութը, 1:49, ChurchofJesusChrist.org կայքում, որը ցուցադրում է, թե ինչպես, Հիսուս Քրիստոսի շնորհիվ, մի կին կարողացավ ներել իր հորը:
Ինչպե՞ս կարող եմ ավելի լավ հասկանալ, թե ինչ է ներումը
Տասներկու Առաքյալների Քվորումից երեց Ջեֆրի Ռ. Հոլլանդը ուսուցանել է.
Նկար
Official Portrait of Elder Kevin R. Duncan. Photographed in March 2017.
[Հիսուս Քրիստոսը] չի ասել. «Ձեզ չի թույլատրվում իրական ցավ կամ իրական վիշտ զգալ կործանարար փորձություններից, որոնց մեջ դուք հայտնվել եք մեկ ուրիշի պատճառով»: Նա նաև չի ասել. «Որպեսզի լիովին ներեք, դուք պետք է շարունակեք վնասակար հարաբերությունները կամ վերադառնաք ստորացուցիչ և կործանարար վիճակին»: Բայց, չնայած ամենասարսափելի անպատվություններին, որոնք կարող են պատահել մեզ հետ, մենք կարող ենք հաղթահարել ցավը, երբ ոտք դնենք ճշմարիտ բժշկման արահետի վրա:
Կորնթացիներին ուղղված նամակներից մի քանիսում Պողոս Առաքյալը նրանց խրատել է իրենց անհնազանդության և թերահավատության համար: Կարող եք ուսանողներին առաջարկել կարդալ Բ Կորնթացիս 2.1-4-ը և տեսնել, թե Պողոսն ինչ էր ուզում, որ նրանք հասկանան այդ խրատի իր շարժառիթի մասին: Ինչպե՞ս կարող է խրատը կամ ուղղումը վկայություն լինել ղեկավարի կամ ծնողի` մեր նկատմամբ տածած սիրո մասին:
Սրտում գրված
Քանի որ Բ Կորնթացիս 3 գլխի նյութը չկա ուսումնական ծրագրում, հետևյալն առաջարկում է մեկ ուսուցման գաղափար այդ գլխի համար:
Բացատրեք, որ երբ Պողոսը բացակայում էր Կորնթոսից, որոշ կեղծ ուսուցիչներ սկսեցին հակադրվել Պողոսի ուսմունքներին և փորձեցին վարկաբեկել Պողոսին` ասելով նորադարձներին, որ նրանք դեռևս պետք է հետևեն Մովսեսի օրենքին: Ամփոփեք Բ Կորնթացիս 3.1 -ը բացատրելով, որ ի պատասխան նրանց, ովքեր փորձում էին վարկաբեկել իրեն, Պողոսը Կորնթոսի անդամներին հռետորական հարց տվեց, թե արդյոք ինքը կարիք ուներ տալ նրանց «բնութագրող [նամակ]», որը կվկայեր իր բնավորության ու օրինավորության մասին՝ որպես Հիսուս Քրիստոսի ճշմարիտ Առաքյալի:
Ուսանողները կարող են կարդալ Բ Կորնթացիս 3.2-3-ը՝ փնտրելով, թե ինչը ծառայեց որպես Պողոսի բնութագրող նամակ (սրբերի փոխված կյանքը): Ձեր կարծիքով, ի՞նչ է նշանակում, որ Քրիստոսի խոսքերը գրված էին «ոչ թէ քարի տախտակների վերայ, այլ սրտի մարմնեղէն տախտակների վերայ»: Մարդն ինչպե՞ս կարող է թույլ տալ որ ավետարանը մտնի իր սրտի մեջ: Մենք ինչպե՞ս կարող ենք ավելի լավ ապրել ավետարանով՝ մեր սրտերից:
