Վարդապետության սերտում. Մատթեոս 5.14-16

«Այսպէս լուսաւորէ ձեր լույսը մարդկանց առաջին»

A young adult Asian woman looking forward and upward.

Փրկիչն Իր աշակերտներին հրահանգեց օրինակ ծառայել ուրիշներին՝ հետևելով Իրեն: Այս դասը կարող է օգնել ձեզ օգտագործել հոգևոր գիտելիքներ ձեռք բերելու սկզբունքները՝ ուրիշներին օրինակ ծառայելու և Փրկիչին ավելի շատ մոտենալու համար:

Կրկնեք հոգևոր գիտելիքներ ձեռք բերելու սկզբունքները Ուսանողների հետ կանոնավոր կրկնեք հոգևոր գիտելիքներ ձեռք բերելու երեք սկզբունքները՝ գործել հավատքով, քննել հասկացություններն ու հարցերը հավերժության տեսանկյունից և ձգտել մեծացնել հասկացողությունը աստվածային աղբյուրների միջոցով: Այս դասի ժամանակ այդ սկզբունքների կրկնությունը կօգնի ուսանողներին կիրառել դրանք գործնական կիրառման վարժությունների շրջանակներում։

Ուսանողի պատրաստում. Խնդրեք ուսանողներին հիշել մեկին իրենց կյանքում, ով լավ օրինակ է իրենց համար: Այնուհետև առաջարկեք նրանց զանգահարել կամ գրել այդ մարդուն՝ իրենց երախտագիտությունն արտահայտելու համար:

Հնարավոր ուսումնական վարժություններ

Մտապահեք և բացատրեք

Հնարավորություն տվեք ուսանողներին մտապահել հղումը և սուրբ գրության հիմնական արտահայտությունը: Հետևյալ օրինակը ցույց է տալիս, թե ինչպես կարելի է դա անել.

Կարդացեք Մատթեոս 5.14-16-ը :

Նկարեք «Այսպես լուսավորէ ձեր լույսը մարդկանց առաջին» սուրբ գրության հիմնական արտահայտության և դրա հղման պատկերը, Մատթեոս 5.14-16 : Նկարելիս մտածեք, թե ինչպես կարելի է ներառել հղումը՝ այն հիշելու համար:

Պատկերին նայելիս մի քանի անգամ կրկնեք հղումը և սուրբ գրության հիմնական արտահայտությունը: Ապա շրջվեք և փորձեք անգիր կրկնել հղումը և սուրբ գրության հիմնական արտահայտությունը:

Հետևյալ վարժության համար հորդորեք ուսանողներին օգտագործել իրենց նկարները՝ ոչ թե ուղղակի նկարի մասին պատմելու, այլ վարդապետության սերտման հատվածի ճշմարտությունը բացատրելու համար:

Կիսվեք ձեր նկարով համադասարանցու հետ և բացատրեք, թե ինչպես է այն ցուցադրում վարդապետության սերտման հիմնական արտահայտությունն ու հղումը:

Հնարավորության դեպքում կարող եք մի քանի նկար կախել դասարանում, որպեսզի ուսուցիչը և ուսանողները կարողանան անդրադառնալ դրանց հաջորդ դասերի կամ կրկնողության վարժությունների ժամանակ:

Գործնական կիրառում

Այս գործնական կիրառման ընթացքում դուք կօգտագործեք հոգևոր գիտելիքներ ձեռք բերելու սկզբունքները՝ որոշելով, թե ինչպես կարելի է օրինակ ծառայել ուրիշներին և հրավիրել նրանց ավելի շատ մոտենալ Փրկիչին:

Կարդացեք «Ձեռք բերել հոգևոր գիտելիքներ» բաժնի պարբերություններ 5-12-ը Վարդապետության սերտման հիմնարար փաստաթղթում(2022):

Կարող եք ChurchofJesusChrist.org կայքից օգտագործել «Դադարեք ծաղր ու ծանակի ենթարկել մյուսներին» տեսաֆիլմը (10:22)՝ որպես գործնական կիրառման սցենար:

Այս տեսաֆիլմի օգտագործման գաղափարները կարող եք գտնել «Լրացուցիչ ուսումնական վարժություններ» բաժնում:

Կարդացեք հետևյալ սցենարը և մտածեք, թե ինչպես կպատասխանեիք, եթե դուք լինեիք Ռաուլի իրավիճակում:

Ռաուլը՝ նոր կարգված քահանան, ընկերների հետ է, երբ նրանցից մի քանիսը սկսում են անպատշաճ կատակներ անել և կոպիտ խոսել մի մարդու մասին, ում Ռաուլը ճանաչում է: Ռաուլն իրեն անհարմար է զգում և գիտի, որ նրանց արածը սխալ է: Մինչ նա մտածում է, թե ինչ անել, նրա ընկեր Ջեսը, ով այլ կրոնի ներկայացուցիչ է և ումով Ռաուլը ուղղակի հիանում է, դիմում է Ռաուլին և ասում. «Լսի՛ր, ինչո՞ւ ես այսքան լուրջ»:

Պատասխանելուց առաջ մտածեք հոգևոր գիտելիքներ ձեռք բերելու սկզբունքներից յուրաքանչյուրի մասին:

Առաջարկեք ուսանողներին աշխատել համադասարանցու հետ կամ փոքր խմբով: Օգտակար կլինի ցուցադրել հետևյալ հրահանգները:

Քննեք հասկացություններն ու հարցերը հավերժության հեռանկարից

Ընտրեք սցենարում նշված մարդկանցից մեկին (Ջեսը կամ այն մարդը, ում ծաղրում են):

• Ձեր կարծիքով, Տերն ի՞նչ է զգում ձեր կողմից ընտրված մարդու հանդեպ:

• Տիրոջ աչքերով այդ մարդուն տեսնելը ինչպե՞ս կարող է ազդել ազդել Ջեսին տված Ռաուլի պատասխանի վրա:

Ձգտեք մեծացնել հասկացողությունը աստվածային աղբյուրների միջոցով

• Մատթեոս 5.14-16-ում ներկայացված սկզբունքները հիշելն ու կիրառելը ինչպե՞ս կարող է օգնել Ռաուլին:

• Ի՞նչ եք կարծում, աստվածայնորեն նշանակված ուրիշ ինչ աղբյուրներ կարող են օգնել Ռաուլին:

Գործեք հավատքով

• Ձեր կարծիքով, այս իրավիճակում Ռաուլի համար ինչո՞ւ է դժվար գործել հավատքով:

• Ի՞նչ խորհուրդ կտայիք Ռաուլին անել՝ հավատքով գործելու համար:

Խնդրեք մի քանի ուսանողների կիսվել իրենց պատասխաններով: Կարող եք գովել ուսանողներին՝ հոգևոր գիտելիքներ ձեռք բերելու սկզբունքները հիշատակելու համար:

Մտածեք, թե ինչ նմանատիպ իրավիճակում եք եղել կամ կարող եք հայտնվել ապագայում:

• Ձեր այսօրվա սովորածն ինչպե՞ս կարող է օրինակ լինել մյուսների համար:

Կրկնեք

Հաջորդ դասին օգնեք ուսանողներին կրկնել Մատթեոս 5.14-16-ի հղումը և հիմնական արտահայտությունը: Ահա մեկ օրինակ․

Անդրադարձեք Մատթեոս 5.14-16-ի համար նկարված պատկերին: Նկարին նայելիս մի քանի անգամ կրկնեք հղումը և հիմնական արտահայտությունը: Փորձեք հիշողությամբ կրկնել դրանք:

Օժանդակ ուսումնական վարժություններ

Վարդապետության սերտման բացատրության այլընտրանքային վարժություն

A camp fire.

A young woman standing in a dark room holding a light bulb.

Hand holding objects

Ցուցադրեք լույսի մի քանի աղբյուրի պատկերներ՝ կրակի, լամպի, լապտերի: Առաջարկեք ուսանողներին ընտրել առարկաներից մեկը և օգտագործել այն՝ Մատթեոս 5.14-16-ի ճշմարտությունը բացատրելու համար:

Խնդրեք ուսանողներին օգտվել հետևյալ հարցերից՝ իրենց բացատրությունը պատրաստելու համար:

• Ո՞ր լույսը ես պետք է վառեմ:

• Ինչպե՞ս կարող ենք վառել այդ լույսը:

Այլընտրանքային գործնական կիրառում

«Դադարեք ծաղր ու ծանակի ենթարկել մյուսներին» տեսանյութը (10:22), որը կարող եք գտնել ChurchofJesusChrist.org կայքում, ցուցադրում է հավատքով գործող երիտասարդ տղամարդկանց ու կանանց մի քանի օրինակներ: Կարող եք դադարեցնել տեսանյութը 4:08-ին: Ապա քննարկեք, թե ինչն է երբեմն դժվարացնում հավատքով գործելը: Այնուհետև առաջարկեք ուսանողներին դիտել, թե երիտասարդ տղամարդն ինչպես է գործում հավատքով և իրավիճակին մոտենում հավերժության հեռանկարից: Տեսանյութը դիտելուց հետո ուսանողները կարող են քննարկել, թե Մատթեոս 5.14-16-ը ինչպես կարող է օգտագործվել որպես աստվածայնորեն նշանակված աղբյուր, որպեսզի օգնի մեզ նմանատիպ իրավիճակներում:

Hand holding objects