Atamai i Aoaoga Faavae: Toeiloilo le Faavasegaga 1

Mataio 5:14–16 e oo i le Ioane 17:3

O lenei toeiloiloga o le faavasegaga mo le atamai i aoaoga faavae ua mamanuina o se aafiaga e aoao ai ma fesoasoani ai i tagata aoga e iloilo ia fuaitau e 11 o le atamai i aoaoga faavae o loo maua i le Mataio, Luka, ma le Ioane. O le a fesoasoani foi e saunia ai tagata aoga mo le isi iloiloga i le lumanai (“Atamai i Aoaoga Faavae: Faavasegaga 1”) ma faataga i latou e faaali mai le malamalama ma le faaaogaina o nei fuaitau.

O lenei lesona ua toeiloiloina ua fuafuaina e faaaoga o se aafiaga e aoao ai faafesagai pe ala foi i fesagaiga faavitio.

Faaaoga lenei faamanatu ma faatino le faavasegaga o le atamai i aoaoga faavae i soo se taimi pe a uma ona aoao atu fuaitau uma o le atamai i aoaoga faavae i le Mataio, Luka, ma Ioane. Atonu e manaomia le aoao atu o nisi o lesona o le atamai i aoaoga faavae a o lei oo mai i le faasologa o mau ina ia mafai ai ona faia le faavasegaga a o lei oo i le faaiuga o le semesa.

Gaoioiga E Mafai Ona Aoao Mai Ai

O le taua o le atamai i aoaoga faavae

Mafaufau i manaoga o tagata aoga, ma filifili vaega o lenei toeiloiloga o le a sili ona fesoasoani ia i latou i le sauniaina mo le faavasegaga muamua o le atamai i aoaoga faavae (“Atamai i Aoaoga Faavae: Faavasegaga 1”). Valaaulia tagata aoga i lenei faamanatu atoa e matau ia fuaitau latou te le o iloa foi ma faia ni fuafuaga e suesue ma iloilo nei fuaitau e sauniuni ai mo le faavasegaga.

Fai atu le fesili lenei, ma mafaufau e tusi i le laupapa se tasi pe lua o tulaga e faasoa mai e tagata aoga pe na o le valaaulia o tagata aoga e manatua ia tulaga. O le gaoioiga toeiloilo lona tolu e maua ai se avanoa e faaaoga ai nei tulaga.

O a nisi o tulaga pe a iloa le mea e maua ai fuaitau o le atamai i aoaoga faavae e mafai ona fesoasoani ia te oe?

O suega pupuu i gaoioiga toefaamanatu 1 ma le 2 o loo i lalo o fautuaga e fesoasoani ai i tagata aoga e iloilo ia mau faasino ma fasifuaitau autu o mau. E mafai ona faaaoga gaoioiga eseese e faataunuu ai lenei mea e tusa ai ma manaoga o tagata aoga.

Gaoioiga toeiloilo 1: Ia iloa mau faasino ma fasifuaitau autu o mau

Faaali atu le suega lenei, pe tuuina atu ni kopi i tagata aoga.

O se isi auala e faaaoga ai le gaoioiga lenei o le tusi lea o mau faasino e 11 i luga o le laupapa. Ona faitau leotele lea o fasifuaitau autu taitasi o mau e vaai ai pe mafai e tagata aoga ona sue le fuaitau sa‘o i totonu o le 15 sekone (po o se taimi e ese mai ai). A uma le taimi, valaaulia tagata aoga e ta‘u mai le mau faasino.

O se isi auala e fesoasoani ai i tagata aoga ia sili atu le tiotio, o le tusi o mau faasino e 11 i luga o le laupapa. Lolomi ma faapipii ia fasifuaitau autu o mau taitasi i nofoaga eseese faataamilo i le potu. Valaaulia tagata aoga e savavali faataamilo i le potu, sue fuaitau uma e 11, ma vaai pe mafai ona latou faailoa mai pe o le fea o mau faasino e faatatau i fasifuaitau taitasi pe a latou mauaina.

Ki o tali: 1-o, 2-g, 3-i, 4-l, 5-u, 6-p, 7-n, 8-a, 9-f, 10-e, 11-m

Faafetaui fuaitau autu nei i le koluma agavale i le fuaitau sao o le atamai i aoaoga faavae i le koluma taumatau.

1. ___ “E te alofa atu i le Alii lou Atua. … E te alofa atu i lē lua te tuaoi.”	a. Mataio 5:14–16
2. ___ “Aua o le agaga e leai sona aano ma ni ivi, pei o a’u nei ua outou vaavaai i ai.”	e. Mataio 11:28–30
3. ___ Na fetalai Iesu, “Ou te avatu foi ia te oe ki o le malo o le lagi.”	i. Mataio 16:15–19
4. ___ “Afai e le fanau se tasi i le vai ma le Agaga, e le mafai ona sao o ia i le malo o le Atua.”	o. Mataio 22:36–39
5. ___ “Aua o le aso nei ua fanau ai i le aai o Tavita, lo outou Faaola, o le Alii o Keriso.”	u. Luka 2:10–12
6. ___ “O le ola e faavavau foi lenei, ia latou iloa oe le Atua moni e toatasi, ma Iesu Keriso.”	f. Luka 22:19–20
7. ___ “Ai se tasi e fia fai lona finagalo, e iloa ai e ia le mataupu.”	g. Luka 24:36–39
8. ___ “Ia faapea ona pupula atu lo outou malamalama i luma o tagata.”	l. Ioane 3:5
9. ___ Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”	m. Ioane 3:16
10. ___ “Ia outou o mai ia te au outou uma o e tigaina ma mafatia i avega o au foi e malolo ai outou.”	n. Ioane 7:17
11. ___ “Aua ua faapea lava ona alofa mai le Atua i le lalolagi ua Ia aumaia ai lona alo pele e toatasi.”	p. Ioane 17:3

Gaoioiga toefaamanatu 2: Iloaina o mau faasino ma fasifuaitau autu o mau

Faaali atu le suega lenei, pe tuuina atu ni kopi i tagata aoga.

Mafaufau e tusi i luga o le laupapa tali sao uma e 15 i fesili nei e lima i soo se faasologa. Valaaulia tagata aoga e oti se fasipepa i ni fasipepa laiti se 15 ma tusi se tali sa’o se tasi i luga o fasipepa laiti taitasi. Ona tuu atu lea i tagata aoga fesili nei e lima e fai ma tufaaga, ma valaaulia i latou e taumafai e tuu fasipepa e 15 i avanoa sao e faauma ai fasifuaitau taitasi.

Ki o le tali: (1) o mai; tigaina; malolo; (2) avatu; ki; malo o le lagi; (3) fanau ai; Faaola; Le Alii; (4) agaga; aano; ivi; (5) faavavau; iloa; Atua

Faatumu avanoa i upu o loo misi mai fasifuaitau autu o mau.

“Ia outou ______ ia te au, o outou uma o e ______ ma mafatia i avega, o a’u foi e ______ ai outou” ( Mataio 11:28–30).
Na fetalai Iesu, “Ou te ______ foi ia te oe ______ o le ______” ( Mataio 16:15–19).
“Aua o le aso nei ua ______ i le aai o Tavita, lo outou ______, o ______ ia o Keriso” ( Luka 2:10–12).
“Aua o le ______ e leai sona ______ ma ni ______, pei o au nei ua outou vaavaai i ai” ( Luka 24:36–39).
“O le ola e ______ foi lenei, ia latou ______ oe le ______ moni e toatasi, atoa ma le ua e auina mai, o Iesu Keriso lea” ( Ioane 17:3).

Gaoioiga toefaamanatu 3: Faaaoga le aoaoga faavae

O le a fesoasoani le gaoioiga lea i tagata aoga e faailoa mai ai ua malamalama i fuaitau o le atamai i aoaoga faavae e ala i le tuuina ai o le avanoa e faamatala mai ai pe faapefea ona latou faaaogaina i tulaga moni o le olaga. Tuu atu i tagata aoga e faaaoga a latou tusitusiga paia e fesoasoani ai ia i latou e filifili ai se fuaitau se tasi pe sili atu o le atamai i aoaoga faavae latou te lagona e mafai ona fesoasoani i le tagata o loo faamatalaina i le gaoioiga. Valaaulia i latou e faamatala mai pe mafai faapefea e le fuaitau na latou filifilia ona fesoasoani i le tagata. O le tele o fuaiupu o le atamai i aoaoga faavae e mafai ona faatatau i vaaiga faataitai taitasi.

E mafai ona fai lenei gaoioiga i ni vaega, taitasitasi, pe ma le vasega atoa, pe fai se tuufaatasiga o mea uma na e tolu. Nai lo le faaaogaina o vaaiga faataitai fautuaina nei, mafaufau e valaaulia tagata aoga e faaaoga vaaiga faataitai na latou faasoa mai i le amataga o le vasega.

O se tasi o loo aoao e uiga i le Ekalesia e fia iloa pe manaomia moni ona papatisoina o ia pe afai ua uma ona ia taliaina Iesu Keriso o lona Faaola.
E i ai sau uo o loo fesiligia pe alofa le Tama Faalelagi ia te ia.
Ua taumanatunatu lou tuafafine pe mafai faapefea ona avea o ia ma se soo sili atu o Iesu Keriso.

Gaoioiga toeiloilo 4: Faaaoga mataupu faavae o le mauaina o le malamalama faaleagaga

Mafaufau e faaaoga le vaaiga faataitai lenei e fesoasoani ai i tagata aoga e toefaamanatu mataupu faavae o le mauaina o le malamalama faaleagaga. E ono lelei mo tagata aoga le galulue taitoalua pe i ni vaega toalaiti.

O loo tauivi lau uo ia maua se molimau patino e faapea o le aoaoga faavae o loo aoaoina i le Ekalesia e mai le Atua.

Aoao lau uo e uiga i mataupu faavae nei e tolu o le mauaina o le malamalama faaleagaga ma pe mafai faapefea ona ia faaaogaina e maua ai le fesoasoani a le Tama Faalelagi i lona popolega:

Faatino i le faatuatua.

Iloilo manatu faavae ma fesili faatasi ma se vaaiga e faavavau.

Saili le malamalama atili e ala i punavai mamana ua atofaina.

O a fuaitau o le atamai i aoaoga faavae mai lenei afa o le kosi e ono fesoasoani i lau uo? E mafai faapefea ona fesoasoani nei fuaitau ia te ia?
E fesoasoani faapefea le faaaogaina o mataupu faavae o le mauaina o le malamalama faaleagaga pe a tatou sailia tali i a tatou fesili po o atugaluga?
Na faapefea ona e faaaogaina nei mataupu faavae e fesoasoani ai i isi pe foia ai ou lava atugaluga?

Valaaulia tagata aoga e mafaufau po o le fea fuaitau o le atamai i aoaoga faavae ua sili ona aafia ai i latou ma fesoasoani e faateleina lo latou malamalama po o le alofa mo le Tama Faalelagi ma Iesu Keriso. Faamalamalama atu o le a latou maua le avanoa e faasoa atu ai e uiga i lenei fuaitau ma mea o loo aoao mai ai e uiga i le Tama Faalelagi ma Iesu Keriso o se vaega o le iloiloga.

Mafaufau e tufa atu le tufaaga lenei i tagata aoga e fesoasoani ai ia i latou e saunia mo le faavasegaga (“Atamai i Aoaoga Faavae: Faavasegaga 1”).

Ata

New Testament Seminary Teacher Manual - 2023

Atamai i Aoaoga Faavae: Faavasegaga 1—Taiala Suesue

Tauloto mau faasino ma fasifuaitau autu o mau

Ia faamasani i fuaitau o mau o le atamai i aoaoga faavae ma fasifuaitau autu o mau. Atonu e te manao e uta mai ma faaaoga le polokalama i masini feaveai o le Doctrinal Mastery e fesoasoani ai i lau toeiloiloga.

Mataio 5:14–16 . “Ia faapea ona pupula atu lo outou malamalama i luma o tagata.”

Mataio 11:28–30 . “Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”

Mataio 16:15–19 . Na fetalai Iesu, “Ou te avatu foi ia te oe ki o le malo o le lagi.”

Mataio 22:36–39 . “E te alofa atu i le Alii lou Atua. … E te alofa atu i lē lua te tuaoi.”

Luka 2:10–12 . “Aua o le aso nei ua fanau ai i le aai o Tavita, lo outou Faaola, o le Alii o Keriso.”

Luka 22:19–20 . Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”

Luka 24:36–39 . “Aua o le agaga e leai sona aano ma ni ivi, pei o a’u nei ua outou vaavaai i ai.”

Ioane 3:5 . “Afai e le fanau se tasi i le vai ma le Agaga, e le mafai ona sao o ia i le malo o le Atua.”

Ioane 3:16 . “Aua ua faapea lava ona alofa mai o le Atua i le lalolagi, ua ia aumai ai lona Atalii e Toatasi.”

Ioane 7:17 . “Ai se tasi e fia fai lona finagalo, e iloa ai e ia le mataupu.”

Ioane 17:3 . “O le ola e faavavau foi lenei, ia latou iloa oe le Atua moni e toatasi, ma Iesu Keriso.”

Faaaoga aoaoga faavae i tulaga o le olaga

Faaaoga se fuaitau se tasi pe sili atu o mau o le atamai i aoaoga faavae e tali atu ai i se tagata e fesili, “O le a se mea o aoao mai e le Feagaiga Fou e uiga i le mauaina o se molimau patino e faapea, o le aoaoga faavae o loo aoaoina i le Ekalesia e mai le Atua?”
Afai e te aoaoina se tagata e uiga i le alofa o le Atua mo i latou, o a fuaitau o le atamai i aoaoga faavae o le Feagaiga Fou e mafai ona e faaaogaina? E faapefea ona e faaaogaina nei fuaitau e faamatala ai le alofa o le Atua?

Ia saunia e faasoa atu po o le fea o fuaitau o le atamai i aoaoga faavae ua sili sona aafiaga ia te oe. O le a le mea ua aoao atu e lena fuaitau ia te oe e uiga i le Tama Faalelagi ma Iesu Keriso?

Mataupu faavae o le mauaina o le malamalama faaleagaga

Toeiloilo parakalafa 5–12 o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae (2022).