Իր Առաքյալներին հրաժեշտ տալիս Փրկիչը պատվիրեց նրանց «աշակերտել բոլոր ազգերը, նորանց մկրտելով Հօր եւ Որդու եւ Սուրբ Հօգու անունովը» (Մատթեոս 28.19): Պողոսը և նրա ընկերակիցները մեծ հաջողության հասան այս պատվիրանը կատարելու գործում: Այս դասի նպատակն է օգնել ձեզ ճանաչել այն օգնությունը, որը Փրկիչը ցանկանում է ձեզ տալ, երբ դուք ձգտում եք Իր ավետարանով կիսվել ուրիշների հետ:
Կիրառեք վարդապետությունը և սկզբունքները Ուսուցիչները պետք է քաջալերեն ուսանողներին ճշմարտություն կիրառել իրենց կյանքում: Կիրառումը տեղի է ունենում, երբ ուսանողները մտածում, խոսում և ապրում են իրենց սովորած սկզբունքներով: Երբ ուսանողները կիրառեն ավետարանի սկզբունքներն իրենց կյանքում, նրանք կստանան խոստացված օրհնությունները և ավելի լավ կհասկանան ու վկայություն կունենան իրենց կիրառած սկզբունքների վերաբերյալ։
Ուսանողի նախապատրաստում. Ուսանողներին առաջարկեք աղոթքով խնդրել Երկնային Հորը օգնել իրենց բացահայտել մեկին, ում Նա պատրաստել է Հիսուս Քրիստոսի ավետարանը լսելու համար:
Հնարավոր ուսումնական վարժություններ
Այս դասը ներկայացնում է երկու պատմություն Պողոսի միսիոներական աշխատանքից, որոնք գրանցված են Գործք Առաքելոց16 գլխում: Ուշադրություն դարձրեք Սուրբ Հոգու հուշումներին և ուսանողների կարիքներին՝ որոշելով, թե ինչը առավել օգտակար կլինի ուսանողների համար՝ ամբողջ դասը տրամադրել այս պատմություններից մեկին, թե երկուսն էլ ուսումնասիրել:
Ավետարանով կիսվեք ուրիշների հետ
Ցուցադրեք հետևյալ պատկերը և ուսանողներից մեկին խնդրեք ամփոփել, թե նա ինչ գիտի այս պատկերում ցուցադրվածի մասին: Անհրաժեշտության դեպքում, առաջարկեք նրան կարդալ Մատթեոս 28.19 հատվածը:
Նկար
The resurrected Jesus Christ standing with the apostles outside the city of Jerusalem. Christ is dressed in white robes and has His arms extended as He speaks to the eleven apostles. Christ is commanding the apostles to preach the gospel to all nations. The city Jerusalem is visible in the background.
Դուք հավանաբար հիշում եք, որ Իր Հարությունից հետո Փրկիչը հավաքեց Իր առաքյալներին և նրանց տվեց հետևյալ պատվիրանը. «Ուրեմն գնացէ՛ք բոլոր ազգերը աշակերտեցէք, նորանց մկրտելով Հօր եւ Որդու եւ Սուրբ Հոգու անունովը» ( Մատթեոս 28.19):
Երեց Դիտեր Ֆ. Ուխդորֆը Տասներկու Առաքյալների Քվորումից կիսվել է հետևյալ մտքերով Փրկիչի՝ ավետարանը քարոզելու մասին պատվիրանի վերաբերյալ: Կարող եք դիտել «Միսիոներական աշխատանք. կիսելով այն, ինչ կա ձեր սրտում» տեսանյութը 2:46-3:30-ը կամ կարդալ հետևյալ հայտարարությունը:
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
«Ես հաճախ խորհել և աղոթել եմ մեզ՝ Իր աշակերտներին… տված Փրկիչի մեծ հանձնառության մասին․ «Ուրեմն գնացեք բոլոր ազգերը աշակերտեցէք, նորանց մկրտելով Հօր եւ Որդու եւ Սուրբ Հօգու անունովը» [ Մատթեոս 28.19 ]:
Ես դժվարացել եմ պատասխանել հետևյալ հարցին․ «Ինչպե՞ս կարող ենք մենք, որպես Քրիստոսի անդամներ և աշակերտներ, մեր առօրյա կյանքում լավագույնս իրականացնել այդ հանձնառությունը»։
Այսօր ես հրավիրում եմ այդ հարցի մասին խորհել ձեր սրտերում և մտքերում:
Երեց Ուխդորֆի հարցից բացի՝ մտածեք հետևյալ հարցերի ձեր պատասխանների մասին: Կարող եք ձեր պատասխանները գրի առնել ձեր օրագրում:
Ըստ մեկից հինգ սանդղակի՝ որքան մեծ է ավետարանով ուրիշների հետ կիսվելու ձեր ցանկությունը: Ինչո՞ւ եք այդպես պատասխանել:
Ի՞նչն է ձեզ խանգարում ավետարանով կիսվել ուրիշների հետ:
Պողոս Առաքյալը հզոր միսիոներ էր, որն իր քարոզչության շնորհիվ բազում հոգիներ բերեց Հիսուս Քրիստոսի մոտ: Այս շաբաթվա ընթացքում դուք կսովորեք Պողոսի երկրորդ և երրորդ միսիոներական ճամփորդությունների ժամանակ տեղի ունեցած իրադարձություններից մի քանիսի մասին (տես Գործք Առաքելոց 15.36–18.22 և Գործք Առաքելոց 18.23–21.15):Հետևյալ քարտեզը ցուցադրում է, թե որ ուղղություններով է Պողոսն ընթացել իր ճամփորդությունների ժամանակ:
Պողոսի երկրորդ ճամփորդության որոշ փորձառություններն այս դասի ընթացքում ուսումնասիրելիս դուք կտեսնեք հետևյալ ճշմարտության օրինակներ. Տերը կարող է տանել մեզ դեպի այն մարդիկ, ում Նա պատրաստել է Իր ավետարանը ստանալու համար: Ուշադրություն դարձրեք Սուրբ Հոգու հուշումներին, որոնք կարող են ձեզ օգնել ուրիշների հետ ավետարանով կիսվելու գործում:
Պողոսը և նրա ընկերակիցները քարոզում են ավետարանը Մակեդոնիայում
Նկար
Depicton of Lydia, “a seller of purple” in the New Testament.
Կարդացեք Գործք Առաքելոց 16.6–15-ը՝ փնտրելով, թե Պողոսը և նրա ընկերակիցներն ինչ փորձառություններ են ունեցել իրենց երկրորդ միսիոներական ճամփորդության սկզբում:
Այս պատմությունից ի՞նչ կարող եք սովորել Երկնային Հոր մասին, որը ձեզ կօգնի գտնել այն մարդկանց, որոնց Տերը պատրաստել է Իր ավետարանն ընդունելու համար:
Երբևէ տեսե՞լ եք, թե Տերն ինչպես է պատրաստում ուրիշներին ընդունել Իր ավետարանը: Ինչպե՞ս է Նա պատրաստել կամ ինչպե՞ս կարող է պատրաստել ձեզ՝ Իրեն փնտրող անձանց գտնելու համար:
Որպեսզի տեսնեք, թե Տերն ինչպես է պատրաստում մարդկանց ընդունել Իր ավետարանը և կիսվել դրանով, դիտեք «Աղոթք» տեսանյութը (4:12), ChurchofJesusChrist.org:
Նկար
Depicton of Lydia, “a seller of purple” in the New Testament.
Կարող եք նաև պատմել ավետարանով կիսվելու հետ կապված անձնական փորձառության մասին:
Պողոսն ու Շիղան բանտարկվում են և շարունակում են քարոզել
Նկար
Paul and Silas are whipped and put in prison. - ch.61-4
Լիդիայում ուսուցանելուց և քարոզելուց հետո Պողոսը մի չար ոգի դուրս քշեց երիտասարդ աղախնից: (տես Գործք Առաքելոց 16.16–18): Այնուհետև նրան և նրա ընկերակից Շիղային ծեծեցին և բանտարկեցին (տես Գործք Առաքելոց 16.19–24): Երբ ավետարանը քարոզելու համար ձեզ բանտ են նետում, քարոզը դադարեցնելու պատճառը կարող է հասկանալի թվալ: Սակայն Պողոսի և Շիղայի համար դա հնարավորություն էր օգնել ուրիշներին գալ Քրիստոսի մոտ:
Կարդացեք Գործք Առաքելոց 16.25–36-ը և գտեք, թե Տերն ինչպես Պողոսի և Շիղայի բանտարկությունը դարձրեց ավետարանը քարոզելու հնարավորություն:
Այս հատվածում ինչպիսի՞ Քրիստոսանման հատկանիշներ ցուցադրեցին Պողոսը և Շիղան:
Այդ հատկանիշներն ինչպե՞ս են օգնել նրանց ավելի արդյունավետ կիսվել ավետարանով:
Այս պատմությունից ի՞նչ եք սովորել, որը կարող է ձեզ օգնել գտնել այն մարդկանց, ում Տերը պատրաստել է՝ ընդունելու Իր ավետարանը:
Կիրառեք ձեր սովորածը
Գործք Առաքելոց 16 գլխում նկարագրված պատմությունները ուսումնասիրելուց հետո քննարկեք, թե մենք ինչպես կարող ենք ավելի արդյունավետ լինել ավետարանով ուրիշների հետ կիսվելու հարցում: Այդ քննարկման ընթացքում ուսանողներին առաջարկեք կիսվել համապատասխան փորձառություններով: Կարող է նաև օգտակար լինել դիտել «Վեց եղբայրները» տեսանյութը (3:43) ChurchofJesusChrist.org կայքում:
Սուրբ Հոգու միջոցով փնտրեք ոգեշնչում Երկնային Հորից՝ որոշելով, թե ինչ կարող եք անել՝ Հիսուս Քրիստոսի ավետարանով ուրիշների հետ կիսվելու համար: Ընտրեք հետևյալ հրավերներից մեկը, որը դուք ձեզ համար առավել օգտակար եք համարում.
Աղոթեք ամեն օր, որ Տերը ձեզ տանի այն մարդու մոտ, ում Նա պատրաստել է ավետարանը ստանալու համար:
Կարող եք նշել երկու ընկերների կամ դասընկերների անունները, որոնք, գուցե, պատրաստ լինեն լսել Հիսուս Քրիստոսի ավետարանը: Այնուհետև խնդրեք Երկնային Հորը, որ նա ձեզ օգնի իմանալ, թե դուք ինչպես կարող եք նրանց Փրկիչի մոտ բերել:
Ձեր ծնողների և ղեկավարների համաձայնության դեպքում կարող եք մի քանի ժամ աշխատել միսիայի անդամների հետ: Ավելի ուշ դասարանի հետ կիսվեք ձեր փորձառությամբ:
Մտածեք, թե ինչ կարող եք անել՝ ավետարանով ուրիշների հետ կիսվելու համար:
Երբ ուսանողներին առաջարկեք ծրագիր կազմել, խնդրեք նրանց մտածել, թե ինչ խոչընդոտների կարող են հանդիպել, որոնք կդժվարացնեն նրանց ծրագրերի իրականացումը: Հորդորեք նրանց մտածել, թե ինչպես կարող են Տիրոջ օգնությամբ հաղթահարել այդ խոչընդոտները: Քաջալերեք, աջակցություն ցուցաբերեք և վկայեք քննարկված ճշմարտությունների մասին:
Բացատրական և պատմական տեղեկություններ
Սոցիալական ցանցերն ինչպե՞ս կարող են օգնել ինձ կիսվել ավետարանով
Աշխարհով մեկ տարածվել, ինչպես մի հեղեղ տեսանյութում (2:56) երեց Դեյվիդ Ա. Բեդնարը Տասներկու Առաքյալների Քվորումից խոսում է այն մասին, թե ինչպես կարելի է օգտագործել սոցիալական ցանցերը՝ ավետարանը տարածելու համար: Տեսանյութը հասանելի է ChurchofJesusChrist.org կայքում:
Նկար
Paul and Silas are whipped and put in prison. - ch.61-4
Իսկ եթե մարդիկ այս անգամ մերժեն ավելի շատ բան սովորելու իմ հրավերը
Երեց Դիտեր Ֆ. Ուխդորֆը Տասներկու Առաքյալների Քվորումից բացատրել է.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Աստծուն պետք չէ, որ դուք «վաճառեք» վերականգնված ավետարանը կամ Հիսուս Քրիստոսի Եկեղեցին: Նա պարզապես ակնկալում է, որ դուք չթաքցնեք այն գրվանի տակ: Եվ եթե մարդիկ որոշեն, որ Եկեղեցին իրենց հարմար չէ, դա նրանց որոշումն է: Դա չի նշանակում, որ դուք ձախողվել եք: Շարունակեք լավ վերաբերվել նրանց: Չի բացառվում, որ կրկին հրավիրեք նրանց եկեղեցի: Հազվադեպ սոցիալական շփումների և կարեկից քաջ աշակերտության միջև տարբերությունը՝ հրավերն է:
(Դիտեր Ֆ. Ուխդորֆ, «Քո մեծ արկածը», Ensign կամ Լիահոնա, նոյեմբեր, 2019, 88)
Տասներկու Առաքյալների Քվորումից երեց Նիլ Լ. Անդերսենը ասել է.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Անգամ ավետարանով կիսվելու ուժգին ցանկության հետ դուք գուցե այդքան էլ չգոհանաք ձեր գործադրած ջանքերի արդյունքներից: Գուցե զգաք ինչպես իմ ընկերներից մեկը, ով ասաց. «Եկեղեցու մասին պատմել եմ մեր ընտանիքին և ընկերներին, բայց ընդամենը մի քանիսը հետաքրքրություն ցուցաբերեցին, և ամեն մերժումից հետո ես ավելի անվստահ էի դառնում: Գիտեմ, որ պետք է ավելի շատ ջանքեր գործադրեմ, բայց չգիտեմ ինչ անեմ և միայն հսկայական մեղքի զգացում ունեմ»: …
Առաջարկում եմ, որ դուք դադարեք մեղավոր զգալ, երբ մտածում եք, թե բավարար չափով չեք կիսվում ավետարանով: Փոխարենը, ինչպես Ալման է ուսուցանել, աղոթեք հնարավորությունների համար, որ «կանգնեք որպես Աստծո վկա բոլոր ժամանակներում, և բոլոր բաներում, և բոլոր տեղերում, … որ մյուսները կարողանան փրկագնվել Աստծո կողմից և համարվեն նրանց հետ, ովքեր պատկանում են առաջին հարությանը, [և] հավերժական կյանք ունենան» [Մոսիա 18.9]: Դա շատ ավելի ուժեղ շարժառիթ է, քան մեղքը:
(Նիլ Լ. Անդերսեն, «Աստծո վկա», Ensign կամ Լիահոնա, նոյեմբեր 2016, 36-37)
Ինչպե՞ս գտնեմ այն մարդկանց, որոնց պետք է ուսուցանեմ
Առաջին Նախագահությունից նախագահ Դալլին Հ․ Օուքսն ուսուցանել է.
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Մենք պետք է աղոթենք Տիրոջ օգնության և առաջնորդության համար, որպեսզի գործիքներ լինենք Նրա ձեռքում այն անձնավորության համար, ով այժմ պատրաստ է, նրա համար, ում Տերը ցանկանում է, որ մենք օգնենք այսօր։ Ապա մեր հետագա անելիքներում մենք պետք է աչալուրջ լինենք՝ լսելու և հետամուտ լինելու Նրա Հոգու հուշումներին:
Այդ հուշումները կգան։ Անհամար անձնական վկայություններից մենք գիտենք, որ Իր ձևով և Իր ժամանակին Տերը նախապատրաստում է մարդկանց՝ ընդունելու Իր ավետարանը։ Նման մարդիկ փնտրտուքի մեջ են, և երբ մենք փորձենք գտնել նրանց, Տերը կպատասխանի նրանց աղոթքներին՝ մեր աղոթքներին պատասխանելու միջոցով։ Նա կհուշի և կառաջնորդի նրանց, ովքեր ցանկանում են և ովքեր անկեղծորեն առաջնորդություն են փնտրում, թե ինչպես, որտեղ, երբ և ում հետ կիսվել Իր ավետարանով։
(Դալլին Հ. Օուքս, «Կիսվեք ավետարանով», Ensign, նոյեմբեր 2001, 8)
Օժանդակ ուսումնական վարժություններ
Դասը սկսելու այլընտրանքային եղանակ
Ուսանողներին ցուցադրեք «Կիսվեք Ավետարանով» տեսանյութը (3:49), ChurchofJesusChrist.org կայքում: Առաջարկեք նրանց մտքում պահել հետևյալ երկու հարցը. Ինչո՞ւ եք կիսվում Հիսուս Քրիստոսի ավետարանով: Ինչպե՞ս եք ուրիշների հետ կիսվում ավետարանով: Դիտելուց հետո քննարկեք այս հարցերը:
Դասարան հրավիրեք որևէ հյուր-խոսնակի
Դասարան հրավիրեք որևէ հյուր-խոսնակի, որը դասի երկրորդ մասում կկիսվի, թե Եկեղեցու անդամներն ինչպես են կատարում միսիոներական աշխատանքը: Անպայման նախապես ստացեք այդ մարդու քահանայության ղեկավարի և սեմինարիաների և ինստիտուտների տեղական համակարգողի համաձայնությունը:
Կարող եք հրավիրյալ խոսնակին խնդրել ներկայացնել միսիոներական աշխատանքի սկզբունքները Պողոսի և իր ընկերակիցների Գործք Առաքելոց 16-ում նկարագրված օրինակով:
