Iloiloina o Manatu Faavae ma Fesili mai se Vaaiga e Faavavau
Ata
Looking through gospel glasses. The focus is on the Temple and family.
O se tasi o faamoemoega o le atamai i aoaoga faavae o le fesoasoani atu ia te oe i le aoaoina ma le faaaogaina o mataupu faavae mo le mauaina o le malamalama faaleagaga ina ia avea atili ai e pei o Iesu Keriso. E mafai ona fesoasoani lenei lesona e te iloiloina ai faafitauli ma se vaaiga faavavau ina ia manino atili ai lau vaai atu i ai.
Manatua: E ono sili atu le aoao atu o lenei lesona i le amataga o le tausaga aoga. A manaomia le aveese mai o lenei lesona mai le vaiaso nei i se isi vaiaso i luma mai po o tua atu, mafaufau e aoao atu e sui ai, se lesona o le atamai i aoaoga faavae atonu na misi e tagata aoga ona sa lei faia ai se aoga.
Tapenaga a le tagata aoga: Valaaulia tagata aoga e mafaufau i se faafitauli po o sa latou fesili pe mafaufau foi i le fesili sa latou filifilia e faatino ai i le faatuatua i le lesona “Mauaina o le Malamalama Faaleagaga, Vaega 1.” Valaaulia i latou e mafaufau po o a ni isi laasaga e manaomia ina ia maua ai se fesoasoani mo nei faafitauli po o a latou fesili.
Gaoioiga e Mafai ona Fai e Aoao Mai Ai
Fesili ma luitau
E i ai taimi tatou te feagai ai ma luitau po o tofotofoga e mafai ona sueina ai lo tatou faatuatua. Sa faasoa mai e Peresitene Russell M. Nelson se tasi o nei luitau sa tulai mai i le toalua o le atalii o se tasi o lana fanau.
Matamata i le “Faamuamua le Atua” mai le taimi 5:50 agai le 6:39, pe faitau i le faamatalaga nei:
Ata
Official portrait of President Russell M. Nelson taken January 2018
E le i leva tele atu, sa tauivi ai faaleagaga le toalua o le atalii o se tasi o le ma fanau. O le a ou faaigoaina o ia iā “Jill.” E ui i le anapogi, tatalo, ma faamanuiaga faaleperisitua, sa vaivai lava le tamā o Jill a talioti. Sa lofituina o ia i le fefe ina ne’i maliu lona tama ma leiloa ai ma lana molimau.
I le tuneva o se tasi afiafi, sa faamatala mai ai e lo’u toalua o Sister Wendy Nelson le tulaga o Jill. O le taeao na sosoo ai sa uunaia Wendy e faasoa atu ia Jill la’u tali i lana tauiviga faaleagaga, e na o le tasi lava le upu! O le upu o le myopic.
(Russell M. Nelson, “Ia Faamuamua le Atua,” Ensign po o le Liahona, Nov. 2020, 93)
O le uiga o le upu myopic o se tagata e le lelei le vaai mamao.
O a ni upumoni e uiga i le Atua ma Lana fuafuaga e ono fesoasoani atu ia Jill e faaitiitia ai lona popole i mea e tutupu i le lumanai?
Mafaufau i se luitau po o se fesili o loo feagai nei ma oe. E mafai ona tutusa lau fesili lenei ma lea sa tuuina mai i le lesona “Mauaina o le Malamalama Faaleagaga, Vaega 1”.
Aisea e te manaomia ma moomia ai le fesoasoni i lenei fesili po o le luitau?
Ia e manatua e leai se mea e afaina ai lou oo i faanoanoaga ma le tiga. Sa faanoanoa foi Iesu mo i latou na Ia alofa i ai (tagai i le Ioane 11:32-36). A tatou vaai i o tatou olaga ma se vaaiga e faavavau, e mafai ona fesoasoani mai le Atua tatou te taulima nei lagona. Vaai mo ni upumoni i lenei lesona e mafai ona fesoasoani atu ia te oe e fai le mea lenei i au lava fesili ma luitau.
Mataupu Faavae o le Mauaina o le Malamalama Faaleagaga
A tatou oo i luitau o le olaga pe feagai foi ma ni fesili e le mautali i ai, e mafai ona fesoasoani mataupu faavae nei mo le mauaina o le malamalama faaleagaga ia i tatou:
1. Faatino i le faatuatua.2. Iloilo manatu faavae ma fesili i se vaaiga e faavavau.3. Saili le malamalama atili e ala i punaoa ua filifilia mai le lagi.
I lenei lesona o le a tatou taulai atu ai i le upumoni o le ao tatou iloiloina faafitauli ma se vaaiga e faavavau, e mafai ona fesoasoani le Agaga Paia ia atili manino la tatou vaai i ai.
Suesue le parakalafa 8 o le “Mauaina o le Malamalama Faaleagaga” vaega o le Atamai i Aoaoga Faavae o Faamatalaga Autu ma se tasi o mau nei. Faailoga upu po o fasifuaitau e mafai ona fesoasoani ia Jill ina ia vaai atu ai i ona tofotofoga ma se vaaiga e faavavau.
E faatatau i mea na e faitauina, o le a se mea e te manao ia iloa e Jill e uiga i le i ai o se vaaiga e faavavau?
O a ni mea na tutupu ia te oe (po o isi) na e faaaogaina ai le vaaiga e faavavau e ono faasoa atu ia Jill?
O auala e iloilo ai fesili ma popolega ma se vaaiga e faavavau
A i ai ni a tatou fesili po o popolega, o se tasi o mea e mafai ona tatou faia ina ia tatou vaai ai i mea mai se vaaiga e faavavau o le:
Mo le vaega o totoe o lenei lesona, faaali atu laasaga nei e tolu i tagata aoga.
1. Faailoa soo so tatou lava manatu o tatou faia e ono oo ai i se malamalama sese e uiga i le Tama Faalelagi ma Lana fuafuaga. 2. Faailoa upumoni e uiga i le Tama Faalelagi po o Lana fuafuaga e faasao ai nei manatu soona fai.3. Toe faaupu le fesili e ala i le manatu i ai mai se vaaiga e faavavau po o le toe iloilo o le fesili ina ia atagia mai ai upu moni o le talalelei.
Matamata i le “Examining Questions with an Eternal Perspective” (2:56), e maua i le ChurchofJesusChrist.org, e vaai ai pe na faapefea ona faaaoga e se tamaitai e igoa ia Lauren nei laasaga e fesosoani ai i lana uo.
O le a se mea na fesoasoani lenei vitio e te malamalama ai e uiga i le iloiloina o manatu faavae ma fesili i se vaaiga e faavavau?
Na faapefea ona faaaoga e Lauren nei laasaga e tolu na tatou faailoaina?
Mafaufau pe mafai faapefea ona fesoasoani lenei faiga ia Jill, afafine mai le tala na faasoa mai e Peresitene Nelson.
O a ni manatu soona fai atonu na ia Jill na taitai atu ai o ia i masalosaloga po o le atuatuvale?
Atonu o nisi o manatu soona fai e ono oo i ai se tasi i le tulaga o Jill e mafai ona aofia ai: ua vave tele ona maliu se tasi o lou aiga peleina; atonu latou te le toe vaai i le pele; po o le faalagolago foi o a latou molimau i se vavega e faasaoina ai la latou pele mai le oti. O nei manatu soona fai e ono uunaia ai tagata o loo tauivi ma o latou faanoanoaga e faia fesili e pei o le “Afai e alofa le Atua ia te au, aisea ua Ia aveeseina ai la’u pele mai ia te au?”
O le tele o taimi, o le faia o manatu soona fai faapea, e mafai ona afua ai le faateleina o lo tatou faanoanoa po o le tiga i talaatu o mea ua tatou oo i ai. E mafai ona fesoasoani le faailoa o upumoni e uiga i le Tama Faalelagi ma Lana fuafuaga.
O a upu moni ua e iloa e uiga i le Tama Faalelagi ma Lana fuafuaga e mafai ona fesoasoani?
O tali e mafai ona aofia ai:
E sili ona maualuga mafaufauga ma ala a le Atua nai lo tatou (tagai i le Isaia 55:8–9).
A tatou osia ma tausia feagaiga o le malumalu, o le a toe faatasia i tatou ma a tatou pele pe a mavae lenei olaga e ala i le mana o le Faaola (tagai le Mataupu Faavae ma Feagaiga 138:47–48).
O a ni auala e mafai ona e toefafauina mai se vaaiga e faavavau i atugaluga o se tasi e oo i le tulaga o Jill? (Mo se faataitaiga, e mafai ona e tuu atu fesili e atagia ai se vaaiga faavavau e pei o le “E mafai faapefea ona ou lagonaina le alofa o le Atua ao ou feagai ma le tiga o lenei maliu e ui ina ou iloa e le tumau?” po o le “E mafai faapefea ona ou faalagolago i lo’u faatuatua i le Faaola e talitonu ai o le a ou toe vaai i la’u pele?”)
Na faasoa mai e Peresitene Nelson le ala na faamanuiaina ai Jill e ala i le atinaeina o se vaaiga faavavau e ala i lona tofotofoga.Matamata le “Ia Faamuamua le Atua” e maua i le ChurchofJesusChrist.org, mai le taimi 6:58 agai i le 8:24, pe faitau i le faamatalaga lenei:
Ata
Official portrait of President Russell M. Nelson taken January 2018
Ina ua mavae le maliu o le tamā o Jill, sa oo mai pea le upu myopic i lona mafaufau. Sa ia tatala lona loto ia malamalama atili ai i le loloto o le uiga o le myopic o le “vaai lata mai.” Ma na amata ona suia lona mafaufau. Ona fai mai lea o Jill, o le “Vaai lata mai [Myopic] na mafua ai ona ou tu, mafaufau, ma ua faamaloloina. O lena upu ua faatumulia ai nei au i le filemu. Ua faamanatu mai ai ia te au ia faalautele la’u vaaiga ma saili atu i le faavavau. Ua faamanatu mai ia te au o loo i ai se fuafuaga paia ma o loo ola pea lo’u tamā ma e alofa ma tausia pea au. O levaai lata mai na taitai atu ai au i le Atua.”
Ua ou mitamita lava i lo ma afafine faaletulafono faapelepele. I lenei taimi o le lofituina tele o lona olaga, o loo aoao ai Jill e talia le finagalo o le Atua mo lona tamā, i se vaaiga e faavavau mo lona lava olaga. E ala i le filifili e faamuamua le Atua, ua ia mauaina ai le filemu.
Na faapefea ona faamanuiaina Jill ao ia tausisia se vaaiga e faavavau?
Toe mafaufau i le faafitauli po o le fesili sa e faailoa i le amataga o lenei lesona. Galue i lau fesili po o le faafitauli i lau api talaaga ma ia faaaoga laasaga e tolu na e aoaoina.
A uma ua lava se taimi, valaaulia tagata aoga e faasoa mai po o a ni mea na latou aoaoina mai lenei gaoioiga ma fai mai soo sa latou fesili o i ai. Molimau i upumoni na talanoaina i lenei lesona ma valaaulia tagata aoga e faasoa mai a latou molimau.
Tala ma Faamatalaga o Talaaga
E mafai faapefea ona fesoasoani ia te au le tausisia o se vaaiga e faavavau pe a ou feagai ma faanoanoaga po o se maliu?
Na faamatala mai e Peresitene Russell M. Nelson le ala na fesoasoani ai le tausisia o se vaaiga e faavavau ia te ia ina ua maliu faafuasei lona toalua o Dantzel ma ina ua maliu lona afafine o Wendy i le mavae ai o se taimi umi o le tauiviga ma le kanesa:
Ata
Official portrait of President Russell M. Nelson taken January 2018
I le 2005, i le mavae ai o le toeitiiti 60 tausaga o le ma faaipoipoga, sa faafuasei ai ona valaauina la’u pele o Dantzel e toe foi atu i le aiga. Mo se vaitau, sa toetoe lava a le mafai ona ou toe gaoioi i lo’u lotofaavauvau. Ae o le savali o le Eseta ma le folafolaga o le toetu sa lagolagoina a’u.
Official portrait of President Russell M. Nelson taken January 2018
Ua ma misia tele lo ma afafine. Peitai, ona o le talalelei toefuataiina a Iesu Keriso, matou te le popole ai ia te ia. A faaauau pea ona matou faamamalu i a matou feagaiga ma le Atua, matou te ola ma tulimatai atu e toefaatasi ma ia. O le taimi nei, o loo matou auauna i le Alii iinei ae o loo ia auauna ia te Ia iina—i le parataiso.
Sa faasoa mai e Peresitene Dallin H. Oaks o le Au Peresitene Sili:
Ata
Official Portrait of President Dallin H. Oaks taken March 2018.
Ona ua iloa e le Au Paia o Aso e Gata Ai le fuafuaga a lo tatou Tama Faalelagi mo Ana fanau, ua tatou iloa o le olaga nei e le o se tala faatino e tasi se vaega ua fafao faatasi i le va o se taimi tuanai e le mailoa ma se lumanai e le mautinoa. O le olaga nei ua pei o le vaega lua o se tala faatino e tolu vaega. O lona faamoemoega ua faamatalaina e ala i mea ua faaalia e uiga i lo tatou i ai faaleagaga i le Vaega 1 ma lo tatou faasinomaga e faavavau i le Vaega 3. Ona o lo tatou malamalama i lenei Fuafuaga ma isi upumoni ua faaalia mai e le Atua, tatou te amata ai i ni mafaufauga e ese ai nai lo i latou e le o faasoaina mai lo latou iloa. O se taunuuga, tatou te oo i ai i ni faaiuga eseese i le tele o mataupu taua ia e na ona faamasinoina e isi i tuutuuga o o latou manatu e uiga i le olaga faaletino.
E faapefea ona e toe faaupuina fesili ma popolega ina ia mafai ona tali ai mai se vaaiga e faavavau?
Na saunoa Brother Chad H. Webb, taitai o Seminare ma Inisitituti o Mataupu Faalelotu:
Ata
Portrait of Chad Webb
Afai tatou te amata i se vaaiga e faavavau, o le a tatou taunuu i faaiuga lea e atagia ai upumoni e faavavau. Ae afai tatou te amata ma ni mafaufauga soona fai faalelalolagi, e foliga mai o le a tatou taunuu i faaiuga faalelalolagi. O lea la e ono manaomia ai ona tatou toe fetuunaia ia nisi o fesili ona tatou te le o taliaina manatu i tulaga lea e faavae mai ai.
Mo se faataitaiga, atonu na fesiligia oe, “Pe le tatau ea i ni tagata se toalua o e alofa le tasi i le isi ona mafai ona faaipoipo?” Mai le vaaiga a le toatele o le lalolagi, o le tali e ono foliga o le ioe. Ae ia mafaufau i le mea ua e iloa e uiga i le ata o le faaolataga ma e uiga i le faamoemoega o le Tama Faalelagi mo le faaipoipoga. O le ata o le faaolataga ua saunia ai se vaaiga e faavavau ma se manatu faaletalalelei lea e toefafau ai le fesili. O nisi o fesili e mafai ona e toe mafaufau i ai o “Aisea ua faauuina ai e le Atua le aiga?” po o le “Aisea ua faavaeina ai e le Alii le faaipoipoga i le va o le alii ma le tamaitai?” Mafaufau i mea ua e iloa e uiga i fanau agaga a le Tama Faalelagi—o fea sa latou o mai ai ma po o le a Lona finagalo mo i latou i le taimi nei ma i le faavavau. Mafaufau pe aisea ua Ia faamanuiaina ai i tatou ma le mana e faamauina ai aiga i totonu o malumalu. E faapefea e lou iloaina o nei mataupu faavae ona toefafau ai le fesili ma faataga ai oe ia vaai atu i le mataupu e ala atu i le malamalama o le talalelei?
