Դուք երբևէ ճնշվե՞լ կամ նյարդայնացե՞լ եք աշխարհի այսօրվա հոգևոր վիճակի պատճառով: Տիմոթեոսին ուղղված իր նամակում Պողոսը մարգարեացել է, որ վերջին օրերը ներառելու են «չար ժամանակներ» (Բ Տինոթեոս 3.1), բայց նա նաև ուսուցանել է, որ Տերը ձեզ տվել է սուրբ գրությունների պարգևը՝ որպես օգնություն չար ժամանակներում (տես Բ Տիմոթեոս 3.14-17): Այս դասի նպատակն է օգնել ձեզ ցանկություն զգալ ուսումնասիրել սուրբ գրությունները, որոնք կարող են պաշտպանել ձեզ մեր օրերի չարիքներից:
Վկայեք սուրբ գրությունների ամենօրյա ուսումնասիրության օրհնությունների մասին: Հաճախ վկայեք սուրբ գրությունների ամենօրյա ուսումնասիրության օրհնությունների մասին և ուսանողներին առաջարկեք նույնպես վկայել, թե ինչ օրհնություններ են նրանք ստանում սուրբ գրությունների ուսումնասիրությունից:
Ուսանողի նախապատրաստում. Կիսվեք Նախագահ Թոմաս Ս. Մոնսոնի (1927–2018) հետևյալ արտահայտությամբ. «Ամեն օր սուրբ գրությունների ուսումնասիրությունն, անկասկած, կամրապնդի հավատի մեր հիմքերը և ճշմարտության մասին մեր վկայությունները» («Որքան ամուր է հիմքը», Ensign կամ Լիահոնա, նոյեմբեր 2006, 68): Ուսանողներին առաջարկեք խորհել այս հայտարարության շուրջ և հիշել անձնական փորձառություններ, որոնք ապացուցում են դրա ճշմարտացիությունը:
Հնարավոր ուսումնական վարժություններ
Վերջին օրեր
Կարող եք ուսանողներին խնդրել ոտքի կանգնել: Խնդրեք նրանց պատկերացնել, որ սենյակի պատերից մեկը ներկայացնում է երկրագնդի պատմության այս ժամանակներում ապրելու համար երախտապարտ լինելը, իսկ հակառակ պատը՝ դրա պատճառով նյարդայնանալը: Խնդրեք նրանց շարժվել դեպի պատերից մեկը կամ կանգնել պատերի միջև այնպիսի մի տեղում, որը լավագույն կերպով է ներկայացնում իրենց զգացմունքները: Մի քանի ուսանողի առաջարկեք բացատրել, թե նրանք ինչու են այդպես զգում:
Կարդացեք Տասներկու Առաքյալների Քվորումից Երեց Նիլ Լ. Անդերսենի հետևյալ հայտարարությունը և խորհեք, թե այս ժամանակներում ապրելն ինչու է ձեր մեջ երախտագիտության զգացմունք առաջացնում կամ նյարդայնացնում, կամ երկուսն էլ:
Նկար
Official portrait of Elder Neil L. Andersen of the Quorum of the Twelve Apostles, 2010, August.
Մենք ապրում ենք շատ հետաքրքիր և հրաշալի ժամանակներում: …
Մենք գիտենք, որ այժմ, երբ մենք մոտենում ենք Փրկչի Երկրորդ Գալուստին, աշխարհը լի է լինելու ցնցումներով և շփոթությամբ: Մեր հասարակության շատ անդամներ անտեսում են Աստծո պատվիրանները: Ես հաճախ եմ մեջբերում Նախագահ Թոմաս Ս. Մոնսոսի այս հայտարարությունը. «Եթե մի ժամանակ Եկեղեցու և հասարակության չափանիշները հիմնականում համընկնում էին, այժմ մեծ անդունդ կա մեր միջև, որը գնալով ավելի է խորանում»:
Ի՞նչն է ձեզ նյարդայնացնում Երեց Անդերսենի նկարագրած աշխարհում ապրելու վերաբերյալ:
Այս դասն ուսունասիրելիս փնտրեք, թե Աստված ինչ միջոցներ է մեզ տրամադրել շփոթությունից, հոգևոր վտանգներից կամ անհանգստությունից խուսափելու համար:
Կարդացեք Բ Տիմոթեոս 3.1-7, 12-13 , 4.3-4 հատվածները՝ փնտրելով, թե Պողոսն ինչպես է նկարագրում վերջին օրերի վտանգները: Գուցե ցանկանաք օգտվել ծանոթագրություններից, որոնք կօգնեն ձեզ հասկանալ որոշ դժվար բառեր:
Երկնային Հայրը չի թողել մեզ, որպեսզի ինքնուրույն դիմակայենք վերջին օրերի վտանգներին: Նա գթասրտորեն տրամադրել է մեզ բազմաթիվ հրաշալի պարգևներ:
Երեց Անդերսենը շարունակել է.
Նկար
Official portrait of Elder Neil L. Andersen of the Quorum of the Twelve Apostles, 2010, August.
Ներկա աշխարհում մենք պետք է միշտ աղոթենք, բայց մենք չպետք է չափից շատ անհանգստանանք: Տերը կօրհնի Իր Սրբերին լրացուցիչ հոգևոր զորությամբ՝ մեր օրերի մարտահրավերներին դիմակայելու համար:
Կարդացեք Բ Տիմոթեոս 3.14-17 հատվածները՝ փնտրելով Աստծո պարգևներից մեկը, որը կարող է օգնել մեզ դիմակայել մեր օրերի չարիքներին:
Խնդրեք ուսանողներին կիսվել իրենց գտած նյութով:
Որո՞նք են այն մի քանի օրհնությունները, որոնք կարող ենք ստանալ սուրբ գրությունների այս հատվածների ուսումնասիրության արդյունքում:
Գրատախտակին նշեք բացահայտված օրհնությունները: Եթե ուսանողները դժվարանան բացահայտել օրհնությունները, հետևյալներից մի քանիսը կարող են ավելացվել ցուցակին:
Սուրբ գրությունների ուսումնասիրությունը կարող ձեզ օգնել.
Խորացնել ձեր հավատքը Հիսուս Քրիստոսի հանդեպ:
Իմաստություն և հրահագներ ստանալ տարբեր իրավիճակներում:
Հասկանալ ավետարանի վարդապետությունը կամ ճշմարտությունները:
Ուղղել կեղծ գաղափարները կամ վատ սովորությունները:
Ավելի շատ նմանվել Հիսուս Քրսիտոսին:
Ինչպե՞ս կամփոփեիք այն ամենը, ինչ Պողոսն ուսուցանել է սուրբ գրությունների ուսումնասիրության մասին:
Ահա թե ինչպես կարող եք ամփոփել Պողոսի ուսմունքները. Երբ մենք ուսումնասիրում ենք սուրբ գրությունները, մենք կարող ենք իմաստություն ձեռք բերել, որը մեզ կտանի դեպի փրկություն՝ Հիսուս Քրիստոսի հանդեպ հավատքի միջոցով: Կարող եք գրատախտակին գրել մի քանի ուսանողների ամփոփումները:
Սուրբ գրությունների ուսումնասիրության ձեր օրագրերում գրեք այն ժամանակի մասին, երբ սուրբ գրություններն օգնել են ձեզ Պողոսի նկարագրած ճանապարհներից մեկի միջոցով: Եթե չեք կարող հիշել որևէ փորձառություն, գրեք, թե ինչու եք կարծում, որ սուրբ գրությունները կարող են ձեզ օգնել Պողոսի կողմից նկարագրված ճանապարհներից մեկի միջոցով:
Խնդրեք մի քանի ուսանողների կիսվել իրենց գրածով կամ ամփոփել այն:
Ուրիշ ի՞նչ եղանակներով Տերը կարող է օրհնել ձեզ, երբ դուք ուսումնասիրում եք սուրբ գրությունները:
Տերը ձեզ տվել է սուրբ գրությունների պարգևը՝ որպես օգնություն վերջին օրերում: Ի՞նչ է սա ուսուցանում Նրա մասին։
Օգտվեք սուրբ գրություններից
Հետևյալ վարժությունը կատարելու համար ուսանողներին բաժանեք փոքր խմբերի:
Հիսուս Քրիստոսի հանդեպ հավատքը մեծացնելու նպատակով սուրբ գրություններից օգտվելու համար ընտրեք երկու մարտահրավեր, որոնց մասին Պողոսը մարգարեացել է Բ Տիմոթեոս 3.1-7, 12-13 , 4.3-4 հատվածներում, կամ ընտրեք տարբեր մարտահրավերներ, որոնք արդիական են ձեզ համար: Որոնեք սուրբ գրությունների հատվածներ, որոնք կարող են օգնել այս մարտահրավերներին դիմակայող որևէ մեկին: Օգտակար կլինի հիմնական բառեր որոնել Սուրբ գրքերի ուղեցույցում կամ Թեմաների ուղեցույցում, որոնք կարող եք գտնել ChurchofJesusChrist.org կայքում: Կամ դուք կարող եք ընտրել ձեր սիրած սուրբ գրությունները և այնուհետև որոշել, թե վերջին օրերի որ մարտահրավերների դեմ դրանք կարող են ձեզ օգնել:
Սուրբ գրությունների ո՞ր հատվածներն եք դուք գտել, որ կարող են օգնել որևէ մեկին, ով հատուկ մարտահրավերների է դիմակայում: Բացատրեք, թե դրանք ինչպես կարող են օգնել:
Սուրբ գրությունների ուսումնասիրության ձեր նպատակը
Ուսանողներին հնարավորություն ընձեռեք խորհել սուրբ գրությունների ուսումնասիրության իրենց նպատակների շուրջ: Որոշ ուսանողներ կարող են դժվարանալ հետամուտ լինել իրենց նպատակներին: «Վարդապետությունների սերտում. Բ Տիմոթեոս 3.15-17» դասում ներկայացված ուսումնական փորձառությունն ուսանողներին հնարավորություն կտա մտածել, թե նրանք ինչպես կարող են հաղթահարել սուրբ գրությունների ամենօրյա ուսումնասիրության ընթացքում առաջացող խոչընդոտները:
Պողոսը հիշեցրել է Տիմոթեոսին, որ վերջինս օրհնված է եղել՝ իմանալով սուրբ գրությունները երիտասարդ տարիքից (տես Բ Տիմոթեոս 3.15): Նմանապես, Երկնային Հայրը կօրհնի ձեզ երիտասարդ տարիքում սուրբ գրություններն ուսումնասիրելու համար: Մի քանի րոպե տրամադրեք, որպեսզի՝ կա՛մ աղոթքով նպատակ դնեք, կա՛մ քննեք սուրբ գրությունների առօրյա անհատական ուսումնասիրության ձեր ներկա նպատակը: Խորհեք հետևյալ հարցերի շուրջ.
Ձեր նպատակն ինչպես է ձեզ օգնում զարգացնել հավատքը Հիսուս Քրիստոսի հանդեպ և հաղթահարել մեր օրերի մարտահրավերները:
Ձեր կարծիքով, ի՞նչ շտկումներ պետք է կատարեք ձեր նպատակի մեջ:
Ուսանողներին առաջարկեք կիսվել վերը նշված երկրորդ հարցի իրենց պատասխանով:
Ուսանողներին առաջարկեք ներկայացնել իրենց նպատակները, եթե, իրենց կարծիքով, դա կօգնի հասնել դրանց:
Կարող եք ձեր ուսուցչին, ծնողին կամ որևէ վստահելի մարդու ներկայացնել սուրբ գրությունների ուսումնասիրության ձեր նպատակը և խնդրել նրանց օգնել ձեզ:
Բացատրական և պատմական տեղեկություններ
Ես ինչպե՞ս կարող եմ հասկանալ Բ Տիմոթեոս 3.1-7 հատվածներում նշված վտանգները
Հետևյալ սահմանումները կարող են օգտակար լինել.
«Անգութ» ( Բ Տիմոթեոս 3.3) կարող է ներառել վարքագծեր, որոնք ենթադրում են զգացմունքի կամ գթության պակաս, ատելություն և արհամարհանք կամ սեռական անբարոյականության հանգեցնող վավաշոտություն:
Կարող եք կարդալ «Տող առ տող. Բ Տիմոթեոս 3.16-17» հոդվածը (New Era, ապրիլ 2012, 19), որը պարունակում է հուշումներ, մարգարեական մեկնաբանություններ և բացատրություններ, որոնք կարող են ձեզ օգնել ավելի լավ հասկանալ այս հատվածները:
Սուրբ գրությունների ուսումնասիրությունն ինչպե՞ս կարող է օգնել ինձ իմ կյանքում
Տասներկու Առաքյալների Քվորումից երեց Ռիչարդ Գ. Սքոթն (1928-2015) ուսուցանել է.
Նկար
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.
Մենք Աստծո հետ զրուցում ենք աղոթքի միջոցով։ Նա շատ հաճախ մեզ հետ շփվում է Իր գրված խոսքի միջոցով։ Որպեսզի իմանաք, թե ինչպիսին է Նրա ձայնը, ուսումնասիրեք սուրբ գրությունները և խորհեք դրանց շուրջ։ Այն դարձրեք առօրյա կյանքի կարևորագույն մասը: …
Սուրբ գրությունների ամենօրյա, հետևողական ուսումնասիրության շնորհիվ դուք կգտնեք խաղաղություն ձեզ շրջապատող խառնաշփոթի մեջ և ուժ՝ դիմակայելու գայթակղություններին։ Դուք զորեղ հավատք կձևավորեք առ Աստծո շնորհը և կիմանաք, որ Հիսուս Քրիստոսի Քավության շնորհիվ ամեն ինչ արդար կդառնա՝ Աստծո ժամանակին համապատասխան։
Ինչպես կարող եմ լավատես լինել ապագայի վերաբերյալ, եթե հասարակությունը շարժվում է Աստծո պատվիրաններին հակառակ:
Նախագահ Բոյդ Ք. Փաքերը (1924–2015) Տասներկու Առաքյալների Քվորումից օգնել է պատասխանել այս հարցին «Սիոնի բլրի վրա» տեսանյութում, 0:00-1:41 ChurchofJesusChrist.org կայքում:
Ինչպե՞ս կարող եմ արդյունավետ ուսումնասիրել սուրբ գրությունները
Երեց Դեյվիդ Ա. Բեդնարը Տասներկու Առաքյալների Քվորումից պատասխանել է այս հարցին «Խորհուրդ սուրբ գրությունները ուսումնասիրելու համար» տեսանյութում (2:07) ChurchofJesusChrist.org կայքում:
Օժանդակ ուսումնական վարժություններ
Փրկչի օրինակը
Ուսանողների հետ կրկնեք Մատթեոս 4.1-11 հատվածերը՝ տեսնելով, թե Փրկիչն ինչպես է օգտագործել սուրբ գրությունները՝ վտանգներն ու գայթակղությունները հաղթահարելու համար:
Սուրբ գրություններից սովորելու տարբեր եղանակներ
Մինչ ուսանողները խորհեն սուրբ գրությունների ուսումնասիրության իրենց անհատական նպատակների շուրջ, ցուցադրեք Տասներկու Առաքյալների Քվորումից երեց Դեյվիդ Ա. Բեդնարի հետևյալ հայտարարությունը: Ուսանողներին առաջարկեք բացահայտել յուրաքանչյուր բառ, որը նկարագրում է, թե մենք ինչպես կարող ենք օգտվել մեր սուրբ գրություններից:
«Ես և դուք պետք է նայենք Քրիստոսին և գանք Նրա մոտ, ով «կենաց ջրերի ակունքն է» ( 1 Նեփի 11.25 , համեմատեք Եթեր 8.26 , 12.28), կարդալով (տես Մոսիա 1.5), ուսումնասիրելով (տես ՎևՈւ 26.1), փնտրելով (տես Հովհաննես 5.39 ; Ալմա 17.2) և սնվելով (տես 2 Նեփի 32.3) Քրիստոսի խոսքերով, ինչպես որ տրված են սուրբ գրություններում: Դրանով մենք կարող ենք ստանալ և՛ հոգևոր ուղղորդում, և՛ պաշտպանություն՝ մեր մահկանացու ճամփորդության ընթացքում» Դեյվիդ Ա. Բեդնար, «Կենդանի ջրի աղբյուրը» [Եկեղեցու Կրթական Համակարգի հավաք երիտասարդ չափահասների համար, փետրվարի 4, 2007], 2, broadcasts.ChurchofJesusChrist.org):
Խնդրեք ուսանողներին նկարագրել, թե նրանք ինչպես կարող են կիրառել բացահայտված բառերից յուրաքանչյուրը սուրբ գրությունների իրենց անհատական ուսումնասիրության մեջ:
